اريد ان اخرج من بيتي تعبت

السلام عليكم خواتي ابي مساعدتكم انا تعبت من زوجي وحيااااته ونفسيته انسان متقلب انا احبه ويحبني  وماقصر معي بشي لي سنتين متزوجه بس تعبت من حياته هذا العيد ماطلعت حتى ابوي ماعيدته ورفض يوديني لعيد اهلي اليوم بدون سبب قال اول شي خليهم يمرونك اهلك قلت اهلي سد راحو للعيد قال انا ماني موديك والله ماتروحين جيته عقب بهداوه وقلت بكلام حلو هذا عيد تعوذ من ابليس  وهو يسفهني سكت دق العصر قال قال تجهزي يله ابوديك قمت لبست جا وعلي عباتي قال شوفي ترا ابنسلم ونجي يعني اقطع مسافه عشان سلام سكت وقال بكره ابعزم اهلي للغدا قلت بكره عياااد اهلي قال واذ قلت ماني مسويه شي خله وقت ثاني حنا باجازه معن ماصارلي ثلاث ايام مفطره اهله برمضان مرتين تعبت وانا لحالي قال اجل مافيه روحه اقعدي واكلمك وانا بلبس العيد ومكياجي الله لايسامحه عاد انتظر اهلي يجون من العيد ويمروني تعبت شور علي تكفون هذا مهي اول مره كل ماجيت ابطلع مع اهلي رفض او عزايم اهلي احياننا البس واقضي ويقول خلاص مافيه روحه انا ماعندي اطفال وتعبت منه

19 تعليق 4,257 مشاهدة

شاركي في النقاش

سجلي الدخول لإضافة تعليق.

التعليقات

18
  1. هذا نفسيه
    ألي يسويه اسمه بهذله قاعد يبهذلك ويضغط على نفسيتك
    الرجال الطيب مايسوي كذا مع أي انسان حتى لوعامل عنده او هندي من الشارع وإحمدي ربك ان ماعندك عيال منه كان شفتي البهذله على أصولها
    وثانيا شافك ساكته ياحرام ضعيفه بفرد عضلاتي عليها>> هذا تفكيره
    اسمعي حركته ماترضي اي عاقل
    واستمر فيها لأنه عارف ردة فعلك
    ترى ماهو كل مشاكل الحياة الزوجيه نقول ياحرمه اسكتي واصبري
    علمي ابوك إذا مره سواها كبري الموضوع لأن اللي يسويه كبير بس انتي ردة فعلك تصغرينه وتحترقين من داخل...إبكي ودقي على ابوك يجي يتكلم معه وإقعدي ابكي قدامهم قولي كذا وكذا يدق ويقول بوديك ويوم ألبس قال كذا وكذا 
    خلي ابوك يعطيه كم كلمه..عمتي كذا زوجها بعده ماعاد كررها إستحى من ابوها يوم تكلم معه بس زوج عمتي مولدرجه مايوديها أهلها
    وبعدين والله ياعزيزتي أنه ردي ومايحترمك ولايحترم أهلك والدليل ماوداك تعايدينهم مايستحي على وجهه ولاإستحى من أهلك ولاقدر عمه وعمته كل امة محمد يروحون لأهل الحرمه ولأهل الرجال بيوم العيد
  2. @molodh_bdby

    الله يكون في عونك بس حاولي تفردي عضلاتك شوي عليه
    زي مايسوي مافي شي تخافي منه عيال ماعندك
    حاولي تقوي شخصيتك اكثر
  3. @ahsas_klyby

    صاحبة الموضوع
    اه يبنات عسى الله يبرد عليكم انا هذاي مجهزه اغراضي ابروح مع اهلي لان لايمكن اقعد كذا مهانه تخيلي العيد الاول رايحه لاهل زوجي ومخصصته لهم اعيدهم عشان العيد الثاني يكون لاهلي كل واحد من عايله مختلفه 
  4. @mskoy

    اصبري عليه
    السنوات الاولى من الزواج صعبه جدا جدا
    ويحرص الرجال انه يثبت نفسه وشخصيته على الحرمه
    ان صبرتي ربحتي ومصيره يتعدل ويعاملك بلين ولطف لانه ضمن انك منتيب ند له وانما زوجه تحت جناحه
    وان عاندتي وكبرتي المشكله يااما تغير عليك اكثر وقسى اكثر او طلقك وتزوج غيرك
    وانتي تقعدين تندبين حظك

    هذي حياتك وتعاملي معها بصبر وحكمه قبل الندم

تابعي تجارب أخرى من هذا القسم.