شكراً للمتشائمات | رسالة لكل متشائمة حوائية ,

بسم الله الرحمن الرحيم

السلام عليكم ورحمة الله وبركاته :

كيف حالكم بنات حواء ؟
تصدقون أحبكم وكذا يعني ,

اليوم انا ما حأتكلم عن التشائم واثره ومضاره , أبداً ولا ببالي أكون مصلح اجتماعي يصلح بين المتشائمين وعائلاتهم أو حتى المتشائمين وذاتهم ,

ببالي أنوه على نقطة أتمنى توعون فيها شوي :

أمس كلمت وحدة تعرفت عليها من عالم حواء , جد انسانة اعتبرتها أختي وهي اعتبرتني اختها نسولف عن كل شي سوى ونضحك فبجد الكلام معها كأني أتكلم مع وحدة من خواتي

قلت لها : تصدقين تعلمت من عالم حوا أشياء كثيرة . . بحيث إن فكرتي عن المجتمع اللي حولي تغيرت كلياً ؛ من اول ما فكرت اناظر للي تحتي واشكر ربي على نعمته , كنت احسب كل الناس نفسي من مجتمعي من نفس كل شي . . . * وكلام كتييييير *

المهم :
تفاجأت هنا بناس غير , كنت زمان أظل متشائمة ومتحلطمة عشان الشوز الفلاني ما لقيت مقاسي , بس الصفة الحلوة اللي كانت فيني ان حلطمتي بسرعة تنتهي . . فهذي حلطمة صبيانية مرة كلها دلع وعنطزة عالفاضي , لدرجة يوم أتذكر نفسي أحتقرني

جيت هنا ولقيت في فئة جديدة وهي فئة المتحلطمين , اللي بس تشائم بتشائم ثم تشائم , أنا ما تزوجت أنا ما أنجبت أنا وأنا وأنا . . . وكلام كثيــــــــــــــــر

سؤالي هنا :
حبيبتي المتشائمة فكرتي بسبب عن اللي بيصير ؟
يعني أبداً كل هذي مشاكل مالها حل ؟؟
تعكرين مزاجك ليه ؟؟

مو قصدي أصير إنسانة شريرة وأقول لا عاد تجون تشتكون ومدري وش بس حابة أقول طالعي للجانب الإيجابي من كل شي :

تأخرتي بزواجك ؟؟
طيب خيرة يمكن ربي لو بكر بزواجك كان تزوجتي رجال عقيم وتصيري ما تجيبي أطفال ,

تأخرتي بالحمل ؟؟
طيب يمكن لو ربي رزقك بطفل حيكون مولود بنفس سنته أطفال اشقياء يصاحبون ولدك ويصير ولدك عاق ,

. . .

أتذكر يوم كنت بالثانوي قالتلي أستاذتي مرة : تدرين إن يا سؤراً لو إنكشف الحجاب وقالوا للإنسان إختار قدرك بيختار نفس اللي الله كتبه له . . !

فليش تتشائمين ؟؟
والله والله والله هذا كله خيرة , هذا كله اختبار , هذا كله مقياس من ربي لا أكثر والله . .

طالعي لغيرك وفكري شوفي قد إيش البلاوي اللي عنده وافتكري حالتك بتهون . .

من واقع حياتي :
أنا الحمدلله الحمدلله طلعت حامل * الله يبارك فيكم * بس يوم سويت التحليل والفحوصات قالت الطبيبة إن في مشكلة فلانية وإن هالحمل لو تم واحد فينا بس حيعيش , وقتها أبداً قعدت أبكي وإنهرت وصارت مناحة , بنفس الوقت كنت قاعدة بالاستراحة انتظر اخوي يجي ياخذني عشان زوجي مسافر , وانا ابكي ناظرتني وحدة قالت لي ليش تبكين ؟؟ , تجاهلتها . . لأن ما أحب أحد يتطفل علي , رددت علي السؤال , وبهدوء قالت حتى أنا ما أجيب بيبي . . سكت وصرت أناظرها وقالت هذي مشكلتك ؟؟ , قلت لها لا أنا مشكلتي كذا وكذا وكذا , ابتسمت لي وقالت قل لن يصيبنا الا ما كتب الله لنا , والموت لاحقنا لاحقنا ونهايتنا تراب فلا يضيق صدرك وخليك ضامة طفلك ببطنك وإن ربي كتب شي هو اللي بيصير , قعدت أطالع لها وبصدق عرفت قد إيش نحن بنعم يبغى لنا ننقرص عشان نعرف معناها

فالمغزى هنا يا بنات عندك مشكلة ؟
طيب تقدرين تحلينها ؟

لو الإجابة إيه : طيب ليش مكدرة خاطرك ؟
لو الإجابة لا : طيب ليش مكدرة خاطرك ؟



فجد سامحوني على الكلام الزايد بس بجد حبيت أنوه على هالنقطة , أتمنى منكم التفكير بكل النعم اللي عندكم قبل تتشائمون من اللي جاي

وادعولي ربي يتمم حملي على خير ,