لكل من حملت او سمعت قصص بعد صبر والحاح من الله تعالي << يوجد موضوع مثبت

انا تأخرت وما تركت شي ماسويته انابيب ومنشطات وكلها فشلت عقب سويت جبت سد مطحون وقريت الرقيه 7 أيام وأخذت عسل مقري عليه وسبحان الله تتأخر الدوره وحملت وكنت بعد مشتريه لامي هديه ونويت الحمل مع الصدقه والاستغفار  جربيها سبحان اللهً يمكن ربي برحمته يكتب لك الحمل الله لايحرمً حد

سدر مطحون

وانا باذكر لكم قصة أختي اللي ذكرتها قبل خمس سنوات،،،

مشكلتها تأخرفي الحمل وعدم إنتظام في الدوره وتكيس في المبايض وبعد مراجعات عند الدكاتره ومتابعه وحبوب كلوميد وإبر وكل ذي الحاجات من دون فايده 00 الحمد للله على كل حال 00
وذكرت لنا إحدى الأخوات عن طريق وحده صديقتها عن دايه تعالج تأخر الحمل والمشاكل هذي تعطي أعشاب من أول يوم بالدوره لحد نهايتها لكن ماتمرخ 00 وفعلأ جبنا لأختي الدوا من عندها عن طريق بنتها 00 وبعد دورتين الحمد لله أختي حملت وألحين هي تنتظر مولودها عقبالكم إن شاء الله 00
وعلى فكره بقي من علاج أختي شوي وأمي أر سلته لوحده لها أكثر من عشر سنين ماخلفت وماخلت ولا دكتور ولادوا إلا إستخدمته 00 وأستخدمت هذا الدوا ومن أول دوره حملت ماشاء الله 00
هذي الدايه علاجها معروف وفيه البركه وكل اللي جربوه ذكروه بخير 00
وحبيت أنقل لكن تجربتنا مع أختي والي تبغى رقم الدايه ترى موجود عندي وأنا في الخدمه لأخواتي في المنتدى 00

وهذي بعد قصة صديقتي ،،

السلام عليكم ورحمة الله وبركاته 000

الحمد لله على فضله ومنته. كل شي واضح من العنوان. بعد 19 سنه من الصبر والإنتظار صديقتي حامل ما شاء الله لا قوة إلا بالله 0
الحين هي بالشهر الرابع الله يتمم لها على خير أدعو لها بثبات الحمل وان يرزقها بالذريه الصالحه السليمة المعافاه 0
تبدأ قصة صبرها ان زوجها يعاني من مشاكل في الضعف والحركة والصديد وأشياء
وهي سليمه وأمورها كلها طيبه لكن السبب من زوجها
وبعد اول سنه زواج بدأت البحث هي وزوجها عن الإنجاب
وطول السنوات اللي مضت كان علاج مابين مستشفيات خاصه ومستشفيات حكومية
والنتيجة كما هي
ولجأوا للحقن المجهري ومره للتلقيح الصناعي
ولكن دون فاءده وكانوا صابرين ومحتسبين ويقولون أن ما أصابنا هو خير 0
وتقولي بلسانها الحمد لله أخذت علاج لي مع انه مااحتاج وزوجي أخذ علاج وكان مدة شهرين وسوى تحليل وكان في تحسن كبير الحركة زادت ونسبة التشوهات خفت والصديد مافي
قلت الحمد لله هذي بشارة خير
وبعدها طلب زوجي علاج مره ثانيه مدة شهرين ثانيه والحمد لله مع تعليماتها والرقيه اللي أرسلتها مع العلاج. يارب لك الحمد والمنه وبعد شهرتأخرت الدوره وانا متعوده تجي في وقتها يمكن أسبوع قلت عسى خير0
وبعد 10 أيام رحت الصيدلية وجبت اختبار حمل قلت أشوف
وسويت التحليل تقول ماني مصدقه عيوني خطين 00 يارب احمدك وأشكرك وعلى طول سجدت سجود الشكر 0
كلمت أختي قالت يمكن الاختبار قديم ولا خربان 0
قالت لي خلاص نروح المستشفى ونسوي تحليل دم ونتأكد
وراحت هي وأختها وسويت تحليل وكان انتظار نص ساعه كأنه سنه بالنسبة لها
وشوي جاتهم دكتورة المختبر وقالت مبرووووك المدام حامل وتقول وانا لا شعوريآ في غرفة الإستراحه أسجد سجود الشكر وطولت وانا سأجده لدرجة أختي قالت آشفيها ما قامت انفجعت علي. 0
وهي على المثبتات والراحه 0 الله يتم السلامه عليها ويقر عينها بشوفة جنينها سليمآ معافآ
ودعواتكم لها
وعقبال كل وحده تتمنى الضنى يارب 0
وإن شاء الله راح انزل موضوع بولادتها لمن تولد بالسلامه

وقصص كثير من تجارب ناس أعرفهم والكل بفضل الله عز وجل

بس للأسف كل ما نزلت موضوع عن تجربه شخصيه المشرفات هداهم الله يحذفوا الموضوع

ما ادري ليش . .? مع ان المنتدى الهدف منه تبادل المنفعة وأخذ الخبره والتجارب من الناس وتبادل وجهات النظر ،،
والرسول عليه الصلاة والسلام ،، قال ( لا يؤمن أحدكم حتى يحب لأخيه مايحب لنفسه )

وخير الناس أنفعهم للناس،،