قِرّوّبِ أٌقُبٌلِتُ أَحٌلّى ۶ـرٌۇۈۉسُ -تٌجّمّعِ عًرٌأَيُسّ 1434ﮭ-

انا معاكم ومتابعتكم بصمت ....ويعتبر هذا زواجي الثاني..الله يتممه ع خير يااارب...
وزواجي في شهر 10 بسسسس اي يوم ماادري ...لان خليت اخوي يكلمه وقال له بعلمكم قبلها باااسبوع ...لان زواجي عائلي في بيتنا لانه ملتزم


وانا من نهاية شهر شعبان إلى حد يومنا هذا وانا مسويه جدول عناية لجسمي ولشعري

يوم (( مقشر للجسم )) واليوم اللي بعده (( سدر + حليب بودره+ كركم+ حناء))
واليوم اللي بعده((صنفرة كاب)) وبآخر كل اسبوع اعمل حمام مغربي
واستخدم كمان ملح الحليب بعض الاحيان غير خلطة اللي فيها فازين وجليسويد ...الخ بين فتره وفتره

وقبل النوم استخدم(( زبدة الشيا الخام ))عشششان التشققات وإلى حد الآن مااشفت نتيجه

واعمل خلطات لشعري + تونك الشعر عشبة الاس مع اكليل الجبل + فيتامين زيت قد السمك


وبصراحه طفشت ومقهههههوره منه مااحدد الزواج واخاف اتكاسل ولا اكمل جدولي

نونو/برنامجك حلو وخفيف لاتتكاسلي بالعكس بعدها راح ترتاحي وأناعجبتني طريقه روعه للعنايه للعرايس أسبوعيه يعني كل نهاية أسبوع
الحين أنزلهاعشان الكل يستفيد

أنابالنسبه لي اشتريت الذهب وجهزت الفستان
وباقيلي المشتروات الثانيه ربي يسهلها

هذا يابنات برنامج شفته هنابقسم البشره بطبقه بإذن الله قررريب
/
/
السلام عليكم

بدخل لكم بالسالفه على طول
دايم لما اتصفح قسم البشره القى العرايس والبنات بتذمرون من جسمهم ان لونه مو موحد
انا من تجاربي عرفت وش اللي يناسبني و عرفت الزبده بقولكم على طريقتك وجربوها لان تناسب الاغلبيه
بتكلم لكم كل شي بالتفصيل

اول شي الجسم :مافي شي احسن من الحمام المغربي لا خلطات ولا كريمات ولا خرابيط فادت معاي زي الحمام المغربي
لانه ينظف و يطلع لون البشره الاصلي صاااافي و حلو

الاشياء اللي تحتاجينها للحمام المغربي عشان تسوينه بالبيت :
صابون مغربي: معجون انا اخذه من عطار المرواني يجيبه من المغرب مباشره مررره ممتاز و رخيص العلبه تكفيك ثلاث شهور اذا بتسوين كل اسبوع
سعر العلبه 15 ريال( الصابون المغربي احتفظفي فيه بمكان جاف بالغرفه مثلا و اذا جيتي تستخدمينه خذي منه في صحن ودخليه معاك الحمام) .
الحنا البيضا: هذي حنا للجسم بعد اخذها من المرواني العلبه تكفي ثلاث شهور او اكثر ب 35 ريال.
الطين المغربي: مره حلوه يصفي بشكل رهيب .
اعشاب الحمام المغربي:بعد من المرواني ب 15 ريال تكفيك شهرين او اكثر .
فكس : مره حلو ينظف ويفتح .
نشا: يصفي و يشد الجسم.
صنفره المشمش:عشان الركب والاكواع .
ماي ورد: حلو ينعش الجسم و تحتاجين تخلطينه مع الحنا .
فوطه صغيره و نظيفه : بعلمك لا تستعجلين .
لوشن فازلين بزبد الكاكاو و جنين القمح: افتحي علبه اللوشن و حطي عليه
جنين القمح و رجيه وسكريه عشان تستخدمينه دايم .



