أخواتي اللي زوجها متعلق بأصحابة وواثقة إنه يحبها تدخل

أخواتي ..
أنا زوجي لازم يوميا يخرج لأصحابه لازم لازم..وماعنده مشكلة إنه مايجلس معي ياخذ ويعطي بالكلام مايجلس عندي زي عند أصحابه حتى شهور عادي ماهي مشكلة..

هو قبل الزواج كان يخرج لأصحابه ويعطيهم أكثر من هذا الوقت..
بيتنا صاير له أكل نوم جلسه خفيفة مرة مع عياله حقه الشرعي فقط..يمكن نسيت شي ربي يسامحني إذا كنت نسيت شي عشان ما أكون كافرة للعشير..

هو الظاهر نمطه شمالي غربي..

هو يقول إنه يحبني لمن أسأله..لكن في أحد يحب أحد ومايحب يعطيه من وقته؟

حتى ليلة في الأسبوع مايجلس إلا بالطلب لا وعند التلفزيون يجلس مو معانا زي أصحابه..

أصحابه مصلين وعاديين يعني مو حق حاجات غلط..

ومرة لمن قلتله تحبني قال بطلي تجري ورايا ححبك قالها بمزح مدري هو صادق؟



جربت فترة طنشته لقيته عاش حياته ولا سأل ولا شي ولا تغير..


سويت ليالي حمرا وخضرا وصفرا ما في فايدة ما إتغير..


لينا متزوجين عشرة سنين..ومعانا ثلاثة عيال ..

هل أقتنع إنه زوجي يحبني وإنه خلاص ماراح يتغير هذا طبعه؟

ولا هذي علامات إنه فعلا مايحبني..

على فكرة هو جاااااااااااااااف عاطفيا حتى ماقال لي من العايدين..لكن بكرة أنا بقوله إن شاء الله..


تعبت أعاتب وهو تعب ومافي فايدة..
لا تلميح جاب نتيجة ولا تصريح ولا فعل ولا دلع ولا أي شي..


عملت لزوجي إختبار الأنماط وأظن إنه طلع شمالي غربي..


طلبات البيت الحمدلله يجيبها ..

لمن يعصب ويتنرفز مايمسك زمام الأمور ويخاصم بطريقة إستهوان كأني طفلة بزر مو زوجته شريكة حياته..

أخواتي

مين زوجها أو زوج أحد يقربلها كده ومتأكدة إنه يحبها؟؟؟؟؟؟


أبغى أعرف وأتأكد زوجي يحبني أو لا؟