انتظر .....ولا اطلع ..ساعدوني..
السلام عليكم ورحمة الله وبركاته ,,في قلبي هم وحزن متزوجه من 13 سنه بدون اطفال ,في بداية حياتي الزوجيه زوجي كان نعم الزوج والمسئول عن الحياه صحيح ماكنا بذاك الغنى لكن حياتنا بسيطه ومرتاحين رغم قلة الراتب في اول سنين زواجي ,,وكان يوفر لي مستلزماتي وانا كنت زوجه هادئه ومسالمه وكنت اتنازل عن بعض الامور تقديرا لظروف زوجي الماديه وماكنت اطلب مصروف واتغاضى عن امور كثيره لاني كنت سعيده بحب زوجي لي وقربه مني ,,وبعد سنين مرت تغيرزوجي فجاءة بالرغم الحمدلله زاد راتبه وارتقى في وظيفته صار مايصرف لاقليل ولاكثير ولايهتم فيني ولافي بيتي ويخوني ومايطلع منه الريال االا بعدمشاكل وهم وبكاء وانتظار ,,اثاث بيتي قديم ومتهالك ويفشل مطبخي مكسر ومواعيني قديمه مجلس الضيوف فاضي بدون كنب لاني بعت القديم على اساس وعدني يجيب لي غيره وصدقته وسحب علي لي اكثر من سنه بدون مجلس ضيوف وعندي صاله صغيره استقبل اللي يجي عندي ,,صرت اعتذر من اي احد يجيني حتى اهلي ,مستهتر بالحياه لاابعد حد ,,بحثت عن وظايف لم اجد الا البيع في المولات وهذي وظايف ماتناسبني وزوجي رافضها حتى اهلي منعوني اشتغل فيها ,,عندي شهاده جامعيه ,,الحياه مع زوجي صارت صعبه وبين اهلي وزوجي مشاكل وزوجي مهددني بالطلاق اذا خرجت زعلانه لبيت اهلي واهلي متوعدين زوجي اذا جيتهم زعلانه منه مالي رجعه ابدا وانا احترت اتمنى حياتي افضل واجمل وانقهر من حالتي لما اشوف ماشاء الله تبارك الله كيف بيوت خواتي وبنات عمي واخوات زوجي وانا عايشه الفقر والهم حتى ملابس ماعندي الاقليل حتى قمصان نوم كلها قديمه حاولت مع زوجي كثير باللين بالحب بالبكاء بالصراخ بالترجي مطنشني ماانزل السوق الامن عيد لعيد ,,من فتره وانا افكر في الطلاق بس خايفه ومتردده وارددالايه (ولئن صبرتم لهوخير للشاكرين) (واصبر وماصبرك الابالله) احيانا اقول لنفسي انا ماعندي اطفال علشان اصبر على هذي الحياه لكن اتذكر العشره والايام الجميله اللي عشتها معها انا محتاره وصليت استخاره ومازالت محتاره ,,للعلم انا سبب عدم الانجاب مني ولكم خالص الدعاء ..