السلام عليكم ورحمة الله
أخباركم حبوبات عسئ الكل بخير
زي ماهو واضح بالعنوان أخطاء سويتها مع زوجي
أو بحياتي بعد زواجي وتعلمت منها
،
أول خطاء نكران الجميل وانه مهما فعل مايبين في عيني الين مل وصار
مايسوي شيء يقول خير شر تنكرين كل اللي سويته
والحمد لله لحقت على عمري وقلت إنت ماتقصر بس فيه أشياء ماتنتبه لها
ثاني خطاء العجله في كل شيء وعدم الصبر كل شيء أبيه بسرعه
ومتوتره طول اليوم وليه ماسويت وليه مافعلت على قهوتنا على وكل
شيء جبت الحاجه الفلأنيه سويت الحاجه الفلأنيه ومن هالهواش
اللي مايخلص الين قال لي انت بس طلبات ما ترتاحين حتى لو
على قهوتنا لو طلب تافه أبيه بعد أسبوع أقول له طول اليوم وطبعاء
هالشيء غلط يممل ويطلع من البيت تعلمت اطلب اللي أبيه قبلها
بساعه حتى الاستجابه صارت أسرع
ثالث خطاء السؤالف عن صحباتك أو جاراتك بملاحظه
ما أعجبتك أو الانتقاد الدائم . طبعاه صار
عنده تفكير انه مالي صديقه أو ما أحبهم وآنا
والله أحبهم ؤاموت عليهم بس كنت أتكلم مثل ما أتكلم لنفسي
لدرجة انه مائحب أني أتواصل معهم ، بالمقابل هو مايذكر أصحابه
إلا بالخير ، طعبا صفه فينا كل شيء نقوله صح أو غلط .
تعلمت انه رجال نظرتهم غير عنا ومو كل شيء يقال لهم
رابع خطاء أهله مره انتقدت تصرف عام وندمت عليها لأني
حسيت انه تضايق وجاه شعور مو حلو ،
تعلمت ما اطريهم إلا بالخير أن وجد أو اصمت حتى وان حصل شيء ضائقني وش فأيده الكلام
خامس خطاء كثرة الزعل والعتاب .
يسبب فجوه وملل ويروح يدور غيرك وصار زعلي مايهمه
، تعلمت أتغضاء عن توافه الأمور وازعل لأشياء لها قيمه ، حتى زعلي يكون بمحله
سادس خطاء . أهلي كنت أقول له كل كبيره وصغيره من باب السؤالف
وهالشيء طبعاء مو من صالحي أبد ،
تعلمت ما أجيب طارئهم إلا بكل خير ،
سابع خطاء ، إذا وصيته بشيء ولا جابه سويت مصيبه ؤمناحه ،
تعلمت أكون رأيقه ولا أغضب حتى هو صار يحرص يجيب لي أغراضي
ثامن خطاء مره كان متضائق وساكت ؤلا يضحك صار له كم يوم كذا على الصامت
أكلمه يرد بكلمه زعلت عليه وقلت ليه تسوي فيني كذا انت ما تحبني ؤلا حتى تسولف معي ،
طلع متضائق من عمله وفيه مشاكل
تعلمت إذا كان متضائق أتركته الين الله يفرجها
اذكر لكم موقف خلاني أعيد حساباتي مع تعاملي مع زوجي
مره كان يسولف مع إخوانه بالواتس قلت بشوف سؤالفكم رفض قال مالك دخل زعلت
وكبرتها بالمقابل هو كان يقول بشوف سؤالفك مع اهلك أقول له تحلم مالك دخل كان يضحك
ووعادي ولا علق ولا زعل
،
مره أخذ فلوس من بوكي وقومت الدنيا وقعدتها من سمح له تفتح أصلن البوك
بالمقابل دائم أخذ من بوكه ؤلا يقول شيء
،
إذا طلب مني شيء وقلت لا ينسحب ويسكت ،
إنا إذا طلبت شيء وقال لا مصيبه كيف تقول لي لا :/
،
طبعاء مواقف كثيره بس هالاشياء تحضرني
أهم شيء الوحده تكون مرحه وبالها طووويل وماتكون متوتره
ؤلاحقه على كل شيء أن شاء الله
يالله كل وحده تقول خطاء وش تعلمت منه
خلونا نتعلم لنرتقي بالتعامل مع الزوج :kissa:
شاركي في النقاش
سجلي الدخول لإضافة تعليق.
التعليقات
56- الله يوفقك يارب
- وهج الصمت أمين وإياك
ام رووق صادقه المقارنات يكرهونها ويأخذون انطباع عنك انك حسوده أو غيوره
تسلم لي طلتكون - شكراً يا أم كادي فعلا موضوعك جميل جدا ويحث كل وحده
على إعادة النظر في حياتها الزوجيه جزاك الله كل خير ... - اكبر خطأ ارتكبته بحياتي أني اخذت معدد واني وثقت فيه وأحسنت الظن فيه الرجال لا تثقين فيهم والله مايركضون إلا وراء مصالحهم وحاجاتهم
- يعطيييييييييك مليوون عافيه الله يكتبه في ميزان حسناتك فعلآ استفدت منك
مواضيع مشابهة
تابعي تجارب أخرى من هذا القسم.