موضوع للفضفضه

اخواتي معقول الزواج كذا يقتل كل احلامك وطموحك معقول الزواج سجن للمراه كرهت الرجال كرهت الزواج اكره اسمع ان احدبيتزوج اكره اشوف قصور الافراح احس كل الحريم تعيست احس كل الرجال حقيرين قصتي بدت يوم تزوجت رجال اقل مني في كل شي في التعليم في الشكل وفي الاخلاق ومن اول يوم لحضت ان المراه عنده متعه وبس مالها اي قيمه مايعرف لاحب ولاحنان ولارومنسيه يطلع ويروح ومايفتكرني الا اخر اليل ياخذ حقه وينام دايم يسب ويهاوش على اتفه الامور يذلني في كل شي على الطلعه على التماشي ويكره اهلي واخواني مع انهم ماسووله شي بس علشانهم ناجحين في كل شي  مايحب احد يكره حتا الجيران كان يسوي مشاكل اذا طلبته اروح اشوف اهلي يتحكم في كل شي من ازور ومتى كان يرقبني ويشك فيني ويتجسس علي ركب كمرات واجهزت تنصت يقفل علي بلمفتاح اذا راح الدوام مع العلم اني اخاف الله ومحافضه جدن كان يعاملني بقسوه حتا لما  كنت احمل يكرهني لاني ماشبعه ولما انفس يسير طول الوقت عصبي جبت اربعه طول الوقت محبوسه ويمنعني من زيارات اخواني يطلعني ازور اذا يبغاني ازور اخوانه وامه احرمني من القنوات دايم يحطمني انتي جاهله انتي غبيه مع اني متعلمه مايعجبه شي سرت ماعندي ثقه في نفسي كنت اكرهه اكرهه لما اروح لاهلي زياره ابكي كره اشوفه ماحد يحبه الكل يتحاشاه يسيئ الضن دايم يشوف كل الناس فاسدين واهو الوحيد الدين يدخل في نوايا الناس لي الحين عشرين سنه متزوجته زهدت في الدنيا ماحب اروح ولا اطلع كبروا عيالي ودايمو يلوموني اشلون تزوجتيه حرام عليك ياشيخه مالقيتي الا هذا ارتكبت اكبر مصيبه في حق نفسي وحق عيالي حتا بنتي الكبيره تقدمله اكثر من مره شباب فيهم خير ومنم امام مسجد ويرفض ويقول وش دراني يكون فيه وفيه يحمل جانب الشر دايم على الخير كل البيت يكرهه ويدعي عليه صبرت علشان عيالي احس اني في كابوس من عشرين سنه انا في غربه ماني لاقيه نفسي الحياه مالها طعم ماحس بطعم عيد ولا اجازه كل مايشوفني دايم ساكته ومكتابه يزيد دايم يخاصم ويراقب وينحشر في كل شي يوم كبرنا يقولي ودي اتزوج انتي ماتحبيني ابي حرمه سعيده حيه تحييني معه جاي الحين تقولي كذا من الي حطمني من الي وصلني لهذا الحال انا خلاص رضيت بقسمتي ونصيبي بس لما اشوف الحزن في عيون عيالي احس بالم واهو كل ماشافني ساكته وطول الوقت نايمه وحابسه نفسي يعاقبني زياده وعيالي الي يدفعون الثمن