بنات تعالو انا اليوم قالولي شي عن شخصيتي

بنااات من كم سنه كنت ويااا بنت واااايد والبنت تعرفني باصمتني بصم ابتعدنا عن بعضنا فتره و ردينا لبعض و انا ارمسها عادي مثل قبل بس للاسف قالتلي شي ، قالتلي شياج استويتي دفشه !
انصدمت البنت من اسلوبي و هي على حق انا مرابعتلي وحده و خليت كل الاطباع و خذيت هالطبع و اللي اهوو الدفاشه ،
تغاضيت عن الكلام و حسيت اني ابدا ولا كاني سمعتهااا ، مع العلم كنت عفويه فالحديث و خجوله و مب جرييه و مب فظه فالكلام ومب دفشه ....!
و تاكدت ان الصاحب ساحب جد مقوله صدقيه !! عبالي خرييط. ،،،

مرررت فتررره و انا لا ازال ع هالدفاشه ...!! و عبالي اني على صح و اقدر اخذ حقي بهالاسلوب ... مع ان قبل كانت اموري طيبه و كنت وايد متعرفه ع بنات يمكن كان اسلوبي في نوع نن اللطافه و الرقه ..

انخطبت ،،

و صارلي موقف مره كنا نرمس انا و اخواتي فالقروب مال الوتساب و جان اقعد افر فر بالكلام كانه صواريخ ،...! و عبالي ضحك و وناسه و ماعاطيه ابدا مجال للمجامله و جان وحده من خواتي تزعل و تخذف القروب و السبب دفاشتي ً..!! هذا و انا اصغر وحده فيهن ، و اميني و امين اختي اللي زعلت ست سنين ، متصورين كيف ً! لا لا هني جد مصختهااا

و انا عبالي طلعت من مزاجها و جان ادقلها اسولف وياها جان تصارحني و تقولي انتي ليش اسلوبج مب حلوو ؟! >>> قعدت اسلك لعمري اني مب دفشه
و سبحان الله فنفس اليوم دقيت لثانيه اسولفلها و يبنا طاري خطيبي و جان تقولي انتي يبالج تعديل فاسلوبج ... !!!

استويت ما افرق امبين المزح و فظاظة الكلام :09: لساني يباله ترويض من اول و يديد ..

اللي تعرف كتب تتكلم عن ( فن الاسلوب ) مع الاخرين ادلني عليه
او روابط مفيده فيديو او اي شي تقولي ...
او اي نصيحه او موقف يفيد يغير من حالتي قولولي

9 تعليق 1,641 مشاهدة

شاركي في النقاش

سجلي الدخول لإضافة تعليق.

التعليقات

8
  1. @hdhd_alahlam_1

    الله يصلح حالك , ترى انا كنت مثلك والحين افكر نفسي امزح وافكر اني افرحهم بالاول بس ينقلب ضدي بس ماتوصل للزعل القوي الا احيانا اتصدقي صرت التزم الصمت ولما اتكلم افكر كثير وانتظر شوي قبل لا اقول شئ وبعدها يصير زعل , ربي يكون معك وييسر امرك وماحد يزعل منك .
  2. @aaazf_aldmoaa

    انا مثلك اسلوبي دفششش جداَ وكثير يقولون لي دفشه

    بس من دخلت الجامعه واختلطت بالبنات ككثير حسيت جد لازم يكون اسلوبي حلو



    والحمدلله تعدلنا


    حاولي انتتي بس وراح تقدرين باذن ربي

تابعي تجارب أخرى من هذا القسم.