عزيزتي ،،، بنتج بحاجة لدعائج و يقينج بالله إنها بتتغير ،،،
بنتج بحاجة لأمومتج و وقتج و تفرغج لفترة و بإذن الله بتتغير ،،،
و التغيير محتاج منج إنتي للصبر فترة طويلة ،،، استعيني بالله ،،، لأنه واضح جدا إنه أسلوبج وياها إنتي و أبوها لازم يتغير و يكون بعيد عن الضرب ،،،
أول شي هي لين الظهر في المدرسة و لما ترجع اشغلي وقتها بالمذاكرة و مساعدتج في البيت و بهواياتها ووووو في مليون شي ،،،
ثاني شي خصصي غرفة للمذاكرة و حطي اللابتوبات و الأيبادات فيها و ممنوع بنتج تشل اللاب لغرفتها ،،،
و طبعا إنتي تكونين وياها طول وقت المذاكرة و ما تخلينها بروحها فيها ،،،
ثالث شي شاركيها في الدخول لبعض المواقع اللي تناسبها و فيها مثلا قصص و ألعاب ،،،
رابع شي حطي في الغرفة لعبة السوني أو الوي و شاركيها إنتي و أبوها في اللعب هذا شي مهم لها و بيشبع احتياجاتها العاطفية و بتحس بالفرح ،،،
خامس شي قبل النوم اقريلها و أختها قصة مفيدة دينية أو اجتماعية و خليها تفكر في أحداثها لينما ترقد ،،،
و إن شاء الله تداركين الموضوع و تتغير بنتج و تترك هالأشياء ،،،
أنقذوني ... إبنتي سوف تضيع طفولتها
متابعة النقاش، صفحة 10