كيف اتعامل مع هذه المشكلة _ سؤال بخصوص حضانة البنت

السلام عليكم

اخباركم ان شاءالله طيبين


انا محتارة اسرد القصة كاملة ام اسأل السؤال فقط

باختصار يااخواتي انا خطبني شخص وبعد الزواج اكتشفت انه ناقص عقل
يعني هو عمره 30 بس عقله عقل بزر صغير ومعتمد على اهله بكل شي ويمشونه بكل شي ويسيرونه ويتصرفو عنه ويقرررو عنه واي شي يبي يسويه لازم يقول لهم وهم يعلمونه وش يقول وين يروح وش يسوي وهو بس ينفذ كانه الة . ويعاملونه كانه بزر وللحين متحملين مسؤوليته . وطبعا تصرفاته كلها موطبيعية ... يعني مثلا في الخطوبة كلةساكت مايتكلم .. ولامرة فتح معاي موضوع ولامرة تكلم في شي ابد .. طيب بعد الزواج يوم سافرنا ... طبعا اخته معانا وزوجها والحين عرفت ليش هم راحو معانا ... في السفر كلما بقوله شي يقول بسال اختي خل نطلع لحظة بقول لاختي وين لفلوس ابي فلوس لحظة بجيبهم من اختي ,,, ولايعرف يتصرف بشي ابدا ... يوم رجعنا من السفر تصرفاته في البيت .. طول يومه تحت مع امه ويسبح تحت وياكل تحت وحتى احيانا يجي من برة ينام تحت وانا مادري به فوق انتظره .. وتعبت معه وانا اقوله انت الحين فوق حياتك انت متزوج من اول عزوبي الحين خلاص حياتك فوق .. بس ولاكأنك تتكلمي .. واذا كلمت احد من اهله يقولون انتي السبب والمشكلة منك ماعندك اهتمام ولاكانه متزوج ومن هالكلام وحتى طبخ ماتطبخي عشان كذا ياكل تحت .. وطبعا هم عارفين مشكلته وعارفين اسباب تصرفاته بس يحطون البلا فيني عشان يغطون عليه وعشان مايبون يقولون انه فيه شي .. زين ويوم ساءت الاوضاع قامت تقول اخته هواخوي كذا متعلق في امي واجد وكلة يبي يقعد معاها .. طيب دامك تعرفي هالشي ل يش تحطون بلاه فيني ؟؟؟؟؟

وطبعا يوم جو يخطبون ماقالوا شي عنه
يعني انا اخذته على انه رجال عادي طبيعي زي باقي لرجال .....

التكملة في المرة الجاية .....
بس السؤال اللي بسأله بخصوص الحضانة للبنت... اذا كان اب البنت معتوه وقاصر وموقد المسؤولية والام رفعت دعوى ضده باسقاط الحضانة ... هل يسقط الشيخ الخضانة عنه بكونه متخلف وغير قادر على تحمل مسؤوليتها ؟؟؟

13 تعليق 2,706 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_alaalmaaa22

    وعليكم السلام
    ماعندي خلفية في هذا الموضوع بس ماحبية ادخل وما ارد
    الله يعينك ويسر امرك وامر بنتك
  2. @taab_klby_31

    ياقلبي الافضل تسالي محامي والاحسن انك توكلي محامي المحاكم عندنا بالها طووووويل فراح تتعبين بالروحه والجيه


    كان الله بعونك
  3. @taty_shobyng888

    والله ماعندي علم الله يفرج همك ولايحرمك من بنتك
    وحسبنا الله على الي يغش بنات الناس ويورطهم ويضيع اعمارهم
  4. @akht_ndal

    معليش حبيبتي ما اعتقد يسقطون الحضانة شرعاً من الأب الا بإثبات عدم أهليته إثبات موثق من مستشفى لو كان متخلف حسب كلامك
    زوجك عديم مسؤولية ومعتمد اعتماد كلي على أهله وشكل أمه ربته بهالطريقة كلش تسويه له حتى صارت شخصيته اتكالية وغير واثق في نفسه ما يقدر يتحرك شبر الا بأمه وأهله
    الله يهدي الأمهات اللي كذا ويشفي اولادهم
    لكن هالشئ ما تقدرين تثبتينه اثبات طبي والمحكام ما تتعامل الا بأوراق ومستندات تثبت أي ادعاء من هذا الشكل
    لأن الحكم في الإسلام لا يجوز الا على بينه
    وفي قضيتك لابد من بينة وهي اوراق تثبت
    وفي وضع زوجك ما يمكن تثبتين خلله بأوراق
    وش بتقولين للدكتور مثلاً اكشف على زوجي تراه عديم مسؤوليه او غير ناضج او اتكالي او ماعنده شخصية ؟!
    الله يعينك وبنتك بإذن الله شرعاً معك حتى عمر ٧ وبعدها لو تزوجت الأم تسقط حضانة الأم وتذهب للأب ولو ما تزوجت تبقى معك
    لكن بعض القضاة لو رفع زوجك يطالب في بنته بعد سن ٧ ممكن يعيطيها زوجك بس هالفتره حاولي بأي طريقة تجيبين عليه شئ يدل على انه غير مؤهل للحضانه انبشوا وراه لو تعرفون احد في الاستخبارات خلوه يدور على ملفه يمكن ممسوك على شئ اي شئ المهم حاولي تثبتين عليه اي شئ
    ولو مافيه وسجّله نظيف مالك الا ترفعين دعوى من الآن عليه بالنفقه على بنته عشان لو جاء يطلبها بعد سبع ممكن تقدمين له تنازل عن النفقه مقابل يتنازل عن الحضانه واحتمال كبير يوافق طالما انه عديم مسؤليه واهله واضح ما فيهم يعتنون فيه وبنته معه يالله عليهم الولد بكبره بعد يهتمون ببنته
    الله يعينك ويفرجها عليك وينصرك ويعوضك خير

تابعي تجارب أخرى من هذا القسم.