تكفون ساعدوني في مشكلتي ابي ردووود ضروري

السلام عليكم
بغيتكم تساعدوني في حل مشكلتي اخت زوجي كشفتها بالصدفة تكلم شباب وهي في سن صغيره حسيت بتأنيب الضمير ورحت قلت لامها بس البنت ما تخاف من أمها أبدا وكشفتها أمها مرتين بعدها وعادي جداً ما خافت والمشكله أمها ما تقبلت مني <<<<<طبعا بنتها ماتبيها تنفضح
المهم جلست فتره سافرو اهلها.واكتشفت بالصدفة انها دخلته البيت انصدمت بس قلت توبه ما اقول لامها لانها ماتتقبل مني أبدا المهم مادريت وش اسوي انا اقول لزوجي >>>>>لا مستحيل زوجي مايتفاهم أبدا بيذبحها المهم سافرت 3شهور رجعت والبنت الله يصلحها رجعت اخس من اول انصدمت قلت هالمره مستحيل اسكت الساكت عن الحق شيطان اخرس وهذا منكر ولازم اغيره طبعا وش سويت زوجي يصير ولد خالي رحت أرسلت لاخوه رساله لانه متفاهم جداً لو قلت لزوجي يمكن يذبحها المهم أرسلت لاخو زوجي والحمدلله وعدني مايجيب سيرتي لاحد وفعلا محد عرف انو انا اللي قلت له وصارح أخته وتفاهم معها بس هو شغله في مدينه ثانيه غير اللي ساكنين فيها جا على طول المشكله أخته رجعت مره ثانيه ومادري وش اسوي ابي مساعدتكم لان اخوها قد قال اذا عرفتي شي على طول قول لي وعليك الأمان
انا بصراحه ارتاح ضميري يوم طلعت اللي بخاطري بس مادري كيف تصرفي صح ولا غلط مع العلم اني باقي صغيره بالسن بس ماقدرت اشوف الغلط واسكت وهل عادي اني أخبرت اخو زوجي بالسالفه ولا لا

17 تعليق 2,597 مشاهدة

شاركي في النقاش

سجلي الدخول لإضافة تعليق.

التعليقات

16
  1. @alyza_1

    خلاص ارجعي قولي لاخوها اللي صاير
    وزوجك بما انه عصبي وممكن يذبحها لا تعلميه
    بس اقولك شغله اجمعي ادله عليها من باب تحمي نفسك تخافي بكره يعلم انك انتي اللي قلتي له وبعدين تنكر ويقولوا لك يافلانه اثبتي انها تكلم او انها دخلته البيت
    فتنقلب السالفه عليك
    وربي الزمن هذا يخووووف الله يكفينا شره
    الله يهديها
  2. صاحبة الموضوع
    والله اني خائفه بس الحمدلله اخوها صارحها بكل شي وما قدرت تنكر أبدا لانه شاف بعينه في جوالها وصار يثق فيني ويدري اني مستحيل افضحها ومستحيل اكذب والله من جد زمن يخوف الله يصلحها وجميع بنات المسلمين
    وتسلمين اختي أليزا لأني من جد كنت محتاجه احد يساعدني يعطيك الف عافيه&#55357;&#56856;
  3. انتي ماسويتي شيئ غلط بالعكس
    البنت صغيرة وممكن البنت يصير لها اي شيئ وياكثر القصص الي نسمعها
    المشكلة الكبيرررررة امهاااااااا امهاااا لو انه البنت صج تخاف من امها كان البنت خافت وحرمت تكلم
    بس الام مبين عليها مو مهتمة وتقول خايفة من الفضيحة اذ كنتي صج خايفة من الفضيحة ادبيها تعرفين تاخذين جوالها
    لاب توبها لكن لاحياة من تنادي
    الحين انتي الي عليك سويتيه على اقل في احد من اهل زوجك يعرف بقصة اخت زوجك
    خلاص الحين لاتتكلمين وخليك ساكتة
  4. @dyaaa_alam

    خلاص أرسلي لأخوها رسالة و قولي هذي آخر رسالة أرسلها لك انتبه لأختك و تابعها و بكيفه هو عاد يدبر نفسه يكلم أخواته أو أخوانه الباقين أو أي شخص قريب لهم،،، المهم أنت انسي الموضوع نهائيا و لا عاد ترسلي بعدها لأن الحمو الموت حتى لو عن طريق الرسائل و الله يهدي البنت كلنا عندنا بنات الله يحفظهم

تابعي تجارب أخرى من هذا القسم.