صديقتي تعبت منها والله مرعوبه منها الله يجعلها من المقبولين ليلة القدر من ترد علي



السلام عليكم ورحمة الله
انا عندي زميلة دراسة تطورت العلاقة الى ان اصبحت صديقة
الان متواصلين بالواتس شبه يومي وتدخل بادق تفاصيل حياتي هي معلقه من زوجها هي تبغى طلاق وهو رافض وعندها ثلاث اطفال المهم اكتشفت انها تنطل علي كلام كله حسد بسحد يعني كأنها تحاول متعمده انها تحسدني مثلا تقول انتي تنجحين بدون مذاكره بدون تذكر الله واذكرها بس ماش ماتذكره و تقول ماينخاف عليك الخوف علي واذا قالت ردي علي اتعذر بشغلي ومن تعب الحمل تقول كيف جبتي كل هالبزارين والله لو حملك تقليح صناعي بدون تذكر الله احس انها تتعمد ان تصيبني بعينها
والله صرت اخاف تحوشني عينها ويتيتمون صغاري صرت اخاف من كلاماتها وبس تعدد النعم اللي عندي وكانها مو عاجبها تعبت والله تعبت وودها تعرف كيف علاقة زوجي معي هو الان عندي او برا تعبت مره تعبت واكثر مايضايقني بس تهرج عن اطفالي كانها هي من يصرف عليهم و انتي قويه بعيالك وعيالي صغار لاحول لهم ولاقوة اطفالي عددهم عادي بس عشان اللي عندها ثلاثه
ياربي تعبت منها ماقدر احط حظر تعرف بيتي وارقام بنتي وولدي ورقم زوجي عندها لان كم مره اخوها احتاج زوجي وحل معه كم موضوع
السؤال كيف اقطع علاقتي فيها وهي لاصقه فيني نفسي اقطع علاقتي عشان ارتاح من كلماتها تعرف عنوان بيتي وهو ملك ماقدر اغيره تعرف كل ارقامنا ولا يقدر زوجي يغير رقمه مستحيل يغيره له تقريبا 13سنه وهذا رقمه ولا راح يطيعني لو اقول غيره واي احد يدق يبغاني يوصلني له
عطوني حل هي الان على الواتس تكلمني لازم ارد طفشت ولا اقدر احذف الواتس عشان دارستي وعملي ولو احذف راح تجيني البيت اعرفها
تكفون اعطوني حل ان فيه اخطاء اعذروني اكتب من جوال

61 تعليق 10,296 مشاهدة

شاركي في النقاش

سجلي الدخول لإضافة تعليق.

التعليقات

61
  1. الله يكفيك شرها ويرد كيدها في نحرها
    انتي حصني نفسك وزوجك وعيالك وبيتك يومييييييييييييييا بعد صلاة الفجر والعصر
    وادعي ان ربي يصرف عنك شرها
  2. @taabt_afhmk_1


    خلاص اقطعي علاقتك فيها وعطيها بلوك بالواتس وش له هالرعب ! صرنا نقدم الخوف من الحسد والعين على التوكل على الله والتحصين

    وبعدين وش الفائده من وضع حالتها الاجتماعيه يعني بنقتنع انها ممكن تصيبك بالعين عشانها مطلقه ولاناويه الطلاق

  3. @almkatl_3

    سبحان الله فيه كثير من هذه النوعية
    واحيانا صعب تقطعين العلاقة بسبب القرابة او العلاقات الأخرى المتصلة بالعائلة
    يا أختي أولا
    انت حصني نفسك وتعوذي بالله منها ومن شرها وان يصرفها عنك
    ثانيا
    سوي معاها بالمثل
    يعني إيه من قدك ماعندك زوج يحاكرك في طلعاتك
    ماعندك كوم بزران
    تنامين مرتاحه
    مثل كذا
    وخبي عنها الأشياء الحلوة اللي في حياتك واذكري السيئ وانتبهي تفاولين على روحك
    والله خير حافظ

تابعي تجارب أخرى من هذا القسم.