نفسيتي بتنفجر من الفراغ العاطفي



نفسيتي جدا تعبانه من تخرجت لاني كنت مأجلة احلامي لبعد التخرج وماكانت مجرد احلام كانت اهداف كنت اقنع نفسي انه ان شاء الله بيجي العريس او الوظيفة او اكمل دراستي للماجستير بس طبعا الوظايف مافيه الا برواتب جدا سيئة نص الراتب بيروح للسواق اللي يودي ويجيب لا ومختلطه بعد يعني سيئه من كل النواحي

والدراسة مافيه امل حاولت بكل السبل يبيلي واسطة قويةةة

والعريس مو بيدي يعني اروح اخطب انا ؟؟ ولا اوفق على واحد متزوج ابوي يقول مو ناقصك شيء لاتستعجلين


الروتين قتلني الايام تتشابه طول وقتي اهرب بالنووووم او ابكي فيني ضيقة

احب الاطفال قلبي يتقطع عجزت اقنع اهلي نكفل يتيم من الدار مو راضيين


احسني مكسووورة زائدة على الحياة مالي داعي وجودي ماله هدف ولا قيمة



سعيت للوظيفة بالللي اقدرررر تعبت وخساير سواقين رايح جاي ذبيت وجهي عند فلانه وعلانه



طبخي مو حلو مقدر اسوي مشروع صغير ولا اعرف البس اعتمد على ذوق اختي ولا اتمنى لو اعرف اصممم

عجوز وللحين اشحذ مصروفي شحاذه , الفراع العاطفي ذبحني بمعنى الكلمه قطعني تقطيع



اكره حياتي احس انتهت فترة صلاحيتي


مدري قدرت اوصلكم اللي احس فيه او لا



شيء يذبح ويتعبني الايام تتشابه


محتاجه نصايحكم لو مكاني وش تسووون ؟؟



بالنسبة للدورات اخذ بين فترة والثانيه بس اولها واخرها دورات تنتهي وماتضيف لي الكثير



والحمدلله على كل حال انا احسن من غيري بس محتاجة افضفض ومحتاجة احد يوجهني

31 تعليق 7,866 مشاهدة

شاركي في النقاش

سجلي الدخول لإضافة تعليق.

التعليقات

31
  1. @mog_14

    مادري وش أقولك ياوخيتي

    الملل أساسا من نظرتك للأيام لو مثلا ناظرتي للحياة بشكل إيجابي وقلتي بكره راح يصير شي حلوو حتى لو ماصار أهم شي أسعدتي نفسك للحظات عييشي خياال تخيلي كل الأشياء اللي ودك فيها تكون حقييقه أحظري محاظرات عن طريق النت شوفي مواقع الفاشن مافي أحد يلد وهو عارف الطبخ والنفخ واللبس والذوق إلا لازم يتتعلم والحين أنتي الله من عليك بأهل ماحرموك من شي الله يبارك لك أجهزه إلكترونية عندك إدخلي يوتيوب وتعلمي كيف تسوي ميك أب حبه حبه وتصيري كوافيره ماهره ووتفتحي ملحق في بيتكم يجون لو بنات جيرانك خذيها شغله تسلي وتعلمي الطبخ الله مسخرلنا هالمواقع إللي تعلمنا الطبخ من الألف للياء والقنوات وكل شي تعلمي كييف تتقربي من الله لتكسبي رضااه وهذذذذذذذذذذذذي أهم نقطه لأن من خلالها راح تنطلقي في شتى مجالات الحياة خلي أملك بالله كبييير أحسني الظن بالله لو أقووولك الملك عبد الله يقول فلانه تظن فيني خير والله ماأخيب ظنها فمابالك برب العزه والجلال والكرم اللامتناهي ولله المثل الأعلى الله يقوول في الحديث القدسي أنا عند ظن عبدي بي فاليظن بي ماشاء يعني ظنيتي ظن طيب بالله وقلتي إني راح أكون سعييده وراح أنجح في حياتي راح تتوفقي وتنجحي ظنيتي إنك فاشله بكل شي واعتمادك الكلي ع إختكك حالك هوا هوا ماراح يتغير ملل وروتين قاتل حاولي أنك تصنعيلك جو في البيت لأمك وأبوك سوي قهوه ودايما إلتموا سولفي عليهم شفت في النت قريت قصه لفلانه سمعت شفت قالولي أي سالفه إضحكي لدنيا تضحكلك

