عادي ياقلبي بنتك تعتبر ما زالت بمرحلة المراهقة عادي ترى بعضهم تضل بعقلية المراهقة الين تتزوج
النضج ما ينحسب بالعمر
وترى تصرفها طبييييعي أغلب البنات بعمرها كذا
بنت أختي نفس سن بنتك و والله نفس الحالة
لدرجة نجتمع احنا يا خالاتها ببيت أمها في دورية خواتي
و والله مانشوف وجهها الا على خرجتنا
يا تكون نايمة نظامها عكس البيت
أو بغرفتها على البلاك بيري والنت والتلفزيون والافلام وهالخرابيط
وأمها تقول عجزت معها هذا حالها واذا كلمتها تقول قعدتكم تطفش سواليف حريم وانا ما احب
مع ان سواليفنا عاديه جداً ما اشوف فيها شئ يطفش
بس بهالسن تصير لهم مزاجات معينه ويحبون يطلعون ٢٤ ساعه ولا يبون الشغل ولا طاريه
انتي سوي جدول بينها هي وخواتها والزميهم يمشون عليه بخصوص شغل البيت
واللي تلتزم كافئيها لو بطلعه لمكان تحبه
واللي ما تلتزم تجلس بالبيت
صدقيني بتتعدل
الله يعينك التربيه صعبه تعبونا وهم صغار وقلنا يكبرون ونرتاح وكبروا ولا ارتحنا
الله يكتب الآجر بس ويصلحهم لأنفسهم
ابغى حل لبنيتي
متابعة النقاش، صفحة 4