زوجي وسفرته

المره هذي عديها له واذا مدح في التركياااات قولي له تزوج منهم عادي لكن تاكد تكون بكر بكر مو عمليات تجميل ......


ولو حصل حاول يكررها في الوقت الي يبغى يسافر اتركي الاولاد وروحي لاهلك وممكن تخبريه اول مايقولك يمكن اسافر اغير جو .....


قولي له اروووح معاك انا والاولاد ولا خذ اولادك وانا بروح لاهلي .....

  بنت المدينة استغربت الصراحة من ردك اذا انتي متزوجة وهذا اسلوبك مع زوجك فالله يعين
ترا الرجال مرررا خيالهم واسع فمواضيع الحريم شي طبيعي ففطرتهم والشيطان يزينلهم كلللل شي
فحطي نفسك مكان البنت وقولي لزوجك تزوج وتركية وتأكد انها بكر يعني خليتي خياله يوصل انه مع تركية!!
صراحة انتي مررا غريبة
يعني كل ما غرتي ولا شي تقوليله روح تزوج وتملين عقله الباطن بالزواج الثاني اصلا معروف دايما الاستشاريين يقولون انه الرجال ما ينمزح معهم في الشي ذا وما يصير نطيح ميانة معهم فها الامور
تخيلي لو تكلمت وحدة عن الأتراك معقول زوج عاقل يقولها تطلقي مني وخذيلك تركي بي ترى انتبهي لا يكون راعي سوابق!!

الله يعين على هالرجال
ماودة الواحد يزل بكلمة عندهم
وهم والله ماخذين راحتهم بالكلام

ماأقول الا الله يسخرلي زوجي ويسخر لكم ازواجكم .

أنا مو فاهمة وشو مزعلك ومدخلك في دوامة هم و غم وأحزان
أنه شاف حسناوات تركيا

ولا إنه انبسط في تركيا جنة الدنيا و المكتب السياحي دلعوه آخر دلع فطور و غدا و عشا لدرجة ماتبين تشوفين الصور

قولي له بالعافية عليك هالمرة والمرة الجاية و ديني معاك

الي قهرني ياقهوة 
انه دايم يقولي مايصلح الواحد يصير اناني لو اروح لاهلي وحس اني انبسطت عندهم قالي ايه انتي مبسوطه وانا لحالي مع العلم اني مااروح لاهلي الا قليل وبنفس اليوم الي اروح فيها لاهلي هو يروح لاهله عنده حساسيه اذا انبسطت مع اهلي او اجتمعت مع اخواني ومايطيعني انام عند اهلي يحب يسيطر علي وانا ضعيفه مالي حيله 
وتفاجأت يوم سافر وقالي انه كاشت وطلع لاكاشت ولا شي صدق انه بالاردن كل ايامه كشتات بس بتركيا مدلع نفسه ليش مادلعنا معاه 
انا اخر طلعه لشاليه مع اهلي زعل علي اسبوعين مايكلمني مع انه اذن لي اني اطلع معهم 
وهو ماعلمن بسفرة مايحق لي اني ازعل مثل مايزعل علي هو . 
انتي لو تشوفين زوجك مسافر ومدلع نفسة بمكان اغلب الي يروحون عوايل ومخليك تمسكين عياله ومايجيك الا على بداية الدراسه وتبدين سنه جديدة وكرف جديد وهو جاي حتى لهجته مغيرها يقلدهم وينتقد علينا ببعض طبخنا يقول هم يسوون كذا واذا جاء طاري تركيا فز قلبه شي يقهر ياختي مع اني والله واثقه فيه مب راعي خرابيط بس الي ماوثقت فيه غض البصر . 
والدليل يمدح جمالهم .