المساعدة في طريقة المرقوق او المطازيز

ياحبيبتي ابحثي في المنتدى وان شاء الله تلقي اللي تبغين

بصراحه انا اللي اعرفه المرقوق .. ولذيذ وسهل ويبيض الوجه
قبل كل شيء اعجني العجينه .. وهيه عباره عن : دقيق اسمر كوبين ونص كوب دقيق ابيض وملح ومويه
المويه على حسب . ماعندي مقدار معين لكن تكون العجينه وسط مايله لـ الليونه .. ولما تفرديها افرديها بدقيق لانها تلزق وقصصيها دوائر بفنجان الشاهي ارتب واصغر واجمل وحطيها الدوائر بصحن كبير على جنب جنب بعض وكملي باقي العجينه حتى تخلصي كل مقدار العجينه .. هدا بالنسبه للعجينه .. وترى ماتحتاج تخمير
وبعد كدا : قطعي بطاطس وجزر مكعبات على جنب .
اول شي تكشني في قدر بصل وثوم وعود قرفه وعودين قرنفل ولو عندك صدور دجاج مقطعه مكعبات تضيفها برضو على البصل والثوم وتخليها شويه تاخد طعم البصل والثوم خفضي النار حتى تتحمر شويه او تصير بيضاء قطع الدجاج وبعدها تحطي البهارات المشكله والفلفل الاسود والكركم ورق الغار وحركي وحطي معجون طماطم تقريبا ملعقه وحطي الماجي والطماطم المفرومه وبعدها حطي البطاطس والجزر وخليها شويه تتسبك .. وبعد كدا ضيفي المويه
المويه نص القدر تقريبا وضيفي ملح لو احتاج الامر .. وبعدها خلي المويه تغلى شويه عشر دقايق ورشي رشه حبة سوداء وحطي بعد كدا المرقوق اللي هيه دوائر العجينه .. حطيها وحده وحده ورى بعض وحركي بشويش وكملي الباقي واتركيها على نار متوسطه حتى تنضج وتنشف مويتها شويه ..
ترى يبقى فيها شويه مويه سليق مرق .. عادي لازم اصلا
وتقدم في صحن التقديم وتزين بشرائح ليمون وبالهنا ..
يارب شرحي واضح وتزبط معاكي ..
هدي طريقتي دايما والكل يحبها ..

سوسو يا اختي المرقوق مايتصلح بالدجاج هذي وحده ثانيا ماينحط فيه بطاطسسسسس خطائين فادحين في عمل المرقوق والمطازيز

جبتي للبنت العيد تبي بياض الوجه عند حمولتها جبتيلها سواد الوجهه كانهم يفهمون بالمرقوق والمطازيز عز الله بيضحكون عليها ايضا لا

كذلك الثوم خطأ فادح في المطازيزززز .....

وربي فطستيني ضحك ياكحلها سايل ههههههههههههههههههههه ع ردك بصراحه انا ماعرف اسوي لامطازيز ولامرقوق خخخخخخخخخخخخخخخخ

المرقوق يحطون فيه خضار مثل الكوسا والبطاطس والجزر وتكش نين بصل وطماطم وبهارت واللحم يكون مقطع هذي طريقه الوالده الله يحفضها وعجينته المرقوق طحين ابيض أو بر ماي وملح وبس سلامتك