كل وحده مساعد أداري تدخل

الله يجزاك خير يالحنونه والله يسخر لنا عباده
والله وظيفتنا حلوه بس الظلم  والاستغلال والاستهانه فينا هي اللي قتلت فرحتنا 
اخونا هارديسك في منتدى بطاله قال انتن مؤهلات مساعدات ومديرات مدارس بحيث ان المعلمه لاتحول الى مديره ولا مساعده وانما نحن المساعدات. الاداريات وقال ان احد الاخوات المتعينات معنا وظفت مديرة مدرسه
لكن للأسف الظاهر اننا ارعبنا كراسي مديرات المدارس والمساعدات فبدأ اضطهادنا والتقليل من شأننا واننا مجرد اداريات نشتغل اي  شي
لنبقى في أماكننا

عندما طالبت بمهامي الوظيفيه من مديرتي كانت موجوده معنامساعدة شؤون الطالبات وهي كبيره في السن فقالت لي (وش تبين مكاني ولا مكان فلانه وفلانه)
قلت لهامابي مكان احد ابي مكاني اللي وظفوني عشانها
قالت (اجل روحي الوزاره وقولي شغلي مب عاجبني حنا ماعندنا الا مراقبه)
اول مره اشوف وظيفه تايهه وفظفاظه مالها حدود
وللاسف لمين؟؟؟؟لجامعيات
الله يسخر لنا من خلقه من ينصفنا ويعطينا حقنا بدل لعب وحسد الحرييييييم

فعلاً صادقه في كل كلمه قلتيها شكلنا مرعبينهم وحده منهم تقولي مايصلح تصيرين مديره ولا مساعده لازم على الاقل تدرسين خمس سنوات اااااه انا ماقاهرني غير التحقير من قدرنا بسبب الوزارة اللي تاركتنا بأديهم والله ان زميلاتي المدرسات اللي مثل مؤهلاتنا انهم معطينهم حجمهم واحنا صار الكل يتطاول علينا كأننا مالنا شهادات ومتصدقه علينا الحكومه بالوظيفه تخيلي انا كانت وحده عندهم مدخلة بيانات بالثانوي ومراقبات وكاتبات بالكلية المتوسطه يروحون للمديره يقولون خليها تمسك شغلنا ومدخلة البيانات تقول للمرشده الطلابيه روحي للمديره ووخليها تمسك الارشاد ايش رأيك يعني هم ايش يسون لما امسك مهامهم شفتي كيف مستهترين فيني ويبون يستغلوني لو محفوظه لنا كرامتنا كان ماتمادو معنا لا مديره ولا مشرفه ولا احد من اللي معنا في شغلنا حسبي الله ونعم الوكيل

السلام عليكم

من زمان مادخلت الواحة لفت نظري هالموضوع وحبيت اقول ان وظيفتنا حلوه وكثير يتمنوها
بس مشكلتها عدم تحديد المهام
من قبل بعض المديرات
انا ولله الحمد مديرتنا انسانه تخاف ربه ومن اول يوم قسمت الاعمال بينا
وطبعت لكل وحده الاعمال وختمتها واعطتنا نسخه واحتفظت بنسخه عندها
والحمدلله ماواجهنا أي مشاكل
مثلا وحده مسكت شؤون المعلمات فقط
ومسكت ثنتين شؤون الطالبات
الغياب والمراقبه قسمته بين 3 اداريات وهكذا
الفسحه ننزل كل 3 اداريات يوم ومعانا معلمتين

والحمدلله مديرتنا تستشيرنا بكثير امور حتى بعض من المعلمات يقولون
له شكل الاداريات قاريات عليك هههههههه
من كثر ماتعتبرنا زي بناتها


لذلك يابنات لاازم صوتكم يعلى ولاترضون باللى قاعد يصير خلينا نتكاتف ونوصل اصواتنا
ماشاء الله على البديلات المستثنيات طالبو بحقوهم وماسكتو واللحين ماشاء الله صدر امر ملكي بتثبيتهم
ترى حنا الحق معنا بس لاازم نوكل محامي ونخلي قضيتنا توصل لاكبر عدد من الصحافه
وماضاع حق وراه مطالب وكذلك نطالب بتحسين وضعنا ونكون على السلم التعليمي او المرتبه المستحقه كجامعين تربوين
وتحديد المهام هذا اكبر مطلب

ما اقول الا حسبي الله على من ظلمنا وخلانا بوظيفه على مرتبه وكشكول اعمال اي عمل محد يبغى يسويه عطوه المساعده الاداريه