زوجة اخوي والحل ... ?

شوفي - الاخوات ماقصروا وردوا عليك في موضوعك الاساسي...ولازم تشيلين يدك من خدمته طبعا ..شي متفق عليه..
بس انا استوقفني واتعبني ردك الاخير..
انتي مضيق صدرك انك تغسلين شرابه بس متقبله يضربك اخوك ويطلع بك دم وضاربك مره ومعلم في خشمك؟
لا والف لا!!!!

ترا الدعوى ميب فوضى وان سواها مره ثانيه اشكيه ولا تسكتين عن حقك ابدددددا ابدددددا من هالناحية!!!
سوا لك عاهه في خشمك.. والله يستر من المره الجايه.. وانتي تعاملين هالشي كانه شي طبيعي بكل بيت؟
يامال الكسار اللي يكسر كل من يمد يده على امراه او فتاة في ولايته..لانه مستضعفها وهي ساكته له..
الله يسلط عليه اللي اقوى منه من يتسلط على حرمه ويضربها

انتي اقوى من كذا .. ارجوك ماتسكتين ابدا
هدديه انك بتشكينه وان مااهتم دقي على رقم استقبال شكاوى العنف الاسري 1919 او 8001245005
لاتسكتون من هالناحية ولاتعتقدون انه شي عادي اخ او زوج يضرب ويعنف جسديا!


حسبي الله ونعم الوكيل

شوفي يالغاليه من ناحية انها تروح وتطلع لأهلها واذا كانت تحب اخوي او لا كل هالاشياء هاذي انا ماتهمني حياتهم مالي دخل فيها تروح للمريخ ان شاء الله مو مهم عندي تتهاوش هي واخوي برضوا مالي دخل يتصالحون برضوا مالي دخل فيهم
لكن لاترمون حقوقكم علينا
أخوي يصرف عليها حتى لو كانت موظفه لأنه ملزوم فيها حتى لو عندها ملايين الدنيا ملزوم يصرف عليه ولا له اي حق يعترض او يطالبها بفلوسها


لكن انا علتي ليش نتحمل مسؤليته وهي عنده
وعلى فكره لبعض العضوات اللي قالن تسكن فوق ياشطورات اقولكن اخوي فوقنا ساكن بشقه كبيره ومأثثه شقته من الى وكل شي كامل عنده يعني بديهياً حتى مطبخ بيكون عنده والمشكله كل شهر ينلون يتقضون لبيتهم اغراض للمطبخ خخخخخخخخ يمكن الجنون تطبخ هناك بدالهم هع " انا مااعترض على انهم يتقضون لبيتهم لكن ابي اعرف حنا ليش نتحمل مسؤلية اخونا وهو متزوج "


ودي امسك كل وحده كذا واصفقه

كل اخواني متزوجين وساكينين فوقنا ومع ذلك كل وحده قايمه بزوجه وعياله الا هي المشكله حتى عياله
خواتي يلبسونهم ويهتمون فيهم وهي ام وزوجه على الفاضي
دايم اققول لأمي وخواتي الأخت عايشه هنا ملكه على حسابي انا وخواتي

الله يعينك
حبيبتي انتي الي حتتعبي ارمي شغل اخوك عليها وان مد يده مره ثانيه اشتكي عليه لاتتركينه خليهه يتادب

الكلمه اللي تستحي منها بدها,,

ياحبيبتي .. لاتستحين من اخوج قولي له انت اخوي ع راسي وعيني لكنك متزوج وعندك زوجه وهي ملزومه
تخدمك وتقوم بكل واجباتك وواجباتها.. وانتي تكرفين وتتعبين حرام لازم يقدر ..

والله يااختي في هالزمن الواحد اذا قال كلمة الصج والحق يزعلون.. خل يزعلون لكن العيب انه متزوج وحده
لازم اهي تقوم بكل واجبات زوجها..مهب مشكله لوكانت عندكم شغاله كنا بنقول اهي بتخدمهم لكن الموضوع
عنده زوجه..

وبعد مثل ماقال لكم اخوج حاسبي تاخذ منكم علوم وسوالف بيتكم باي شي لانه انا جربت هالشي
من حريم اخواني .. والله يهديهم ويصلحهم يارب