Smile #***حلت البركات بقدوم صرخات احباب الرحمن ((((تباشير **يوليو و اغسطس**))))****#

غروب الله يشفي ولدك يارب وتشوفيه سليم ومعافى

يامحلى أيام قضيناها
يارب جمعا الجنة
مبرووووك لكل وحدة ولدت ماباركت لها
والله يهون على من بقى منكم

الله يجزاكم خير بنات على دعووواتكم
ويحقق امانيك

ياهلا وسهلا مدام غروب بنت العم الحمدلله على كل حال والدم مو متواصل سبحان الله يصب كم يوم ويوقف ...
فيه كثير سالوا عن امور ابكتبلكم نظامي
بالنسبه للولاده خوذوا طلق وتوكلوا على الله والله انه يسرع الامور قبل ماتنهدين وتجوعين وانتي غلى الطلق الطبيعي البطئ
بالنسبه للخيوط لازم بالبدايه تعامل معاملة العمليه الجراحيه يعني تغسيل بالبتادين اربع مرات باليوم مرتين الجلوس بالمغطس او طشت صغير ومرتين بس تشطيف واهم شي تجفيف المنطقه بالمناديل بطريقة الظغط وليس المسح ومن ثم وضع الكريم وافضل شئ فيوسيدين او مايطلق عليه بالعاميه ابو اسد لمدة اسبوعين ومن بعدها استخدمي اي غسولات مثل الدباغ او الارطا
بالنسبه لحلمات الثدي لازم كريم مرطب خاص فيها اطلبوها من الصيدليه للاسف مو جنبي الكريم ولا كتبته لكم
ولكن لازم تغسل الحلمات قبل الرضاعه
بالنسبه للمسكنات كنت اخذ روكسانين كل اثنعش ساعه وفيفادول كل ثمان ساعات اول خمس ايام وبعدين وقفتهم عند الحاجه
بالنسبه للي نازله لحمه او تحرقها فتحة الاخراج من الخلف لابد من شرب دواء ايزيلاكس الملين يوميا مره واحده ووضع تحاميل نيوهيلار لامرين علشان ماتنفتح الخيوط من الامساك وتكبر البواسير والامر الثاني الملين ينظف بطنك فاتشتهين تاكلين وتنفتح نفسك للشرب لانك ماتتحركي واجد فالاكل بيقعد بالبطن فلابد من اخراجه وحاولوا قد ماتقدرون تخرجون الغازات من بطنكم ولا تستحون من احد لانها مؤلمه جدا جدا
بالنسبه للرضيع والله تندمت اني مو من البدايه اعطيته شراب جل الدينتينوكس وهو للماغص والله شهر وانا في حال مايعلم فيه الا الله انا والنونو من الصياح والسهر واهزهزه والله انه مريح صرت اعطيه اياه كل ثمان ساعات والله اني الحمدلله ارتحت وصار صياحه طبيعي مو مثل اول

ان شاء الله اني رديت عن اغلب تساؤلاتكم ولا نسيت احد

الف مبروك للوالدات والحمدلله على الخلاص

عقبالكم يا خاتم وياشوكولا والباقين الله يهونها عليكم وتقومون بالسلامه