شاركي في النقاش

سجلي الدخول لإضافة تعليق.

التعليقات

166
  1. امممممممم موضوع راااااااااااااائع جدا ..

    ولو انه ما عندي خبرة بالأعراس وتكاليفها

    ولكن لي عودة للي اقدر اجاوب عنه
  2. @tfranh

    بنت الشيخة
    السلام عليكم ورحمة الله وبركاته حبيباتي ... والله ماقصرتن في موضوع نقاشنا الاول وبيضتن الويه فيه ... وتفاعلكم وايد حلو مع هالمواضيع .. مع اني مقصرة في حق هالملف والله بس الله يقدرني اسوي اللي يرضي ربنا يارب ب ب ... فديتكن كلكن من الالف ا…
    السلام عليكم ورحمة الله وبركاته
    شحالكن بنات السموحه ما شاركت فالموضوع الاول بس ان شاء الله بعوض في المواضيع اليايه
    بأذن الله
    بداية احب اشكر اختي وصديقتي بنت الشيخه على الملف وعلى المواضيع المميزه والله يجعله في ميزان حسناتج يارب




    المبالغ الموزعه على المهر:
    انا اعرف حد قدم مهر 300 الف وحد 500 الف يعني تعبيرا عن المركز الاجتماعي بس الاغلبيه وعندنا بين اهلنا المتعارف عليه 100 الف او 80 الف مش اقل والي نتج طبعا انه البنات ما يعرسن بسرعه والي يقدر يوفر هالمبلغ هو الي يعرس وللاسف انا اسمع واايد بنات يقولون انا شوبيكفيني ويكلفون على اهلهم فوق هل 100 الف ؟؟؟!! وانا ارمس عن واقع شفته بعيني

    الزينه :
    عاد هذي حدث ولا حرج لاسعار من 5000 وطالع لانه الي نيبهن من برع العين ومن تقوليلهم العين يدبلن الاسعار ؟؟!! بس ما اعرف اذا في بديل غير بنات الدار الي للاسف صايرات يغلن بعد يعني هيفا صفر ماتي العين باقل من 10000 ؟؟؟ وهذي المعلومات من شهر 5 كان عرس ربيعت اختي واختي اتصلت في هيفا وسالت

    الزهبه
    عاد عدو 20 كندوره و10 مغربيات و 5 مادري 7 مغربيات و200 نعال وشنطه فندي ب 5000 خخخ و 7 طقوم عبي من ماي فير ليدي ولا من موزان والفستان اقل شي 30000 والاجار اخ ملبوس قبلي والاجار الاول حد عادي وحد يقول ابا احتفظ فيه للذكرى

    الاغاني والرقص
    انا سمعت من اصيل الى محمد عبده الي احلام الخ والي وفاء حموده خخخ وكله بذيج الحجيه

    التصوير
    فتوغرافيا 10000 اقل شي اضواء المدينه على 7000 يعني ينبلع بس بصراحه التصوير الفوتغرافي يتم بس الفيديو بصراحه مش واايد ينشاف ؟؟!!

    دخول الرياييل والاخوان
    يعني على حسب مب الكل يدخلونه اخوانه انا في عرس اختي ام المعرس دخلته والعرس الي سرته من يومين نفس الشي بس فيه واايد اعرس يدخلون خوات العروس ومرات خوان المعرس

    الطعام في الاعراس
    عاد هذا الاسراف بعينه بذمتكم شو ناكل في الاعراس لقمتين واذا فيه من الفقرا تراهم ياخذون والا الباقي ينعق ونحنا للاسف عدنا مبداء يزيد ولا ينقص يعني عدنا 500 شخص نحج حق 700 وهلم جره بس انا سمعت انه في مشروع تابع للهلال الاحمر تتفقين معاهم يشلون باقي الاكل ويعطونه المحتاجين



    انا الاسراف الي شفته كان في المهر والاغاني والاكل بصراحه
    انا ما كان لي دور لانهم مب ناس قراب مني يعني استحي ارمس وهم من النوع الي يزعل
    وبالنسبه حق ربيعاتي انا انصحهم في الفساتين يعني ياخذون اجار اول والتزهيب يعني اقولها لاتتشرى جنها مابتسير السوق عقب العرس واقولها الموضه بتتغير والحمدالله فيه واايد اقتنعو :)



    200 الف واااااااايد صراحه انا احس المبلغ المناسب 80 الي 60 الف
    وعلى الماركات يعني مب لازم شانيل وديور وربعهم سيري زار ومانغو اسعارهم حلوه ولبسهم حلو والنوعيه راقيه وانا عن نفسي اقول اشتري شنطه ماركه يعني اذا لابد منه تصدقون اخوي يقول انا ما ابا وحده تفلسني كل شهر شترت شنطه ب 5000 ما عليه مرتين فالسنه بس مب دووم تخيلو هاي رمست الشباب



    بصراحه انا كل الي اعرفهم من اهلي يزهبون من دبي وبوظبي والي اعرف انا هل الكورت والسعوديه ايون دبي لان فيها كل شي يعني مب لازم نظهر من البلاد
    وبصراح ماقد سمعت عن وحده ازدهبت ب 20 الف
    والحرمه لازم تتزهب واتحط الاحتياط لانه احتمال شهر ما تطيح السوق عقب العرس بس الزهب يكون بحدود احنا عدنا يزهبون حق سنه للاسف
    وانا مب متزوجه بس اختي عرست السنه الي طافت وكنت وياها خطوه بخطوه والسنه واايد من ربيعاتي بعرسن ودوري ويا اختي كان خطوه بخطوه وتصدقون بقى من فلوس زهابها :)
    والله سبحانه وتعالى ما يرضى عن الاسراف وبصراحه انا ما اعرف الحد بس في نظري الاسراف انه فيه بدله عاديه ب 2000 لانها ماركه وفي 300 لانها مب ماركه بس ما اتنزل البسها هذا اسراف ؟؟!!



