احلفكم بالله ساعدوني

كلمي امك تكلم ابوك انو يناديه ويجمعكم مع بعض
ويشوف مين الغلطان وتتفاهمون ..


الله ييسر لك ويسخره لك ويرجعه لك عاجلا غير اجل

عارفة طول ما انا اقرأ موضوعك أفكر في الأطفال ياعمري
والمصيبة ولا أنتي ولا هو ولا أهلك ولا أحد من المشاركات ذكرهم بشكل أساسي للمشكلة
يعني كل هالجدال والمشاكل والخلاف والضرب بوجودهم في البيت ؟؟!!
حرام عليكم ترى والله العظيم ماينسون ولا شئ منها لو الطفل عمره شهرين يحس بالتوتر في الوالدين وهذا الشئ مثبت علمياً ويأثر على نفسيته وشخصيته
المفروض تتجنبين المشاكل طالما عندك أطفال ، راعي نفسياتهم و وفري لهم جو هادئ ومستقر حتى ينشأون أسوياء نفسياً
ما أبغى أحسسك بالذنب وأزيدك هم وغم لا والله بس انحرق قلبي على الصغار اللي مالهم ذنب ودايم يكونون ضحايا حماقتنا يا الكبار
الآن ما عندك غير خيار واحد
اتركي الموضوع للوالد لأنه طالما رحتي لبيت أهلك بعد (((ضرررب))) لابد زوجك ياخذ له درس ماينساه
ما اقول اطلبي الطلاق او حرضي ابوك يطلبه لا انتبهي فكري في الأطفال مساكين وش ذنبهم ينشأون مشتتين وينحرمون الاستقرار في أسرة وبين أم و أب
كلمي ابوك وفهميه ان انتي ما تبغي الطلاق بس تبغينه يتأدب
خلوه لاتكلمون ولا تتصلون ابد بتمر اسابيع ويمكن شهور ومصيره يرجع يدور رجعتك لأنه واضح من بعض مواقفه اللي ذكرتيها انه مايبي الانفصال
و اذا رجع اطلبي رضوة مبلغ وقدرة وتعهد بعدم الاعتداء مره ثانية وجيبوا شهود و وقعوه عليه
وانتي ياقلبي غيري من اسلوبك شوي لو مو عشانه او عشانك عشان الاطفال ياحرام
اهدأي شوي واعرفي ان ولا شئ بالدنيا يمشي ع المزاج ريحي نفسك واعصابك وامسكي زلات لسانك ترى اللسان يودي في ستين داهية
الله يسخر زوجك لك ويسخرك له ويوفقكم جميع لما فيه الخير

انتبهي انتبهي انتبهي تكلمينه من ورا ابوك لاتنزلي  بكرامة ابوك الارض والله مايستاهل ابوك اللي لمك وحطك تحت جناحه يوم زوجك ضربك لاتكسرين كلمة ابوك ابوك تاج راسك خلي زوجك ياخذ درس معليه يمكن يطول الدرس لك وله بس اتحملي ،..... اذا كلمتيه من ورا ابوك راح تنذلي صدقيني وع الطالعه والنازله بيتذكر انك كسرتي كلمة ابوك وطلبتي ترجعيله من وراه واحتمال يذل الوك فيها كمان .... خلي الكلمه في الظاهر لابوك وواضح انه يبغى يأدبه ويستاهل زوجك اجل يضربك عشان كلام الناس الحاقده ... انتي اذا بتتكلمين قولي لابوك بس ابوي اذا تقدر تحل الموضوع من غير طلاق ياريت لاني ماابغى اولادي يتشتتوا ووالدك راح يتفهم ... برغم ان فيك عيوب وطولة لسان الا ان زوجك فهذا الغلط غلطان من ساسه الى راسه.... ويحتاج من يلقنه درس عشان يحرم يسمع فلان وفلتان انتي الحين توجهي لرب العباد وادعي الله وقولي حسبي الله وكفى وقولي ( لا اله الا انت سبحانك اني كنت من الظالمين) هذي نصيحتي لك ان اصبت من ربي وإن اخطأت فمن نفسي والشيطان ..

مااعرف ايش اقول بس انصحك بالاستغفار والله نصحتني فيه خالتي والله انحلت مشكلتي ورجع يحبني

عليتس بالدعاء والاستغفاااااااار والصدقه... الدعاااااااااء بعد الله راح يجيبه لتس زي اللي تبين.. ادعي لي اتزوج..