ياقلبي انا من جده واعرف كتير من بيت خان هم يعتبرو في جده حضر ولا تقعدو تتفلسفو لا مو حضر
عندنا نعتبر القبيلي بدوي وغير القبيلي حضر ولاتفهمو انه فيه تفرق او شي بس كذا المتعارف
اختي شوفي هم عاداتهم تكون العقد في نفس اليوم او قبله بيوم يروح العريس ومعاه الرجال من اهله ويعقدوا وتعطوهم المهر
يوم الملكه انتم عليكم علب الملكه وعربيه الملكه وتكون مجهزه من الى ... يعني يكون فيها الشبكه وهدايا اللي تقدرو عليه من مكياج او جوال وعطور وكمان نصيحه لصاحبتك فيه محلات تجهز لك العربيه بكل شي من عوده وصحن شكولاته وبخور ولبان ومبخره وعطور وانتم تعطوهم هداياكم يزينوها ويرتبوها فيه وتختارو علب ملكه تتوزع على الناس كهدايا
العربيه لما يوصلوها للقاعه او البيت وترى المحل ممكن يوصلها لك ترتبي الشبكه فيها واول شي ملا يدخل العريس على عروسته ياخذ الشبكه ويلبسها ويتصورو مع العربيه وبعدين لو يبغو يرجعو الشبكه عشان تزفو العربيه والناس لازم تشوف شبكتكم وايش جبتو لها ووقتها توزعو علب الملكه ولو تجيبو صحون شكولاته توزعوها على الناس بيكون احلى
لااازم تتصلو على اهل العروسه وتعرفو منهم على تفاصيل الملكه وفين بتكون عشان لو بتعزمو وتعرفو ايش لكم وايش عليكم
بالنسبه للفرح في ناس يتفقو يكون بالنص بين اهل العروسه واهل العريس
أي استفسار انا في الخدمه ولو كنتم في جده ممكن انصح بمحلات لعربيات الملكه حلوه اخّذنا منها
صديقتي خطبو لاخوهم حضرية .. انصحوها
متابعة النقاش، صفحة 6