شاركي في النقاش

سجلي الدخول لإضافة تعليق.

التعليقات

34
  1. شوفي حبيبي الناس مثل أصابع يدك يعني مو كلهم مثل بعض وياما بتواجهين عقليات ونفسيات كثيرة قدر الله حصلك موقف مثل كذا لا تزعلين نفسك لأن الخطأ مو فيك منهم
  2. @little_miaw

    حكاوينا
    ما ادري شو اقول بس انتي جدااااااااااااااااااااااا عاطفية حبيبتي تبينهم يحترمونج لا تطوفين زلاتهم ولا تسامحينهم و لا تحطينهم فوق راسج بيركضون عليج عشان ينالون رضاج و الناس كلها كذا بعدين حبيبتي لا تضيقين عمرج ترى الدنيا ولا تستاهل
    اختي
    كلنا مثلج مرينا بهالتجربة وبنفس السيناريو...
    عني انا،، كانت عشرة 3 سنين .. يوم بيوم .. وساعة بساعة
    وكل هالدنيا اللي كنت عايشتها راحت في لحظة ..
    احنا نعرف الناس نحبهم ويحبونا .. نعطيهم ويعطونا .. يمكن غلطتج انج لاحظتي الاشيا الصغيرة اللي تدل على أصل الواحد وطنشتيها .. ويكمن تكون صج تستاهل لما عرفتيها ،، بس الناس يتغيرون ..
    اختي انتي سويتي اللي يمليه عليج اصلج ،، وصدقيني ترى الله ما ينسى حق أحد .. وحقج الله ياخذه من هالناس اللي ضروج..
    لا تتعبين نفسج باللي راح .. ولا تكرهين الناس بعد هالتجارب ... لو مرينا بتجربة مب حلوة .. ومهما خذت من مشاعرنا .. شوفيها بنظرة غير ... تعلمي منها .. شوفي انتي شسويتي وشقصرتي فيه (((اقصد قصرتي في حق نفسج))) وصدقيني لين الحين في خير في الدنيا بس مرات احنا نعطي فرصة للناس الغلط ...
    ترى مب نهاية الدنيا ان احنا ننجرح .. يمكن تقضين يوم يومين او حتى شهر تدمع عينج على هالناس .. بس كلنا ننسى في النهاية .. والاهم ان احنا نتعلم شلون نفهم الناس .. مب شلون نكرههم ونبعدهم عنا ..
    انشالله اكون فدتج بكلامي ... والله يساعدج
  3. في دنيا غطاها الألم
    أطوي المسافة والمكان
    أحلم أشوف لحظة فرح
    وأحلم أذوق قطرة حنان
    مابغي الغنا مابغي القمر
    مابغي ســــــــوا
    لحظــــة أمـــــــــــــــــان
    :(
  4. @akht_akhoha

    حبيتي الغالية ذكرتيني بنفسي زمان من كثر من انصدمت في اقرب الناس ما تفرق عندي من غيرهم

    بعد ماكنت عاطفية صرت عملية وصرت اعاملهم بنفس اسلوبهم ومرتاحة 00 والعاطفة خليتها على

    جنب للأسف لأنها تنفهم غلط 00وسعي صدرك عيوني في غيرك بالدنيا كثير 00 يالله حظ الأخرة
  5. @sd_allyl11

    سبحان الله يا اخت جارة القمررر بصراحه نفس الموضوع اللي طير النوم من عيني الليله
    وقلتي كل الكلام اللي في خاطري -- بس يابنات هذه مو لانها حساسه او عاطفيه زياده عن اللزوم
    بلعكس يقول الرسول الكريم (( لايؤمن احدكم حتى يحب لاخيه ما يحب لنفسه ))
    فالانسان الطيب الاصل ما يقول نفسي نفسي لانه اذا فكر في نفسه اكثر ما راح يهتم
    ------------------------------
    حاسه اني تعبانه ما اقدر اكمل --- ياريت تدعون لي يابنات ان الله يفرج همي
    وفقنا الله لما يحبه ويرضاه

تابعي تجارب أخرى من هذا القسم.