موضوع يفتح النفس ..محتاجة قصص ترفع المعنويات
انا مريت بشوية صعوبات اول ما توظفت كان عمري 21 لسا خريجة جديدة كنت واثقة من نفسي لاني كنت من الاوائل عالدفعة ماشاءالله وانجليزيتي ممتازة ومتدربة في اكبر مستشفيات المملكة وتوظفت في مكان بنفس المستوى
واجهت احقاد واتستقعدوا لي ناس. كان فيه انسان خبيث في الادارة من هذول القديمين اللي شهادتهم دبلوم صحي بعد المتوسطة يعني اي كلام ولغته الانجليزية تعبااانة ولا يعرف شي. كان دايماً يتلقف ويحرج نفسه. وانا كنت ارد عليه بالمصادر والابحاث الطبية فحقد علي وظلمني وزفّت تقييمي, رغم اني والله شاهد كنت اكرف كرررف لا فطور واحيانا لا غدا وما اطلع من القسم الا لما يطلع اخر مريض. رغم صعوبة المواصلات للبنت انتو عارفين. كنت اطلع احيانا متاخر مرة اضطر اوقف تاكسي في الليل في الظلمة والمطر. بس كنت صابرة محتسبة الأجر, واقول لنفسي انا الحمدلله في صحتي وشبابي مافيها شي لو اشتغلت زيادة ساعة ساعة ونص عشان اخلص المرضى المساكين اللي ينتظرون دورهم بالساعة والساعتين. وكان وقتها راتبي قليل ويروح عالسكن والمواصلات والمعيشة ولا كانوا يدفعون لي أوفر تايم عالشغل..غير المعاملة السيئئئة كنت ارجع منهد حيلي رجلي ماأقدر اوقف عليها واوجاع مو طبيعية ودموعي ع خدي
الكل كان يقول لي وش حادك استقيلي اهم شي صحتك واعصابك. بس صبرت, والحمدلله اخذت نتيجة تعبي طلعت بشهادة خبرة وشهادات مؤتمرات واكثر من 10 توصيات من الاطباء والمدراء .. والحين مبتعثة اكمل دراستي بتخصص نادر واللي تمسخروا علي واللي آذوني بحياتي ما صاروا يعنوا لي ااااااااي شي ابد. كنت ادعي على بعضهم بس خلاص سامحت ونسيت
الصبر ثم الصبر. وما بعد الضيق الا الفرج
دعواتكم لي بالتوفيق في الدراسة ولكم بالمثل يارب
قصصكم بين الصعوبات والنجاحات "إنجاز"
متابعة النقاش، صفحة 8