تكفون يابنات لا تبخلون علي بالمشورة

وحابة اضيف شي تاني
انو مع الايام رح الناس الي تكلمت عليكم قدامهم يكشفوها
ويرجعو العلاقة معكم
صارت معنا قصص شبيهة باللي صار معكم

عفوا عزيزتي عندي سؤال ،،،
شو اللي يمنعكم من مواجهتها ؟؟؟ خوفكم على أخوج ؟؟؟
إذا كان الجواب أيوة ،،، فمالكم غير الصبر و التوكل على الله ،،،
و لما تكون بينكم اسكتوا و لا تتكلمون فأي شي جدامها و حسسوها إنكم متغيرين عليها ،،،
و إذا قالت فيه شي قولولها لا ما في شي ،،،
و استمروا في التعامل بهالطريقة وياها لأنها ما تستاهل تسوولها سالفة ،،،
و إذا قاطعتكم علشان هالشي يكون أحسن ،،،
لأنها بعدها ما بتقدر تألف عليكم سوالف و حكي لأنها ما تزوركم ،،،
البعد عن اللي مثلها غنيمة فلا تصدعون راسكم وياها ،،،

اذا كان هالشئ صحيح الله يجعل كيدها في نحرها ويكفيكم شرها

شوفي قلبي صار لنا موقف مع أسرة خالي..ونشروا كلام ما هو طيب ..ما يجوز رمي المحصنات... سبحان الله صبرنا وكثرنا الإستغفار
لحد الحين خالي يبغاني اقول له مسامحتك.... بس اقول الله يسامحه

علشان كذا حاسة بيك
ما عليكم إلا الإستغفار والصدقة..وإن شاء الله الله سبحانه وتعالى بينصركم

اشكر كل من أسدت لي نصيحة او مشورة واسأل الله ان يجعل لكن من كل ضيق فرجا ومن كل هم مخرجا وان يرزقكن الفردوس الاعلى من الجنة 

انتي شعليك من كلامها , !!

وشدراك ان كل الناس تصدق كلامها ,

انتي سوي اللي عليك وزري اللي لزم تزوينه وسولفي وستانسي ولاكانك تدرين انها متكلمه عنك

ومب لزم تبررين ولا شي لما حد يوجه لج اتهام او يسألك عن شي جاوبي

تكسب الناس بتعاملها خلج اوكي مع الناس بتشوف تعاملك وبتحبك مابتراجع ورى الكلام اللي نقال

لان كل شخص بيشوف تعاملك انتي معاه هو اللي بيحببج فيه مب الكلام اللي نقال

كل ناس تكلم عن بعض الا من رحم ربي ! ومب كلمه بتنقال عنك انتي مضطره تسمعينها وتحققين فيها

وتجازين من قالها , طنش تعش تنتعش

والسلام عليكم !