زوجي وسفرته

السلام عليكم ياأخواتي

انا ابدخل بالموضوع على طول في أجازة عيد الرمضان الي فات زوجي قالي ابكشت انا عادي
عندي قلت كشته مع ربعة وانا اروح لاهلي وانبسط كم يوم وارتاح عقب تعب الرمضان والعيد
لانه مايسمح انام عند اهلي ففرحت انه يبي يكشت كم يوم قلت اغير جو
مشى هو وانا رحت لاهلي بعدها بيومين ارسلي موقعه في الاردن انا انقهرت اشوي
بس قلت يالله الاردن ولا شي ثاني بس مرت الايام وطول زوجي وصار مايرسل موقعه
عن طريق الواتساب وجواله مقفل يادوب يرد على الواتس اذ لحيت بالسؤال عنه
ومرة الصبح ارسلي وجة مبتسم من غير اي مقدمات ولا مؤخرات عاد انا بدأ يلعب الشيطان
براسي قلت يمكن متزوج واضح انه مبسوط وانا مليت من بيت اهلي لان معي اطفال واكيد اهلي
بعد يتضايقون من ازعاج الاطفال قلت يالله اروح لبيتي واجي بعض الاوقات لاهلي
ر 13 يوم وبعدها لحيت عليه متى تجي قالي بكرى ان شاء الله
عاد انا جلست بالبيت ونظفته ورتبته وتجهزت انا وكنا بالفعل بحاجته ام الاطفال صعبة
عليها تجلس بدون زوجها تتعب من مسئولية الاطفال لحالها
وجاء واستقبلته وجلسنا بدى يرتب اغراضه ويوريني الهداياء وعطاني شنطة
نسائية قالي هذي هديتك قال وش رايك فيها قلت حلوة وضحك قال هذي من تركيا
انا كانه احد عطاني كف او صب علي موية حارة انصدمت وتغير وجهي
وبدا يبرر لنفسه انه جلس بتركيا كم يوم وانه زميله هو الي ضغط عليه
ومن هالكلام انا ماعمري سافرت للخارج ودايم اتابع التقارير للي يسافرون
واتمنى اسافر بس اقول ليش اطلب منه واعرضه للفتن من قبل النساء الكاشفات والمتبرجات
وانقهرت ليش يسافر لحاله وبكيت ونكدت عليه وطلبت منه انه يسفرنا
وسفرنا 3 ايام ورجعنا
وانا مازلت مقهورة وبكل وقت اصيح وهو يورينا صورة هناك ومبسوط
وقلت له خلاص لاتورينا صور رايح عن طريق مكتب سياحي ويقولي سكنونا فندق خمس نجوم
والافطار والغداء والعشاء مجاني وانوع الدلع وركبوه تلفريك مختلط وسفينه مختلط
المهم انه اتمشى وانبسط وانا انقهرت ليش ماأخذني معه وقهرني يتكلم بالبنات هناك بتركيا وبتعريهم
وانه يوم سبح بالبحر مع زميلة جت بنت عليها لبس فاضح وبدت تقرب لمهم
وقالي انه ناس اعرضو عليه بنات ويقولون له بالحلال عاد انا انقهرت زيادة
وصرت مااقدر انام من القهر وادموعي على خدي ونفسي تقولي خلاص انتي انصدمتي كثير
وهو ماجاب خبرك ورايح يتمشى وينبسط لحاله وش تبغين فيه فكرت اخلي الاطفال عنده
واروح لهلي واتركه تعبت نفسيا من كثر التفكير والحزن وبعض الاوقات اخاف ربي يعاقبن من شد التسخط والحزن واتذكر الي هم اشد من حالتي وشلون عايشين واحمد ربي واشكرة
بس مافيه فايدة ارجع واتسخط وابكي وانقهر واحس بقلبي مجرووح بقوة لاني انصدمت
هو سافر كم مرة بس لشغل ومايطول بس هالمرة اسبوعين وسياحة وتمشي وبجنة الله بالارض تركيا
ياخواتي والله محتارة كيف اتعامل مع مشكلتي وهل يستحق زوجي اني اعاقبة او ابعد عنه
انا تايهه ولا عندي احد اشاورة وكل مابغيت البس له واتجمل اقول والله مايملا عينه لانه جاي من الخارج وشايف البنات الحسنوات على وصفه بكل مكان وبالمطار
ساعدوني الله يساعدكم ويسخر لكم ازواجكم
انصحوني احس اني ابخرب بيتي .

59 تعليق 14,137 مشاهدة

شاركي في النقاش

سجلي الدخول لإضافة تعليق.

التعليقات

55
  1. @am_srrorro

    انا معاك شي يزعل ويقهر
    لكن ايش الفائدة انك تفضلي منكدة على نفسك للان !
    خلاص سافر وانبسط ورجع 
    المهم انك وصلتي له رسالتك بانك اتفاجاتي وزعلتي .. 
    خليكي هذه الفترة شوية ثقيلة عشان يفهم ان الموضوع فعلا اثر فيك 
    خليه هو يتقرب منك  
    وكل ما افتكرتي الموضوع أستغفري
    ولا تقولي ما أملا عينه 
    بالعكس خليكي واثقة من نفسك وإنتي أحلى منهم كللللللهم  
    بالتوفيق حبيبتي 
  2. @ghla115

    حبيبتي اول شي السلام عليكم 
    ثانينا ابدا لاتتسخطين ولا شي بلعكس ابشري بكل خير وفرج بأذن الله فهذا الشي الي صار لك درس لك عشان ماتكررين الخطا  اللي سويتيه بأنك سمحتي له يسافر وحده لا تكرري الكلام بسفرته ولا تسمحين له يتكلم فيها معك او الاولاد حتى يعرف ان الموضوع بالنسبه لكي مزعج وحطي ببالك انو هذي اخر مره يسافر فيها لوحده او مع زملائه  وبذاااااااات للخارج وعيشي حياتك طبيعي ولا تنسي اكثري من الدعاء
  3. @ampalgazyamp

    سافري لجنة الارض تركيا ولاتحرمين نفسك واطفالك من السفر لبرا سنويا هذا اقل شي تستحقينه من بعد تعب سنه مع اطفالك  وكذا تقطعين على زوجك العذر انه بسافر لوحده 
  4. @sghyronh_hnonh

    تطمني زوجك يحبك ومو راعي بلاوي 
    لو مايحبك ماكان فضفضلك،،

    وزوجي بصراحه مسافر للخارج من قبل يتزوجني وتزوجني وسافرنا للخارج البنات فدامي الوان واشكال بس سبحان الله ( ربي يعطي للشخص حب وخوف لزوجه واحساس غير)

    اكشخي وانبسطي ،، 

تابعي تجارب أخرى من هذا القسم.