السلام عليكم ورحمة الله وبركاته
متضايقه وابغا افضفض لككم
انا مملكه والحمدلله بس في اشياء مضايقتني :(
يمكن تحسونها تافهه او مالها معنى
بس مضايقتني
...................
يوم زواجي
راح يكونو معايا عروستين وانا الثالثه > وحده من العرايس حضريه وبتاكل الجوو واهل العرسان طايرين معاها
راح انزف اخر وحده لاني ماخذه اصغر واحد
وانتو عارفين الحريم م يصبرون شكله من الزفه الاولى بيسحبون ويروحون للعشا >> وهذا الشي مضايقني من دحين
...............
القصر
الي بيكون فيه الزواج صغير ومو حلو >> متفشله اعزم صاحباتي... 3 عرايس وكمان القصر مو حلو ورخيص وشي مششي حالك :(
....................
شبكتي
راح تكون ف البيت بعد شهرين
لما اقارن بينها وبين شبكة اختي اتضايق
اختي شبكتها كااانت فخخخخخمه مررره مررره والقاعه كااااااانت فخخخخمه >> كان شي يشرف ( طبعا الشبكه كانت علينا ,, والقاعه احنا اخذناها >> قصدي ابويا اخذها ))
وعربيتها الي فيها الطقم كاااانت فخممه شرفونا اهل الولد فيها :)
بس انا ب يكون العكس شبكة ف البيت وشي مشي حالك >> احسهم مو فرحانين لي :(
البيت او الشقه
الشقة الي ب اسكنها صغيييره مره :(
وعند اهله
نفسسسي اذا سرت اكلمه >> الولد << اقوله ناخذ شقة من عند ابويا
ب نفس عمارتنا عشان اكون قريبه من اهلي
>> بس فاقده الامل لان ابو الولد مسوي عماره مجمع عياله كلهم فيها
واهم شي عنده جمعت عياله حووله و كل ليل يسهرون مع بعض >> ماشاء الله شي حلو
بس انا م ابغا ابعد عن اهلي
هو يقرب لي يسير ولد خالي
واحس اني مضايقه من هذي النواحي
:(
ارائكم + توجيهاتكم
شاركي في النقاش
سجلي الدخول لإضافة تعليق.
التعليقات
15- ارضي بما قسم الله لك عشان تسعد حياتك فكري في زوجك وادعي ربي يوفقك في حياتك لاتفكري في القصر والزفه كلها ليله وتروح ياما ناس سوو في افخم القصور واخرتها تطلقو وناس زواج عادي وعايشه بسعاده ادعي ربي بتيسير امورك والله يوفقك
- حبيبتي لاتنكدي على حالك وانبسطي وان شاء الله زوجك يطلع يستاهلك اهم شييي
- الله يوفقك يارب سبيك من هالافكار انتي الحين عروس وأهم شي نفسيتك تكون تمام
خلي عندك ثقة بنفسك ويوم العرس خليكي مبتسمة واستغفري كثير
وديري بالك تقارني هذا نصيب وأ نتي وافقتي على زوجك وعارفه وضعو
أهم شئ تكوني قنوعه بتعيشي ملكة
وربنا يوفقك وتطلعي أحلى عروس - ياختي هذا نصيبك ...وانصحك من الحين لا تقارنين نفسك بغيرك سواء مع حياة اختك او غيرها لانك بتتعبين كثير ارضي بالمقسوم والزواج معناه البنت تروح لبيت زوجها وتتحمل مسؤوليه بيت وزوج ...واذا ماتبين تبعدين عن اهلك كان ما قبلتي بالزواج ......
- ياقلبي كوني سعيدة بخطيبك وتغاضي عن كل الامور
كل ماتكلمتي عنها تعد امورهينة امام اخلاق الزوج
راجعي نفسك واتممي المقارنة
هل هو الاسوأ بين اخوته
شيء مما ذكرتيه مميزات و ليست مساويء
السكن مع اهله يجعله حريص ان يكون محدود الخروج
لايتحجج بالخروج والابتعاد فاهله بقربه
كونك قريبة منه هذا يجعلك منهم وفيهم
لاتعلمين كيف تتعايش معهم من هي غريبة عنهم
كون اهلك عملوا شبكة لاختك فالدنيا حظوظ كوني قنوعة ومؤمنة بذلك
فما حرمتي منه سيآتيك خيرا منه
بالنسبة للزفة واخر عروس تزف هذه ميزة ان حبيتي في التصوير
وبالعكس سيكون اكثر المعازيم متفاعلين معك ومتحمسين كونك من (جماعتهم)
ولاتعلمين قد تكون بينهن من سيحميك الله من عينها
كوني الاجمل بروحك واخلاقك وابتسامتك وحبك لزوجك فقط بصرف النظر عن بقية المظاهر
حتى لا تنعكس عليك في رؤية الناس من الاهل وغيرهم لك وانت منزعجة من الامورالتي ذكرتيها
الحياة والسعادة الحقيقية بعد الزواج
كم زوجة لازال الناس يتحدثون عن روعة وجمال ليلتها ومرت السنين ولم تحمل
وكم زوجة اكتشفت بانها خدعت في سلوك الزوج
وكم وكم
اشغلي نفسك عن بقية توافه الامور بالاهتمام بنفسك ونفسيتك و زوجك وتجاوزي عن البقية فلا. خير فيها
ومن كل. قلبي اتمنى لك حياة زوجية سعيدة
مواضيع مشابهة
تابعي تجارب أخرى من هذا القسم.