الطريقه:
خذي صحن حطي اربع ملاعق صابون مغربي و ملعقه اعشاب الحمام المغربي
و نص ملعقه نشا و ملعقه فكس ( الملعقه الكبيره حقت الاكل عاد كل وحده تقدر حاجتها )

اخلطيهم زين وبعدين دخلي الحمام و افتحي الدش خلي يمتلي المكان بخار
حطي الخلطه على جسمك و خليك من عشر دقايق الى ربع ساعه و بعدها خذي الليفه المغربيه
او اللي من بدي شوب اللي زي القفاز وانا ارشحها اكثر اسهل و تنظف اكثر
ابدي افركي من تحت من ساقك الى فوق لحد الصدر افركي بشكل دائري افركي بضمير
وركزي على الركب والاكواع و اما الابط حتى لو انه غامق لا تشدين عليه لانه منطقه رقيقه
ولا تشدين على الرقبه و المنطقه الحساسه يعني على هونك على هالمناطق اما الباقي ما اوصيك
ولا تنسين ظهرك اهم شي و بطنك لاتهملينهم خليهم ينورن شوي
خذي راحتك ادعكي من قلب واذا خلصتي اشطفي جسمك بماي دافي.

وبعدين خذي الحنا البيضا اربع ونص ملعقه من اعشاب الحمام المغربي و زي عليهم ماي ورد
شوي شوي لين تصير ثقيله شوي يعني مو خاثره ولا خفيفه
وادهني جسمك كله فيه و خليه عشر دقايق او ربع ساعه وبعدين اشطفي جسمك زين

وبعدين الطين المغربي خذي اللي يكفيك اخلطيه بماي ورد لين يصير ثقيل شوي و ادهني جسمك
عشر دقايق الى ربع ساعه و بعدين اشطفي جسمك


وافركي الركب والاكواع والمناطق الغامق البطن والمؤخره بالصنفره كل منطقه خمس دقايق
وبعدين اشطفي بالماي

اذا شطفتي جسمك زين خذي الفوطه و بليها بماي ورد ومسحي على جسمك كله


واذا نشف جسمك رطبيه لا يروح تعبك على الفاضي الترطيب اهمممممم شي رطبيه
بزبده الكاكاو اللي خلطنا معاه جنين القمح (احرصي على الترطيب كل ما يجيك ماي وبذات
بعد الوضوء )



باقي ايام الاسبوع تروشي بصابونة البابايا 1في4 و رطبي جسمك باللوشن



لو استمريتي كذا شهرين والله بتتغيرين 180 درجه




ثاني شي الركب والاكواع :جربت كريمات التفتيح و جربت التقشير و الترطيب
كريمات التفتيح تفتح شوي و بعد فتره يرجع زي ما كان
التقشير سبحان الله اكواعي لما سويت لها تقشير صارت نقطه صغيييييييره
وصرت احافظ عليها بالترطيب اما الركب ما نفعني الا الترطيب هو اللي خلها لمبه
طبعا بزبده الكاكاو المخلوط بجنين القمح


بكتب كل الاشياء اللي جربتها للركب والاكواع وزينه :
التفتيح للركب والاكواع كله كريم الدكوين 4% حلوووو ويفتح بس برضوا الترطيب احسن .
التقشير روحي للصيدليه الدواء قولي له عطني خلطه التقشير و التفتيح طبعا استخدمتها
للركب والاكواع الاكواع تماااااااااام الركب قلبت فحمه و وقفتها وصرت بس ارطبها بزبده الكاكاو .







الهالات اللي معذبتنا كلنا في شي جربته مرررررره حلو: انا اصلا ما عندي وفجأه طلعت لي وطرت بدي شوب اخذت منه كريم للهلات بفيتامين سي
مررره حلو خلال اسبوعين احطه مرتين باليوم خفت كثير وصارت خفيف مثل اول بسييييييطه
وسعره تقريبا 60 ريال و لون العلبه برتقالي و تقعد معاك شهرين




وبس ان شاءالله اني افدتكم واللي تبي تنقل الموضوع تنقله
دعواتكم لي

بنآت بغيت مساعدتكم الله يسعدكم 

انآ احب اهدي خطيبي ب العيد وطبعآ اوصلهآ عن طريق آمي 

بس ماني عارفه وش إجيب هديه
ساعه وعطور جبت وكبك والاشياء هذي وحتى ملابس جبت له مره محتتاره 
ابي اقتراح حلو وشي مميز وميزانيتي 250 
وهو شوي ذوقه صعب مإيعجبه اي شي