هل لو عرض عليك هذا الزوج توافقين أو لا/ قديم + استوفى

اختي الله لا يقدر وجاء احد ابناءك كف بصر وفيه مشاء الله من الذكاء والطيبه ورجل ما ينقصه اي شي مو انتي كأم وش تتمنين له مو الافضل انا ما اقول مو اطلب من البنت توافق وانا واضعه الموضوع عارفه ان فيه عده توجهات والكثيرات يرفضن لكن الي ابي اعرفه ان الكثيرات للاسف تجهل من هو الكفيف والي فهمته من كم اخت يعتقدن ان الكفيف شخص عاجز حتى ببيته يبي من يمسك يده ويساعده باللبس وبعد يمكن الاكل لا هذا مو صحيح ابد هناك منهم من يطبخ ويغسل الملابس وهناك منهم من يصلح السباكه ببيته وحتى الكهرباء وتركيب المكيفات واشياء كثيره يذكرها لي قريبي ويحلف ان شخص معهم بالجامعه ربعه الطلاب ياخذونه يختار لهم سياره بنفسه يف***ا لو اقول لك اشياء ما تصدقينها عنهم الله اخذ منهم وعوضهم باشياء أخرى والله اني اعرف بنات متزوجات ولهم صديقه ماخذه كفيف ويقارنون حياتهم بحياة البنت الي ماخذه كفيف يقولون الي عندنا هم العميان عميان قلب ناس ما تقدر الزوجه همهم نوم بالبيت واكل وخروج بالبيت وآخر شي يسأل عنه البيت والزوجه وعياله تلقينهم يا دوب يجون قريب الفجر باستراحات وغيرها العيب هو من يسوي كذا مو العيب ان البنت تاخذ كفيف وعموما الاعلام ما خدمهم ليبرزهم للاسف ماخذين على ان الكفيف بالشارع يمشي مسكين يستحق حسنه وعطف ما الومهم ما يعرفون من هم المكفوفين والله يسامح كل من نزلت مكانه الشخص الكفيف واقول لهم ترى عندكم غدا ابناء فكرو وابحثو عن من هو الكفيف قبل ان تصدري حكم عليهم

اوافق

اذا المعافى الي مافيه شي
يخطب مره ومرتين وعشر وعشرين

كل شي نصيب واذا له نصيب بياخذه
وحتى الي برا احتمال ماتوافق على كفيف

انا لو منكم اشوف خطابه واهي تدور وتسال والله يوفقه ويكتب مافيه الخير

صديقتي متزوجه واحد كفيف ومررره مبسوطه معه وتسافر خارج المملكه كل سنه معه وحدهم وماشاء الله ترجع مبسوطه وماعاقهم شي ..والي تقول ان الكفيف مايعرف اذا انتي متزينه ومتمكيجه وكاشخه؟! لا يعرف وانا بنفسي سألت صديقتي ..
غير انها تمدح طيبته وكرمه ويشتغل مدرس يعني مافيه فرق عن المبصر ... الله يوفقهم ويوفق كل كفيف

سبحان الله
ترجعين تلفين الموضوع على ان حياة الكفيف مع وحده من ذوي الاحتياجات الخاصة
متعب وصعب ومكلف ماديا
وبعدها ترجعين تقولين الكفيف يمارس حياته ويطلع ويتسوق ويغير مكيفات ويطبخ ويغسل
طيب عزيزتي مو لازم ياخذ كفيفة ياخذ وحده ماتمشي مثلا
وفيه كثير معاقات حركي وعادي عايشات من غير شغالات وموظفات ويحملون ويولدون وماعندهم اي مشاكل
ليش صعبتي حياتهم وحطيتي كل العوائق
تبون تاخذون له وحده سليمة قوليها بصريح العبارة
من غير وضع قيود وعوائق على حياة المتزوجين من ذوي الاحتياجات الخاصة
وانا بنفسي شفت متزوجين من ذوي الاحتياجات الخاصه ( صم وبكم ) متزوجين وعندهم اطفال
وحتى اطفالهم يتكلمون وحياتهم من افضل مايكون

اذا قريبك استصعب الحياه مع وحده بنفس ظروفه
ليه مطلوب من وحده سليمة تستسهل الموضوع وتوافق ؟!
تقولين لو ولدك كفيف وش تتمنين له ؟
وانا ا قولك وش شعورك لو عندك بنت معاقه وكلن استصعب الحياه معها
حتى الكفيف ؟؟