وينك!!

[CENTER]

تركتني بغربة الدنيا اقاسي
ودي لو الحق خطاك..
بعد ما كنت باحضانك انام
بالامان والحب اغفي
واحاسيس البراءه وهالدنيا
اللي مابها ابد خير..
وينك..
ادور من يملي مكانك
وهذا صعب على اللي عاش
مايشوف الاضحكة الدنيا..
ولايحسب لاي شي حساب
وينك..
ليتك تاخذ بيدي
واكمل المشوار
والله ان هالدنيا ماتسوى بدونك
ولا لها طعم او لون
اقضيها لان الوقت بس ما حان..
وليته يحين يومٍ تركت ضلوعي
بدون قليب
خاويه الا من هموم وعذاب
وبقايا رماد
لروح حرقها البعاد
ونظره بيوم الوداع
وينك يابعد هالدنيا..
وينك يا عديل الروح..
وينك يامصفي كدرها ..
وينك يبه.....[/CENTER[/]]

8 تعليق 742 مشاهدة

شاركي في النقاش

سجلي الدخول لإضافة تعليق.

التعليقات

8
  1. صاحبة الموضوع
    الغاليه عوشي..
    اشكرك لمرورك على الموضوع واقتطاعك جزء من وقتك للرد
    اما بالنسبه ل (النقل ) فاضمن لك انها من مفرداتي الخاصه
    اشكرك مره ثانيه
  2. @aal_almodh

    مشاء الله عليك وبارك الله فيك
    وينك يابعد هالدنيا..
    وينك يا عديل الروح..
    وينك يامصفي كدرها ..
    وينك يبه.....


    والله كلمات رائعه
  3. راااااااااااااااااااااائعه بمعنى الكلمه


    تسلميــــــــــــــــــــــــــــــن يااااااااااااااااااااااااااااعمري

تابعي تجارب أخرى من هذا القسم.