ودي اشكي لكم همي عن راعية محل اللي كنت اشتغل عندها و اطردتني منها

السلام عليكمم
اخواتي الكريمات حبيت افضفض عن نفسي وابي اشكي لكم همي واكيد ان الشكوى لغير الله مذله لكن يمكن القى كلمة طيبه منكم او دعوه تخفف عني جروحي والالامي وتطيب خاطري
انا يااخواتي اشتغلت برمضان عند وحده صاحبة محل ماتخاف ربها المهم كانت اول مقابله اتفقت معي ان يكون راتبي بالبدايه 1500 بدون الموارد البشريه
المهم قلت لها خلص موافقه بس بشرط ان الشهر الجاي تسجليني بالموارد قالت ابشري اذا وقفتي معي ماراح اقصر معك المهم انها اعطتني راتب كامل حق شهر رمضان
والله العظيم يوم استلمت الراتب وبعدها جتني الدوره حسيت بدوخه موطبيعيه والم بالصدر زي مغص الدوره وتشجنات بالمفاصل وتعبت حيل يومها وغبت
وقلت لها اني تعبانه وبغيب قالت لي خوذي راحتك واخصم عليك 50 ريال وسكت
صدقوني ان هالراتب ماتهنيت قيه طار على تحليل الدم والعلاج والكشف تقريبا فوق 700 ريال واعطيت حق السواق اللي يوصلني حسيت مابه بركه ابد
وطلع دخل المحل شهر رمضان تقريبا 2600 لقلة الزباين هذي الوظيفه بسوق نسائي غير مختلطه المهم انها ماعجبها الدخل وشي غصبن عني على حسب زبونات اللي يشتروني مني
وللاسف ان هالسوق كل شي فيه غالي ويختلف اسعاره عن اسعار السوق اللي برا عشان كذا قليل عدد زبونات في السوق المهم ماعجبها الدخل
وقالت لي مااقدر الحق على سداد ايجار المحل 2500 وعلى راتبك وانتي مثل ماانتي شايفه ايراد هالشهر ضعيف وقالت لي ان بداية شهر شوال يكون راتبي 500 ريال
وعن كل الف اطلعهااخذ ميه 100 ريال وطلبت منها انها تزيد ورفضت واحترت بوقتها لان مااراح القى وظيفه غير مختلطه غيرها
والمهم اني عذرتها قلت خلص خليني اوقف معها وارضى بالقليل لان فعلا السوق نايم الين ماالقي لي شغل غيره ووقفت معها
طبعا للاسف هالشهر هذا طلعت دخل المحل 3500 ثلاث الالاف وخمسميه يعني يطلعلي 800 ريال راتبي المهم اللي ماتخاف ربها جابت موظفه جديده بيوم غيابي
وهي طبعا سمحت لي بالغياب عشان احضر عرس بنت اخوي اللي من ابوي الله يرحمه وماقالت لي انه فيه خصم
والله العظيم يابنات اني استئذنت منها قبلها باسبوع المهم ان بعد ليلة العرس اتصلت علي واتهتمني اني سرقت منها 120 وكل شي سجلته لها بالدفتر
وكنت اراجع حساباتي اول باول واتاكد منها
رغم قلة الزباين المهم بعد ليلة العرس دوامت واتفاجئت بالموظفه الجديده جت قالت لي خلص ماابيك تشتغلين معي لان غيابك كثران وانا بخصم حق امس اللي حضرت فيه العرس
وانا يابنات ماغبت برمضان الا يوم واحد بدون مااستئذن منها
ويومين استئذنت منها لان كنت تعبانه وعلى فكره اجازه مره بالاسبوع مافيه ارفضت انها تعطيني اياها وقالت لي المفروض شهر رمضان مااعطيك 1500
ورفضت تعطيني الراتب الثاني حق شهر شوال اللي خمسميه ونسبه المهم اني طلعت من عندها مقهوره وادعي عليها
والله ينصرني عليها ويعوضني خير تخيلوا ان البنات السعوديات و الغير سعوديات يشتغلن بمحلات ثانيه ماشاء الله رواتبهن الف او الف وميتين او ثلاثث الالاف واجازه اسبوعيه
انا من قرادة حظي طحت بيد راعية محل ماتخاف الله
ونسيت اقولكم عن نتيجة التحاليل بعد ماارتفع فيتامين دال عندي
طلع عندي امراض انيميا حاده ونقرس ونقص كالسيوم رغم اني اشرب حليب
ومعرضه لمرض السكر بنسبه كبيره وانا عمري 28 احس اني عجزت وانا بعز شبابي
وانا هالحين بطلت اكل سكريات وحلويات ودهون
اي نسيت اقولكم انا يوم قالت لي المفروض مااعطيك الف وخمسميه قلت لها والله العظيم ماتهنيت فيه كله راح لتحاليل الدم قامت تتشمت فيني وقالت اي سبحان الله هذا وعلى نياتكم تتهمني بنيتي وانا نيتي طيبه وعذرتها ووقفت معها صدق اللي قال اتق شر من احسنت اليه
والله ان محتاجه لدعواتكن اخواتي ماخذيت من هالدنيا غير الهم والغم لازواج ولاوظيفه
ادعولي اخواتي ان الله يفرج همي ويشفي الوالده ويشفيني وينصرني على من ظلمني

88 تعليق 12,403 مشاهدة

شاركي في النقاش

سجلي الدخول لإضافة تعليق.

التعليقات

84
  1. @am_tala2012

    ياختي احمدي لله أولا وأخيرا ولعله تمحيص ذنوب ويا بخت من نام مظلوم اسأل الله العلي القدير ان يشفيك
  2. @ynsoon

    ياعمري عليك يااغصان
    ابشع شئ اللي يستغلك ويظلمك حتى لو بريال
    القهر مو بالفلوس القهر ومرارة الحلق في الظلم والتعدي على حقك بغير وجه حق
    والله العظيم حاسة فيك
    وودي اساعدك والله اخت وعزيزة على قلبي وعلى القسم كلله
    عضوة فارضة احترامها وتقديرها على الجميع
    لا يدخل الياس على قلبك خليك متفائله ابعدي التشائم عنك
    بكره اكيد افضل واحسن
    انتبهي من وسوسة الشيطان تعوذي منة لا يسبب لك احزان ولا كئابة وبكاء
    ربي شايفك ومطلع بحالك وبينصرك
    ربي يدخل السرور والسعادة على قلبك ومااتشوفين هم ابد
  3. @sbh_alrshash

    لا تحزنين ياقلبي وتشيلين هم كبير
    الدنيا كلها ظلم والعداله عند رب العالمين فقط
    الله بيعوضك إن شاء الله خير مما تتوقعين
    خلي ثقتك بربي قويه ولا يهزها أي شي وبس اصبري
    وتشوفي نتايج الصبر كيف .. والله يسعدك ويشفيك ووالدتك ويبشرك بما يسرك

تابعي تجارب أخرى من هذا القسم.