شاركي في النقاش

سجلي الدخول لإضافة تعليق.

التعليقات

28
  1. @rym_alshmaly_66

    اذا انتي معاك شهادة ثانويه وقسسسم علمي يااوخيتي استفدي من هالشهادة
    اتدخلي دبلوم انقلش اوووك وادخلي قسم طب اذا انتي قااادرة
  2. @tyf_alsgaya

    شووفي فديتك

    اولا اللي عرفته عندكم تقدرون تدرسون انتساب وهذا بصراحة شي حلوو

    ثاني شي قلتي عندك مواهب
    شو هي مواهبك عشان نقدر نفيدك؟؟
    اذا موهبتك رسم تعلمي ف الفوتوشوب ونزلي دروس من النت وزيدي خبرتك
    وتقدرين تسوين مشروع البومات
    مثلا صور مناسبات وحفلات
    وهالشي شفته بعيني من موظفة هوايتها الفوتوشوب وتعتبر هالشي هواية بس سوته مشروع
    بدت فالبداية تسوي اعلانات وتسوي صورة او صورتين بالمجان
    وبعدين صارت تسوي البومات للعرايس
    وتعديلها للصور وتنسيقهاا حلو وتسويهن بنصف سعر المحلات
    وصارن البنات يسوون عندها وبعد يوثقن فيها اكثر ان الصور في امان ...

    اذا موهبتك طبخ تقدرين تسووين مشروع حلويات منها تسليه وتطوير وتستفيدي
    اذا موهبتك ميكب وهالاشياء تقدرين تطورين بنفسك وتبدا فاللي حواليك لين الله ييسرلك وتفتحين صالونك الخااص

    وبعد ليش ما تغيري نطام يومك؟؟
    جزبي مدة اسبوع
    نامي فليل من وقت
    قومي قبل الفجر بربع ساعة وصلي قيام وصلي الفجر واقراي واحفظي لو يوميا نص صفحة من القران ..
    وابداي يومك بنشاط بتحسي خلايا عقاك متفتحه ونشيطة وبيروح منك الخموول


    النت فيه كثر اشيا
    اولها هالمنتدى ومثل ما خبروك البنات فيه معاهد ع النت وحتى للقران فيه مواقع حفظ وتسميع

    منها تشغلي وقتك وتكسبي دنيتك واخرتك

    وبعد ف البيت مع اهلك بين فترة وفترة سوي شي جديد
    مثل جربي طبخ شي جديد
    او جربي تغيري ف ترتيب البيت
    ولا تنسي زيارات الاهل والاصدقاء نظمي جدولك
    التلفزيون فيه برامج مفيدة او حتى مسلسلات عادية
    اهتمي بجسمك من ناحية تغذيته والبشرة
    سوي كل الخلطات اللي تفيد دامك فاضية




    السمووحة اذا طولت عليك شكلي تحمست

تابعي تجارب أخرى من هذا القسم.