متضاايقه ولا ادري شسوي

الله يجزااكم خييير

اختي الرسول طيب ورحوم لكن مو ساذج .. الطيبة والرحمة مع القوة والنباهة تثير الإعجاب والإحترام ..
لكن الطيبة بسذاجة وضعف تثير المتاعب والمشاكل لك .. يعني تصيرين مثل الجدار الهابط الكل يستقوي عليك ويغلط عليك ..
زوجك من النوع اللي شخصيته تكره الضعف بسذاجة ..

يعني يبيك قوية .. طيبة لكن قوية مو ينلعب عليك ويؤخذ حقك أو يغلط عليك بدون ردة فعل منك ،
قد يغلط عليك أحد أو ينلعب عليك وأنت فاهمة الوضع بس تطنشين وتسوين نفسك مافهمتي ..
لكن زوجك يظنه غباء منك وانك ما فهمتي وش قاعد يصير قدامك ...
أو انك فاهمة بس ضعيفة لدرجة ماتقدرين تأخذين موقف يحفظ لك كرامتك .

استمري بطيبتك وتسامحك لكن تذكري ان التسامح يكون وأنت في موقف قوة مو موقف ضعف ..
التسامح انك تقونلين قادرة تأخذين حقك وهالشيء ظاهر لكن تسامحتي رغبة في الأجر ..
مو عاجزة عن أخذ حقك وواضح هالأمر للي حولك وتقولين يله مسامحة .. لا هذا اسمه مالك حيلة ومجبورة عليه .

يابعد قلبي مشكلتك بسيطه باذن الله خليك خبيثه واسلوبك قوي معاه وبس وصيري خبيثه وقويه معاه واذا عاتبك قولي انت تبيني كذا بصير كذا مع الكل بدون استثناء عشان تنبسط واذا صارت لك مواقف مع اهله لو مواقف مع الحريم او مع احد لا تجين تعلمينه بالعكس اقلبي السالفه لصالحك مثلا فلانه قالت لي انتي كذا وانا رديت عليها وغسلت شراعها وفشلتها قدام الحريم عطيه جوة منتي خسرانه شي سوي الي هو يبي بس بعقله وانتهينا

ليش يقولج انتي طيبه بزياده !

وشو المواقف اللي محسسته انج طيبه بزياده , شتقولين قدامه !

شالانطباع اللي هو ماخذه عنج !

اوكي الرسول صلى الله عليه وسلم اخلاقه وايد اوكي , والكل يحب يقتدي فيه مافي شي غلط !

بعدين انتي ليش ادققين في كل كلمه وتبين ترضينه ان تبين شخصيتج تكون واو

يمكن هذا الغلط , لاتبينين اشيا تبينج ان انتي ينقص عليج وان تنزل من قيمتج بعينه !

وليه هو قاسي معاك , ! لاتهتمين وايد حق قسوته وتراشينه بزياده عن اللزوم

لاتعطينه فرصه هو يقسى عشان تمين تراشينه !

بعدين اول شي وثقي بشخصيتج انتي وحبي نفسج ولاتخلين حد يشكك فيج

سوي الشي اللي تشوفينه صح

واهم شي ادعي الله يحببه فيج , بالاول والاخير القلوب بين اصابع الرحمن يقلبها كيف يشاء

والدعاء يغير كل شي , يعني لو الله راد بتشووفينه يشووفج احسن من احسن مايكون

لا الشخصيه مقياس ولا اي شي مقياس , التووفيق من ربي

وربي يزينج بعينه دايم ويوووفقج ~

الله يفرج همك ويوفقكم لما يحب ويرضى