حلى سريع وحلو عن تجربه ( يوجد صوره )

السلام عليكم ورحمة الله وبركاته

سويت هذا الحلى قبل فتره ونسيت اصوره
بس الحمد لله لحقت على اخر ثلاث قطع
وصورته لكم وهذي صورته

http://www.eyelash.ps/up/uploads/1f25957f74.jpg

معليش مو واضحه كثير

المهم نجي للمقادير :::::

بسكوت شاي ( علبة ونصف تقريبا او اللي تشوفينه يناسبك )
ثلاث ارباع اصبع زبده

4 بيضات
ثلاث ارباع كوب سكر
ملعقه صغيره فانيليا
7 حبات جبن كيري

الطريقه :::::

كسري البسكوت بيدك قطع صغيره وضعيه في الصينيه ثم اذيبي الزبده وصبيها على البسكوت

وفي الخلاط ضعي البيض والفانيليا والجبن والسكر واخلطيها جيدا ثم صبيها على البسكوت
ودخليها الفرن وشغلي النار من تحت لمدة تقريبا ربع ساعه واذا حسيتي البسكوت مابعد تماسك مع الخلطه اتركيه في الفرن حتى تتماسك جيدا
وبعد كذا طلعيها واتركيها تبرد ثم قطعيها مربعات وقدميها مع القهوه

وبالهناء والعافيه