هل لو عرض عليك هذا الزوج توافقين أو لا/ قديم + استوفى

اختي مشاعر اللهيسلم قلبك ويخليك ليش مو راضيه تفهمين وش اعني الحين الواحد او الوحده اذا بيتزوجون يبون يرتاحون او يعانون وانا اقول لك كل شي قسم ونصيب بهذي الدنيا لن يضيع الله عبده الضعيف مو حل الي ببالك والكفيف مو جريمه ياخذ سليمه حسيت من كلامك انها جريمه ترأ الامر خياري وانا مو ضد البنت الي تقول لا لا لا مابي كفيف هذي خصوصيتها انا والاخت على قد نياتي كما ذكرت لنا مثال صديقتها الي ماخذه كفيف وكيف عايشين وما فكرت بنفس التفكير اخذته باقتناع والحين الله يوفقهم سعيدين زيها زي اي متزوجه ويمكن احسن بكثير من الي ماخذات سليمين وانا يوم اقول امثله على ان الكفيف مو عاجز مو قصه اني اناقض نفسي انهم يجدون صعوبه مع كفيفه او معاقه انا الي اقصده اذا عرف للكهرب مو شرط انه يستغني عن شغاله منشان زوجته يريحها اختي وانتي الله يهديك تقولين اعترفي انك تبون له سليمه طيب وش فيها اذا اخذ سليمه وش يكون نهايه العالم وحده بالمنتدى لها قريب كفيف تقول والله ثم والله العظيم انه تزوج الله يوفقه بسليمه ومو سليمه وبس بل جميله وطيوبه وحبوبه وصغيره ليش صار شي او حسوفه انه ماخذها اقول اختي اتمنى تفهمين انا وش الي اعنيه وبعدين اذا انا غلطت بشي تجاهك اتأسف لك واختلاف الرأي لا يفسد للود قضيه والبنات الي قالو لك وهم سليمات بردودهم بالموافقه ما هي مشكله كل المسأله تجاذب حديث وكل حر برايه وقناعاته والله لا يريكم مكروه والله يرزقك بالذريه الصالحه الي ربي محسن خلقهم والله ياجر من اصيب بأي اعاقه او مرض الدنيا فانيه كل من عليها فان ويبقى وجهه سبحانه

اذا هذا المبدأ
ليه السليمة توافق على الكفيف
توافق على السليم لانه مليون بالمية السليم مو مثل الكفيف
واقلها موضوع السواقه
سبحان الله صعب يجيب شغاله لزوجته المقعده
لكن عادي الكفيف يجيب سواق وتمشي الحياة

وبعدين عزيزتي تضايقتي من الي يقولون الكفيف مو زي السليم
ومتطلباته اكثر وقعدتي تذكرين امثله لقدرات الكفيف
وبنفس الوقت صعبتي الزواج من المعاقات وخليتيهم يحتاجون شغالات وغيره
طيب انا اقولك فيه كثير مقعدات فاتحات بيوت من غير شغالات ؟
ومرات تشوفينهم بالبرامج الاجنبية اوبرا ودكتور فيل وطقتها نساء مشوهات ومقطعات الاطراف وعندهم اعاقات قوية وامراض نسأل الله السلامة والعافية ومتزوجات وعندهم اطفال وبعضهم موظفات
حتى اني شفت ام تأكل طفلها بالملعقة وماسكه الملعقة برجلها ؟!
وترجعين تقولين ليه الناس يتزوجون علشان يعانون ؟
يعني ياسليمة عادي تزوجي كفيف
لكن ياكفيف لاتتزوج معاقة علشان بتصير الحياة صعبة وكلها معاناة !!!!

صباح الخير

وينكم بنات

اقول اختي مشاعر انتي ما تزوجتي اقصد يمكن انتي مو بالعالم معنا لو تلتفتين يمين ويسار وانتي بالسياره تشوفين كل زوج مع زوجته وعياله او تشوفين اللموزينات وسيارات يسوقها السائقين او نسيت كل الي بالرياض مكفوفين اختي الله يهديك انتي بزمن اغلب العائلات تعتمد على سائقين او الي بالمشاوير وهذا كثير الزوج يا نايم او مع ربعه يقول دبرو عمركم وبالاخير مشاوير او الحل سائق يعني مو الكفيف الي يستخدم سائق هو على الاقل بحاجته لكن السليمين عميان قلوب ليش لأن تارك زوجته تسوع مع السائقين او اصحاب الاجره يا اختي لا نكون نظرتنا للكفيف نظره سوداويه وبعدين قلت لك الف مره هذا رايك ونقدره لكن ولله الحمد به بنات تفكيرهم مو مثل تفكيرك وانا الي ابي اوصل لك يعني الكفيف مو محصور على معاقه او يقعد بدون زواج وياما بنات اخذو على قولتك سليمين لكن عايشات بعذاب ونسبه الطلاق بالمملكة تعطيك المؤشر اختي اشكرك على تفاعلك ورايك يبقى راي من كثير من الآراء ونقدره