بيت حمولتي .. و شغالتي

السلام عليكم يا حوائيات 
انا عندي مشكلة و عجزت الاقي لها حل .. اتمنى انكم تساعدوني 
قبل لا ابدا بمشكلتي راح اعطيكم نبذة عن حياتي عشان تستوعبون المشكلة 
انا اسكن فمنطقة تبعد عن بيت اهل زوجي ما يقارب ال 5 او 4 ساعات واروح لهم بالزيارات و المناسبات يعني تقريبا بالشهر مرة او مرتين لكن في بعض الاحيان اخذ اجازة و اجلس عندهم قرابت الاسبوعين او الشهر .. 


مشكلتي هي .. ان انا عندي شغاله كوني اشتغل و بيت حمولتي ما فيه شغاله مع انه ما شاء الله كبير كثيييير يعيشه فيه حماي  و زوجته و عياله و اخت زوجي و امه وطبعا باقي عيالها مثل حالتي ساكنين بمناطق بعيده و يجون زيارة بس في بعض الاحيان نلتقي كلنا سوا فبيت حمولتي كونه انه بيت العايلة .. المشكلة يا حبيباتي ان انا الوحيده اللي عندي شغاله من بينهم بيت حمولتي جابو شغاله وما استمرت الا اشهر و ما رضت تكمل لان البيت كبير و لما الكل يجتمع مافي احد يساعدها وما قدرت على الشغل ولما نتصادف نحن هناك شغالتي تساعد .. الحين شغالة حمولتي راحت وما رضت تكمل و المشكلة يا بنات ان نحن بنروح عندهم ما يقارب شهر في هذي الفترة و انا خايفة شغالتي تتضايق من كثر الشغل لان بيت حمولتي زي ما خبرتكم بيت العايلة فالكل يجتمع لكن مشكلتهم الله يصلحهم ما يساعدون و كل شي يطيح على راس الشغاله انا سبق وجبت شغالتين وما رضن بكملن معاي و كان احد الاسباب بيت حمولتي و شغلهم الزايد و عدم مساعدتهم و صرت لما اجيب شغاله ثانية اتعب كثير و اضطر اني اترك شغلي و اخسر عليها فلوس كثير .. 

مشكلتي اهي اني ابغا اتكلم معاهم ما ابغاهم يثقلون على خدامتي فالفترة اللي بيكون معاهم هناك وبس خايفة اكلمهم و يزعلون و يحسون اني عازة عليهم الشغاله واني متكبرة وانا والله ما عندي مشكلة انها تساعد بس ما يخلون كل شي على راسها و بعدين تطفش وانا اللي اتعب 

ساعدوني بنات ايش اسوي و ايش الحل .. 
جزاكم الله خير