    الاغاني للاسف مثل ما قلتي ماشي عرس بدونها تصدقين بنت خالي ما حطت في عرسها اغاني بس اناشيد تعرفين انه الكل اتمصخر عليها عقولتهم جيه ياين عزا ؟؟؟!!!
    وانا واايد يانبني ضميري على الاعراس الي فيها اغاني بس تعرفين عودت عمري اني اسمعها على انها مجر ازعاج ما اركز فيها واقعد اسولف عشان ما انتبه
    والرقاصات اخيس شي فالعرس الحمدالله في عرس اختي ما يبنا مب لازم
    وعن حركات الحريم احنا حريمنا فديتهن يصدن عنهن ما قد شفت شي يعني :)
    والاغاني بلا شك تنزع البركه بس للاسف الناس يقولون احنا لازم نفرح جنه الفرح مايكون الا بلاغاني ؟؟!!




    التصوير تطور بشكل كبير بس فيه اسعار مختلفه والواحد يختار الي يناسبه وانا اشوف فيه هنيه في العين وحده اسعراها حلوه وتصويرها حلو مب لازم يكون السعر مبالغ فيه عشان التصوير يكون اوكيه واايد ناس اختربت البوماتهم بلرغم من انهم مسوين عند ناس معروفين ؟؟!!
    وحدود التصوير عندنا العروس والمعرس اما خوات المعرس والعروس اذا تصورو ينحطن في البوم بروحه لانه البوم الرئيسي انا في راي حق المعرس والعروس بس




    البس يعتمد اذا العروس اختي او المعرس اخوي حدي 3000 واشوفها مصاخه والحين ناويه ااجر جان حد عرس عدنا لانه عقب العرس الفستان ماينلبس حق عرس ثاني لانه فخم وماينلبس الا في عرس الاهل
    واذا عرس حد من ربيعاتي تصدقين ايب المديل الي اباه وشتري شيفونات من محلات عاديه ومايكلفني ب 400او 600 مش اكثر :) وكل فساتين كم طويل ولا ثلاث ارباع وصراحه الي طلع نص صدرها والظهر كله خار صراااااااااااااحه لوعه شو الحلو فيه ؟؟؟ اوكيه فتحة الصدر مب لازم تراوين خلق الله انه فيج صدر ترانا كلنا فينا والحمدالله عدنا ظهور وريول ؟؟!!
    والي تسوي فستان ب 8000على شو بذمتج بتلبسينه اكثر عن مرتين اصلا تبين تفصلين غيره صح ولا لاء فيه حلاه وحده انا بسوي فستاني ب هالسعر اني ااجره عقب ما البسه واطلع سعره :)
  3. @tfranh

    بنت الشيخة
    السلام عليكم ورحمة الله وبركاته حبيباتي ... والله ماقصرتن في موضوع نقاشنا الاول وبيضتن الويه فيه ... وتفاعلكم وايد حلو مع هالمواضيع .. مع اني مقصرة في حق هالملف والله بس الله يقدرني اسوي اللي يرضي ربنا يارب ب ب ... فديتكن كلكن من الالف ا…
    يتبع ...



    اسوا تجربة عرس واحسن عرس مريتوا عليها ..ليش سيئة..!!
    الحمدالله الاعراس الحمدالله كلها كانت زينه

    شو الاشياء اللي تعيبكم في الاعراس ..؟؟
    التراتيب الحلوه يعني الطاولات الكوشه واهم شي الهدوء يعني ماشي هذاك الدق الي ينقع الراس خخخ

    كيف تعرفون الناس الذوق في اعراسهم..شو سووا عشان عرسهم يطلع راقي؟؟ ...؟؟
    مثل ما قلت الطاولات والاستقبال الحلو والكوشه بس

    وشو رايكم بصالات الافراح .. وشو احسن الصالات ولا الفنادق ولا الخيم ... ؟؟؟
    انا في راي الفنادق لانه الصلات للاسف واايد تكلف عشان تعديلهم وصراحه الاكل مب لين هناك والفنادق ارقى وانظف : )
    قد مرة سويتوا عرس ؟؟؟ وين كان .. ؟؟؟
    ماشاء الله اعراس جربنا الانتر وروتنا والهلتون حق الريايل لانه الصاله كانت صغيره

    وشو هيه مبادراتكم من الحد من الاسراف او من المنكر ... ؟؟
    مثل ما قلت قبل ادخل في زهاب العروس بس







    بصراحه انا اشوف المعرس يدخل بروحه احسن وسالفة اليواله ماصارت عدنا واكثر شي يفشل هالرقاصات الله يسقمهم بس نحنا نحاول اذا دخل المعرس الرقاصات يروحن ورا
    للاسف الاكل ينفر والاقتراح مثل ما قلت الهلال الاحمر
    احسن اكل الفنادق واحسن فندق غراند حياه في دبي والبوم بعد حلو


    والسموحه على الاطاله بس الموضوع واايد مهم ويمس الكل
  4. ما شاء الله عليج يا طفرانه ..

    شو خليتي حقنا من الرمسة .. << اسووولف

    عسى بس يطلع مني شيء ولا بنهزب من ناااااااااس

تابعي تجارب أخرى من هذا القسم.