شاركي في النقاش

سجلي الدخول لإضافة تعليق.

التعليقات

61
  1. @shtaaa_thlgy

    صاحبة الموضوع
    طعناتك كفايه
    اللي تكلمو وقالو مو حضر مادري مين اتوقع مو حجازيات عشان كذا معترضين ياحبايبي في الحجاز اي احد عايش في الحجاز من 100 سنه ينقال عليه حضري وحضر الحجاز قسمين في حضر قبايل  زي الاشراف وفي حضر من جنسيات واصول مختلفه ماعرفو الا الحجاز يعني مالهم …
    اميييين الله يتمم لهم على خيييييير
    وألف شكر لك حبيبتي :love:
  2. يعني البنت سألت سؤال محدد قمتي نقزتوا لموضوع النسب
    شوية وتجيبون شجرة عائلة العروس وتحللونها
    اعوذ بالله من هذا التعصب الاعمى
    قال رسول الله صلى الله عليه وسلم
    لا فضل لعربي على أعجمي ولا لعجمي على عربي
    ولا أبيض على أسود ولا أسود على أبيض
    إلا بالتقوى الناس من آدم وآدم من تراب

    وقال الله تعالى
    إِنَّ أَكْرَمَكُمْ عِندَ اللَّهِ أَتْقَاكُمْ
    ( الحجرات : 13 )
    فالأكثر تقوى هو الأكرم عند الله ولو كان عبداحبشيا
    والأنساب لا تغني شيء عن العبد

    حسستوني كن الجنة والعزة والرفعة لعيال القبايل بس
    اقتدوا بالرسول صلى الله عليه وسلم




    مبروك يا اختي الزواج ونعم النسب الحلو في الحضر
    نفوسهم حلوة وطيبة
    وبالنسبة لسؤالك اسألوا اهل العروس مافيها شيء
    عشان تكون الملكة مرتبة وتكونون عارفين بالضبط ايش المطلوب
    منكم ومنهم
    بارك الله لهما ورزقهما الذرية الصالحة
  3. @yom_odaaak

    طعناتك كفايه
    اللي تكلمو وقالو مو حضر مادري مين اتوقع مو حجازيات عشان كذا معترضين ياحبايبي في الحجاز اي احد عايش في الحجاز من 100 سنه ينقال عليه حضري وحضر الحجاز قسمين في حضر قبايل  زي الاشراف وفي حضر من جنسيات واصول مختلفه ماعرفو الا الحجاز يعني مالهم …
    سلمت يمينك هو دا المهم وفعلا كلامك صح عادي ناخد منهم ونزوجهم الحمدلله الحجاز نادر فيها التعصب الجاهلي
  4. @yom_odaaak

    يوم وداعك
    سلمت يمينك هو دا المهم وفعلا كلامك صح عادي ناخد منهم ونزوجهم الحمدلله الحجاز نادر فيها التعصب الجاهلي
    وبالنسبه لترتيبات الملكه الاصول هيا تتصل ام العريس على ام العروسه تسالها تبو الملكه شهري ولا عادي (الملكه الشهري يعني تجهزو العربيه وعلب الملكه وطبعا تسالو ام العروسه كم يكفيكم علب ملكه وهيا تقولكم ميه ميتين ثلاثميه حسب معازيمهم الرجال واهلهم وتتفقو مع الجسيس وفرقته يجو يعملو زفه للعريس وهو داخل على اهل العروسه مع اهله الرجال وبيفهمهم الجسيس الاصول في الموضوع دا وترى مرررره شي حلو وممكن مايبو ملكه شهري براحتهم )

    تاني شي تسال كم كرت حتعطونا لانه عوايد الحضر الشبكه على اهل العروسه ويجو اهل العريس (نصه)يعني بالكثبر عشره ولا عشرين حرمه بس يدخلو مع بعض القاعه مع زفه بسيطه والفرح يعزمو براحتهم ومرررررررررررره عيب تطلبو كروت زياده

    ثالث شي تسال الملكه فين حتكون في الحرم او في البيت اذا كانو من جده او مكه لو في الحرم تبلغو رجال عيلتكم يحضرو في الحرم عاده تكون بعد المغرب في مكان محدد في الحرم معاكم الماذون وترامس قهوه وصحون تمر بس لانه ممنوع يدخل شي تاني الحرم وتعقدو في الحرم وبعدين يقولوكم اتفضلو العشا وتروحو معاهم على مكان العشا الس عاملينه ولو ماقالو اتفضلو العشا اجل العشا حيكون يوم الشبكه مره وحده

تابعي تجارب أخرى من هذا القسم.