شاركي في النقاش

سجلي الدخول لإضافة تعليق.

التعليقات

329

  3. @sahb_almaaaly_7



    أشكر اختي صاحبة الموضوع ...

    هذي القصص اللي باحكيها لكن على لسان والدتي الله يحفظها

    تحكيلنا عن وحده من المعارف ضعيفه ومظلومه

    رحمة الله عليها وعلى اموات المسلمين

    كانت هذي الحرمه مريضه بالمس

    وزمان العرب مايعترفون بالمس

    لاشافوا الحرمه ولا الرجال به خلاف مايعذرونه ولا يصدقون انه به شي

    على بالهم انه يسويها حركات

    المهم كانت هذي الحرمه الوحيده بين اخوانها الذكور

    وكانت حالتها اسيفه تتنقل من بيت لبيت عند زوجات ابوها لان امها متوفيه

    كانت من زود مرضها تقوم بالليل وتهد بيت الشعر حقهم وتقوم وتبنيه مره ثانيه

    ثمن تروح بعيد عنه وتناظره تشوف به خلاف ولا لا

    ولا شافت به خلاف ترجع وتهده وتبنيه من جديد لين يصبح الصبح

    كانت بس تبكي من معاملة حريم ابوها لها هذي تجرحها وهذي تلومها

    كانت مثل الخادمه عندهم ومالها من يدافع عنها

    مثل ماقلت لكم اخوانها ماكنوا مصدقين انها مريضه

    لين يوم جا اخوها بالفجر وهي قاعده لحالها

    يوم ناظرته الا وهي كاشفه وجهها

    يوم شافها اخوها ماغطت وجهها قال لآآآآآآ اليوم صدقت ان فلانه مآآآآهي بعقلها

    لانه بعاداتهم المره تلبس البرقع وماتكشفه حتى قدام اخوانها

    المهم تطورت الحاله بالمره هذي لين صار الجن اللي معها من الجن يجون يهرجونها ويعلمونها بكل مايصير حوالينها

    كانوا يسببون لها امراض كثيره دايما مريضه

    الطريف بالموضوع انهم يوم يزيد عليها المرض يعلمونها بالعلاج

    وتستعمله وتطيب باذن الله

    زوجوها اهلها رجال ع قد حاله عاشت معه وارتاحت من اذية زوجات ابوها

    كان طيب معها ويعاملها معامله طيبه

    ولدت له وقعدت معاه وهي مره تعبانه ومره زينه

    لين توفاها الله وهي جايه من الحج رحمة الله عليها وعلى اموات المسلمين

    حتى زوجها مات وهو طالع من الحرم الله

    شوفن الخاتمه ؟ هذي عاقبة الصبر والفعل الطيب


    بعد حكايه اخرى

    جدي رحمة الله عليه كان ديّن

    يحافظ على طهارته واذكاره وصلاته

    يقول مره كنت مع رفيق لي بالبر >>> هم بالأصل كانوا رعاة ابل عايشين بالبر

    يقول : مره كنت ورفيقي هاذا ماشيين بالبر قريب المغرب

    رفيق جدي هذا ماكان زي جدي ديّن كان ع قولهم يمشي حاله

    يقول مادرينا الاو ذاك المخلوق اللي يقترب منا كنه شجره

    يقول يوم اقترب منا الا خلقته ماتنفسر وش هي

    يقول كل ماله يقرب منا الا واشوف رفيقي يشاهق ويقول بس بس بس مدري ايش به

    بس يقول جدي قمت وأذنت وانا ااذن كل مال المخلوق يبعد ويبعد لين توارى

    يقول قمت وسألت رفيقي وش علامه لما قرب منه المخلوق تغير وصار يشاهق

    قال له رفيقه لما اقترب مني قعد يبخ علي حراره قويه بوجهي ابي اسمي ماقدرت مافكني الا لما إنت أذنت

    وجدي أبدا ماحس باللي حس به رفيقه

    سبحان الله شفتوا يابنات اللي يخاف الله ويحافظ على صلاته واذكاره تهابه الجن ؟


  4. @nor_albrk

    جزاكم الله خير قصص الاجداد مشوقه وفيها عبره

    يازينهم ويازين ايامهم

    الله يرحم امواتنا واموات المسلمين

  5. @roz_oahb_almoz

    جممممميله القصصص والاجمل المبدعه صااااحبة الفكره والموضوع الممميز قصص الاجداد حقبة من الزمن مليئه بالارث الادبي يطغى عليها عبق الكادي والنرجسيه مغامراتها كلذعة القرنفل به من الماراه وبه من الفائده وبها من الحكم الكثير وجلادة وصبر البدوي الترحال وشجاااعته وشهاااامته نعتز باجدادنا وسيرتهم المجيده وناسف ع جيل المستقبل جيل البلاك والايبود والايباد جيل ارتخت عزيمته وماتت غيرته يصبح المعلم مقتول والطااااالب هو بطل الجريمه زمن تتطاول الصغار والمراهقين ع كباااار السن قال صلى الله عليه وسلم في معنى الحديث ليس منا من لم يرحم صغيرنا ويوقر كبيرنا فاي جيل نرتقبه ونرتجيه وهو لم يحترم معلمه فضلا من قتله

تابعي تجارب أخرى من هذا القسم.