موظفه من فضل الله عليك
وربي زاد واكرمك بالاطفال
وحولك اهلك واخوانك
بذمتك وش تبين في رجال
ماكلف عمره لك
وما يبي اهلك طول عمرك تكدين عليه بواجبات يفترض هو يسويها
ولا يحب اهلك
متزوج عليك مرتين
واخرتها مبعد عنك وعن عيالك
ويهددك يسكن الحرمه الثانيه
في ذمتك باقي تغارين عليه
حبيبتي راس مالك اهلك واولادك
ودام ربي وسع عليك وش تبين بالرجال
خليه مع نفسه
واقعدي ببيتك
واتبعي المثل من خرج من داره قل مقداره
واكيد عيالك معتبرين ابوهم صفر
وشايفين تضحياتك لهم
واكيد يحبونك ويحبون اخوالهم اكثر من اللي شايلينه اسمه بكرت العائله
ان صح اسمه ابوهم
اهتمي بعيالك
فكررري بعقلك مو بعواطفك
لا تركضين وراه
عيالك ان مات بيورثون حلال ابوهم
وهم اهم شيئ في نظري
الرجل مبعد عنك وماهو يمك
اسحبي عليه
يبيك تجي قربه
بقول كلمه بس لا تزعلين
انتي النسبه له البقره الحلوب
او الدجاجه اللي تبيض ذهب
فيبيك يمهه يسدد باقي ديونه والتزاماته ويدعي انه يبيكم للبيت الجديد
من بيقضي له انتي
من يسدد الفواتير
من ومن ومن
بيتك بقرب اهلك ازين لك واريح لك وابرد على قليبك من شوفت وجهه
بنيت فلة وأثثتها وسكنت فيها مع زوجي وعيالي وشوفوا المفاجأة
متابعة النقاش، صفحة 16