] ليش الحزن والياس والاحباااط .
انا لا اؤمن بخيبة الامال بل اؤمن ان كل شي بوقته حلو
ما انكر ان في امور تمنيتها بوقت معين بس ما صارت وتذمرت شوياات بس بحكم احتكاكي بالناس ادركت ان مافي حد خااالي من الهموم فكلن له همووومه .. فلا تحطووون نفسكم في دائرة المقارنات ...فاذا همج الزواج غيرج همه الطلاق .اذا همج الوظيفه غيرج همه وقت فراغج ومب محصل والفقير همه المال والغني همه راحة البااال وهكذا ...
اذا الله قال : ((لقد خلقنا الإنسان في كبد )) أي : في تعب و هم ومشقة..
يعني سنة كونية ثابتة ما في حد مرتاح لا تغرج اوضاع الناس والمظاهر ترى ماحد رح يكشف اوراقه قدامج..
الكل يحب يظاهر بالسعادة وانه مستانس بس ما خفي كان اعظم ...
خليج قنوعه وارضي بالواقع واشغلي نفسج بالدعااء اذا تاملين الافضل بدل التذمر وخلي تفكيرج مطلق ولا تحصرينيه بالمقاارااانات وفلانة وعلاانه .[]. ترى الهموم لها وقت وتروح والمشاكل مصيرها تنحل بس العمر اللي راح منه ما يرجع فعيشي شبابج بحلوه ولا تعترضين على القدر لربما في التاخير حكمة وخيره .. الزواج ماله وقت محدد بالنهاية نصيب والنصيب وقت ما جا خير لنا ..ياما بنات اعرفهم اتزوجن صغار والحين يتمنون لو يرد الزمن لورا ويرفضون الزواج . ولما اتواصل معاهم يطرون لي الاسطوانة التاليه على اساس مزح "((يا حظج ما تزوجتي يا حظج على وقتج يا حظج على الحرية اللي انتي فيها وغيره وغيره بس صدقيني من نبرة صوتهم يبين الحزن بس هذا مب معناته اني اطري ان الزواج مب شي لا بس اوضح لج ان مافي حد مرتاااح .. بخصوص الملل والفراغ اللي تعانينه .انتي غيري نفسج واعملي علاقات اجتماعيه ...وحاولي تنوعين في نشاااطاتج اليومية عشان ما تحسين بالفراغ ..يعني التحقي بنادي رياضي استغلي وقتج في تعلم اشياء تفيدج ادخلي دورااات مفيدة ...اذكر بنت من الاهل كانت نفسج ... خلصت دراستها الجامعيه ودورت وظيفة وما حصلت ..راحت خذت لها دورات ماخلت شي ما خدته ...طورت نفسها في الانجليزي اتعلمت الخياطة والتطريز والطبخ وووو ..انضمت لمركز التنمية الاسريه و اثقفت في امور الحياة من خلال الدورات اللي كانت تنعطى ... وتغيرت شخصيتها و صارت محبووووبه وجريئة اكثر ..كسبت واااايد ناااس وماشاء الله جاها نصيب وهي عمرها 28 ..ريال والنعم فيه معيشها اميره وكل اللي اتعلمته في سنوات عزوبيتها فادها في حياتها وماشاء الله كل من عنده مشكله استشارها ...هذا بس مثال ونموذج من واقعي ...فحياتي العمر مرة وحدة ليش النكد ... عيشي حياتج بلحظاتها و خلي كلشي بوقته عزيزتي ..^^
