من جد الواحد مو عارف يهرررج
اللي اعرفه انه الخصوصيات اللي هي الاسرار والامور الزوجيه هذي ما تنحكى ابدا
وبالنسبه للابناء الامور او المشاكل والاسرار الكبييييره هي اللي ما تنقال وتكون خاصه اسرار البيت يعني
بس انو احكي عن شقاوة الاطفال وتغيراتهم وقصصهم والروحات والجايات وهالاخبار اشوفها عاديه
ماهي اسرار
طبعا لما تنقال وتنهرج بطريقه سلسه مو بقصد الهياااط والمقاهر
والام والاخوات بالذات يواسونك ينصحونك
مو كل شي بالحياة قلب خصوووصيه وخصوووصيه ولا احد يعرف ولا تهرجين يحسدونك يعينونك يتشمتون فيك
ايش هذا مره مبااااالغه وليه نسيء الظن في الناس لهالدرجه
من جد الناس صايرين غثيثين من كثر الدسدسة والخشخشه وه ما تسوى كلها هروج عن البيت والبزران وهموم التربيه والحياة اليوميه ماهي اسرااار دوله
من جد بعض الحريم تحزنك من كثر ما تسوي يعنني غموووض وجلستها تجيب الهم والغلقققه
يختي حلوه السوالف وسعة الصدر ببساطه بدون لا غيييبه ولا نميييمه ولا نفااااق
ولا افشاء للاسرار والفضايح وبدون استعراض وهياط ومقاهر
اصلا الحين السوالف صارت صوت وصورة بعد الواتس والانستغرام تصورلك كل شي لو كاسة المويه وانواع الاستعراض ما فيه مطعم مافيه كوب قهوه مافيه ملعقه الا صورتها ورزتها حتى فلوسها وراتبها مدري فلوس الجمعيه تصورها وتهايط بها ههههههههه وبعدين يقولون خصوصيات وخصوصيات
الانسان الطبيعي المتزن يميز بين الهرج اللي ينقال والهرج اللي ما ينقال
يعني اي سالفه حسيتي انها ممكن تجبلك مشاكل او غير مفيده لا تقولينها
واهم شي الضوابط الشرعيه لا غيبه ولا نميمه ولا نفاق وكذب وافشاء الاسرار
ليتهم الحريم بس يهتمون بموضوع الغيبه كثر اهتمامهم بموضوع العين والحسد والخصوصيات
فهموني ايش الخصوصيه بحياتي العائليه؟؟!!
متابعة النقاش، صفحة 13