عزيزاتي المشرفات عذرا على وضع الموضوع بهذا القسم بس ابي الجواب السريع من خواتي هنا الأكثر تواجدا
بالأول الله يجعلني وياكم من صوام الشهر وقوامه ومن عتقائه
بعدين زي ماتعرفون انا مطلقه لي اكثر من سنه وقبل الطلاق كانت تجيني الأم مو طبيعيه بجنبي الأيمن تبدأ وتنتقل وكأنها الم مغص مره بالرجل اليمنى ومره باليسرى ومره بالكتف سويت كشف على آخر أيامي مع طليقي وطلع لي بالتحليل تكيسات بالمبايض وارتفاع هرمون الحليب وعطوني علاج وطلبت مني الدكتوره انزل وزني على الأكثر عشره كيلو لانه باعتقاده هو سبب التكيسات الوزن طبعا لان انا وزني زاد عشره كيلو دفعه واحده خلا ل كم شهر طبعا مانتظمت بعلاجي بسبب المشاكل اللي مريت فيها وفتره طلاقي الأولى شيئا فشيئا راحت الأعراض اللي فيني وخفت المشكله كثير وخلاف العاده الدوره ماتتعبني زي اول الا انه من خمس شهور رجعت المشكله أخف من الأول ومدتها من أغسل من الدوره الى قبل الدوره باسبوعين ويبدأ صدري بالاحتقان والامتلاء مع الألم الشديد يعقبه دورة متعبهً
اهلي رافضين تماماً أروح لطبيبة يقولون مافيك الا العافيه وساوس وطبيعي
اللي صار دورتي اللحين متاخره ولأول مره آخر مره جتني سبع طعش سبعه وكانت الشهور اللاخيره كل مره تقدم أسبوع
انا اللحين قد أكون مبسوطه. لان بودي أكمل صيامي كامل وبنفس الوقت خايفه من الأضرار والمشاكل اللي بسببها تأخرت الدوره
اللحين عندي الم بجنبي الأيمن وانتم بكرامه بالمنطقة زي الحراره يصاحبه افرازات شفافه وبيضاء وانتم بكرامه وإذا ضغطت على جنبي مباشره انتقل الألم لرجلي أقرب ما اشبه الألم بألم المغص حتى خواتي يضحكون علي إذا قلت رجلي تمغصني << تستظرف ههههه
بالنسبه لزيارة الطبيبه مشطبه عليه الفتره
ووزني زي ماهو مانزل ولا كيلو
فما ادري اللي عندها خلفيه تدلني وش طبيعه الآلام اللي تجيني مع العلم ان الآلام ذي مخليه نفسيتي بالحضيض
وهل هو طبيعي تأخر الدوره لهذا الحد
وهل من الممكن اصبر على الوضع لين بعد رمضان
وأي. وصفات شعبيه أو طبيه إذا تكرمتوا
وجزاكم الله عني خير
شاركي في النقاش
سجلي الدخول لإضافة تعليق.
التعليقات
19- انا من رائي تروحين للدكتوره افضضضل مو طبيعي هالتأخر
وشوفي وش تعطيك واستمري ع العلاج
روحي مع احد اخوانك او خواتك ماتاخذ وقت ان شاء الله ساعه وخالصه
مانقدر نعطيك وصفه وو
وضعك لازم تحاليل واشعه من دكاتره ..
الله لايوريك مكروه ويعوضك خييييير - لازم تتابعين عند طبيبة
وماتشوفي شر يااارب - الله يشفيك
رفع لعيونك - اسالي الطبيبه
- أختي
مشاكل الدورة الشهرية سببها نقص المعادن المغنيسيوم والنحاس
تابعي أخصائية التغذية في الإنستغرام reemulita
مواضيع مشابهة
تابعي تجارب أخرى من هذا القسم.