زوجي عجزت افهمه

اول شي ياحلوه اذا بتعلمين احد الاحترام وتعطينه لي ولامثالي
فانا من رايي تعطين دورات لنفسك انتي اولى ياشاطره
ثاني شي لاخذتني الحميه ولا شي بدليل قلت الزين والشين بكل مكان وباي شعب بس الحميه فيكي انتي
وتعصب الجاهليه فيكي انتي
انا ماسبيت اي دوله معينه وحطيت عقد الدنيا فيهم وخليتهم اخس رجال
ثالث شي والاهم الله يريح المنتدى من ارائك الغبيه اللي تهدم البيوت
جالسه تتكلمين عن حسن الظن وانتي اسات الظن بواحد لاتعرفينه ولايعرفك
لاتنهين عن شي ياحلوه وانتي اصلا تسووينه
علي فكره تناقض رررهيب بين انا من جزيرة العرب والهياط حقك اللي ماله داعي ومدري ايش
وبين السعودديين متسللطين وعقد نفسيه!!!!!!
شكل المشكله والعقد ه النفسيه فيكي انتي
بدليل انك تشوفي شعب كامل معقد وهذا من بوادر المرض النفسي
عموما ارجع واقول انا ضد الارا اللي تهدم البيوت وخصوصا امرين الليتنصح بالطلاق او التشكييك بالزوج واشوفها هنا سائده
ززين ان الحرمه ماتاخذ منصب قاضي ولا كان الدنيا خربت
عموما الله يهداكي

ليش تناقض في كلمة سعوديين وعربيه من جزيرة العرب
نعم أنا عربيه ومن جزيرة العرب وأصالتي وجذور أجدادي أعمق من كلمة (سعودي) أو (سعودية)
ونعم الغالب بالشعب الجهل والتسلط والعُقد تجاه المرأة وعموماً الرجل الشرقي ينظر للمرأة انها من ممتلكاته يتصرف فيها كيف شاء ، يضربها ، يمنعها من اهلها ، يشتمها، يحرمها المصروف والنفقه ، يبخل عليها، يشك في شرفها واخلاقها، أحياناً يحرمها الحمل ، وأحيان أخرى يحرمها تنظيم الحمل ، يخونها ويقول هي السبب هههه وهذا اكثر شئ منتشر عند معشر السعوديين
غير انه ماتظهر رجولته وبلطجته غالباً الا على المرأة الضعيفه
أسدٌ علي وفي الحروب نعامةٌ
وطبعاً ما أعمم لكن قلت غاااالب الرجال السعوديين
لأن الحقيقة نادر الرجال الحقيقيين منهم
والا روحي شوفي القضايا في المحاكم من خُلع الى طلاق الى مطالبه نفقه الى قضايا عُنف
لو النسبه قليله كان الصالحين اصلحوا الفاسدين القليل
لكن الفاسدين هم الغالب
ثانياً لابد تفرقين بين الاختلاف في الرأي و قلة الأدب والإحترام وإلا راح تبينين للناس انك متخلفه ولا تملكين أي قيم أو مبادئ للحوار الإيجابي
ثالثاً والأهم رأيي مبني على وصف الأخت لمى لزوجها ولو كانت شكواها فقط انه ما ينزلها الا لما يشوف مين معها قلت ياحلو زوجك يخاف عليك يالمى ويغار وما يبي يروح الا متطمّن عليك
لكن هي ذكرت مجموعه كامله من الصفات السلبيه الأخرى اللي دلتني وبتدل أي شخص عاقل وليس ساذج وغبي إلى انه يعرف ان عنده خلل الشخصيه المتسلطه ومن اهم صفاتها ((((الشــك))))

عموماً لا أُمانع اختلاف الرأي وعدم قبول رأيي وعدم موافقته
ولكن ايضاح هذا بإحترام يعني لو قلتي ( ما اوافقك الرأي يا اخت نضال واشوف حرام تظلمين الرجال وانتي ما تعرفينه ) كان أفضل من أسلوبك السئ
وأنا طبعاً مثل اي انسان طبيعي اتقبل الاختلاف والآراء اللي تناقض رأيي وتطلع عيوبه بالعكس اقدّر هذي النوعيه من الناس لأنها تحاول تدلني للصح
لكن بمثل اسلوبك مدري وش اقول صراحه لكن الأكيد التربيه والبيئة لها دور
عدلي طريقتك في النقد والاختلاف ومحد بيغلط عليك ياحلوه
اسلوبك عيب ترى اسلوب بزران بالمتوسط


عموماً اختي لمى راشد نفس رأيي طبعاً وأكرره انتبببهي تصدقين تحطيمه لك لأن عادةً النساء يتأثرون بالنقد السلبي المستمر والتحطيم
احذري أهم شئ ثقتك ونظرتك لذاتك
الله يسخره لك يااارب ويصلح أموركم

كلام روعة

اخت نضال

اعجبني ماقلتيه

رفع