    السعاده ماراح تجي لعندك لازم إنتي تمشين تدوريها وتروحيلها

    لازم عمل خيير مع حسن ظن بالله مع دعاااء مع نية خالصه لله = سعاده وراحه مابعدها راحه

    ماأقوولك إسجدي وجججربي لأن رب العباد مايتجرب أقوولك إسسسجدي لله ووإدددعي بكل اللي في بالك بقنااااعه وثثثقه بأن الله لن يخيبك


    حبيبتي طولت عليك بالكلام بس هذا كان عن تجربه مني

    أنا أقل منك أهلي مايسمحوولي أطلع لصاحباتي ولا أي مكان ترفييهي وغير كذا مانطلع لأحد لأنا في مدينه مانعرف فيها أحد وبس جيران أمي حريم كبار يجون أمي وأمي تروحلهم وماأطلعلهم رضييت بحيااتي وإقتنعت فيها وسويت لنفسي جو خاص ألهي نفسي بالطبخ بالتنظظيف بتبخيير البيت بالخيال بالنوم بالمشي بالخلطات وداااااااائما أدعي الله مايمر يوم إلا أنا لازم أدعي ومتفااااءله إن حياتي المستقبليه راح تكووون أسعد من حياتي الحاليه

    الخلااصه : تقربي من الله كثييير مع التفااااااااااااااااؤل وحسسسسسن الظن بالله تسسسسعدي
  2. @ordy_smaoy

    يااحبيبتي

    لاااتتذمري من كل شي واعرفي ان الأقدار بيد الله سبحانه والارزااق منه وحده هو اللي قدر وكتب عليك كذا


    ادعي ربك واستغفريه وثقي به وتيقني الاجابه ولا تستعجلين

    مع الصبر يجي الفرج ومع الدعاء تنفك المشششاااكل ومع الاستغفاااار تجي الارزااق وتتيسررر الامووور
    هذي هي الحكمة الحقيقيه لخلق الله لناااا سبحااانه وانتي وردة في هذي الدنيا عيشي حيااتك واستمتعي بهاا وارضي ربك يالغلا وتوكلي عليييه كل الاموور هو يتكفل بهاا سببحانه

    ربي يوفقك ويرزقك من حيث لا اا تحتسبيين غااليتي ويسسعد قلبك
  3. انتي نسيتي هدفنا بالحياه
    هو
    عباده الله وحده لا شريك له
    اشتركي بدار تحفيظ القرآن الكريم
    اتعلمي التفسير وكتب الحديث
    صلي النوافل وصومي تطوع
    استغفري كثير وكوني من الزاكرين لله كثيرا
    وربنا باذن الله يحقق لكي كل ماتتمنينه ويرزقك الزوج الصالح ذا الخلق والدين والزريه الصالحه
  4. لاتشكين إلا للي خلقك لاتشكين لبشر مثلك مايملكون شي الله اللي خلقك ويعلم بهمومك قولي (إنما أشكو بثي وحزني إلى الله ) ولاتشكين لاحد غير الله وتوكلي على الله وثقي به وابشري بالخير
  5. صاحبة الموضوع
    rozeh
    لاتشكين إلا للي خلقك لاتشكين لبشر مثلك مايملكون شي الله اللي خلقك ويعلم بهمومك قولي (إنما أشكو بثي وحزني إلى الله ) ولاتشكين لاحد غير الله وتوكلي على الله وثقي به وابشري بالخير
    اختي انا افضفض لاني لو سكت بنفجر محتاجة احد يقولي سوي كذا او كذا يوجهني ينصحني يعطيني قصة فيها امللل

تابعي تجارب أخرى من هذا القسم.