مااعرف أطلق ولا اخلع أتخلى عن ولدي ولا انذل عند أهلي مشكلتي معقده

دام يضربك ولا يحترمك لا ترجعي له

اما اهلك قوي شخصيتك معهم

اهلك شكلهم ما ينفع معهم الطيبة والاحترام. جربتيها ولا نفع, جربي الوجه الثاني

اهلك يتقبلونك انتي وعيالك غصب عنهم . صارخي عاللي يصرخ عليك واضربي اللي يضربك الى ما يحترمون انفسهم!

اجلسي عندهم يمشي لك راتب الضمان ونفقة لولدك من ابوه وتمشي حالك فيها. في كل الحالات زوجك ما يعطيك شي اصلا ..300 ريال وضرب واهانة ؟؟ لا والله خييير

واذا توظفتي ان شالله تطلعي ببيت لوحدك انتي واولادك الاثنين
بلا زوج بلا اهل. الوحدة تعتمد على نفسها وبس
كرسي نفسك لتربية اولادك ..وان شالله اولادك يعوضونك

شوفي حبيبتي مشكلتك مثل ماشكلتي. انا مطلقة وعندي ولد. وقاعده عند اهلي. وبس يضربون الولد. ولا يبون ازعاج ولا يبونه يوسخ شي. طيب طفل ياعلم طفل ويحطون عقولهم بعقله. وهو عمره سنتين ونص. بس انا قاعده لهم اللي يمد يده علية كسرتها. له. وصاروا لحين يحسبون لي الف حساب. خلي شخصيتك قوية لا تظلي كذا. والله ان جلستي ضعيفة عهالحال. لايدوسون ببطنك انتي وولدك. الزمان هذا ماعاد في لا اهل ولا شي. الله حسيبهم بس وربي اكرهم من قلبي. الله يصبرنا. وانا توني مسجلة. بالمنتدى عشان ارد عليكي. ونصيحه لاتتركي ولدك لهم. اهم شي ولدك. والرجال حريقة تحرقو اطلبي الطلاق هذا مو رجال. حسبي الله علية. الله يفرج همنا ياقلبي.

الله يكون في عونك ويفرجها عليك :(

يأختي [غنج التوت ] الله يهدي البال والله يرجعكم لبعض وتنحل مشاكلكم كلها

أنتي لما تزوجتيه وهو تزوجك كل واحد منكم يعرف ظروف الثاني ؟ صح ؟

ماصار لزواجكم سنه ؟ وأنتي حامل منه ؟ صح ؟

يعني الموضوع كل على بعضه محتاج منكم الهدوء والحكمة من الطرفين لأن بينكم عيال

هو من حقه أنه يعطي بنته ولاااازم تتفهمي هالنقطة بالذات لأن عندك ولد صعب من أول سنه وبظروفكم تحاولي تتكلمي في هالموضوع أساسا ممكن يفهمك غلط وبقوووة حتى لو قصدك خير

لأنه توقع لما تزوجك إنك تتفهمي ظروفه ونفس الشيء أنتي

توكم متزوجين سنه وحامل يعني مشاعرك ومشاعره وظروفكم بعدها ماأخذت على بعض المسأله محتاجه حكمة من الطرفين وتضحية من أجل الأولاد

وبخصوص أهلك تراهم أهلك ولو قسوا عليك يمكن قساوتهم من محبه فلا تتسرعي تحكمي عليهم ولو حصلت أخطاء منهم واجهيهم بالحكمة وبالنقاش وخااصة أختك أصغر منك يعني أكسبيها مالكم غير بعض كل الأخوات يختلفون ويتضاربون بس بالتفاهم والحب كل هالأمور تختفي ومايبقى غير الحب والتفاهم

أنا أتوقع كل حياتك تحتاج شجاااااااااااااااااااااعه منك تستهدين بالله وتكسبين محبة الجميع وتفكرين في موضوعك بهدوء لأن الموضوع كبر شوي بس مانتهى في مجال تتصلح كل الأمور

ممكن ترجعين له بس بحكمة وتحفظين كرامتك وكرامته وحقك وحقه لأن الموضوع وصل للعائلتين .

ولاتحاولين أبدأ تتصرفين في أي موضوع بحياتك بقلبك من دون ماتفكري وتستخيري وتتصرفي بعدها وتتوكلي

وفكري مع نفسك الحياة مو تحدي ومن أللي أنتصر !!!

لأ المساله هي كيف تعيشي بسلام ومحبه وتفاهم مع الجميع


أنتي تبغي حياة كلها تحدي ومضاربات وزعل وووو الخ أو حياة طبيعيه ممكن يجي أحيانا فيها شويه خلافات سواء في عائلتك الصغيرة مع زوجك وأبناءكم أو مع عائلتك الكبيرة أهلك وأهله

المعنى فكري بالموضوع ولا تتسرعي أنتي حامل وحرام يضيع هذا الأبن وأبنك الأول يتعب في حياته

وولدك علميه كيف يعيش ويتعايش مع الجميع كيف يأخذ حقه بس بحكمة وتعقل وكيف يتصرف

والأهم كيف يتعامل مع أهلك وكيف انتي تتعاملي مع أهلك حاولي تسعين أهلك كلمات حلوة

ترى نصيحة الأم والأب لو صار لبناتهم وأولادهم شي مثل طلاق أو فشل دراسي أو أو هم يتضرروا نفسيا يمكن أكثر مننا لأنهم يظلوا يحاسبوا نفسهم هل غلطنا هل ربيناهم صح هل وهل وهل

فخلونا نرأف بحالهم وراح ينعكس هالشيء على حياتنا

يمكن يزعلك كلامي بس أنا أعتبرك مثل أختي وأكلمك مثل لو كلمت أختي راح أواجهها بأخطاءها الأول لأني أقدر أكلمها بس زوجها مالي قدرة أكلمه فأهتم فيها هي وكيف تتصرف وهذا راح يخلي اللي حوليها يتغيروا للأفضل .


أغلب أللي يصير معك بشويه هدوء وتفكير سليم شوي من دون توتر وقلق على مستقبلك راح يتصلح إن شاء الله


خليك وسط لا شديدة ومتسلطة وتاخذين حقك بالقوة ولا ضعيفة ينداس عليك

ترا الوسطية في الأمور والحكمة هي مفتاح مشكلتك بإذن الله


وأنا متأمله خير لك لو غيرتي شوي من تفكيرك بالحياة راح يتغيري طبيعي اسلوب تعاملك مع الكل وهم راح يتغيروا معاكي

راجعي نفسك عشان نفسك أحاينا نحب اللي حولينا بس مانعرف نتصرف ويحبنا إللي حولينا بس مايعرفون يتصرفون صح

أتمنى لك كل التوووووفيق يارب

وإن شاء الله تجي هنا تبشرينا بخبر حلووو عن حياتك

سلامات يا قلبي

ليش كل هذي الطيبة والضعف اللي فيك

اذا ماكنت قوية ولسانك طويل حقك بيضيع في الحياة

لاتعتزين باهل ولا زوج ولا احد اعتزي بالله وغيري شخصيتك

خليك قوية بالله والحكومة بتصرف لك ضمان مطلقة ولا تسكتين لاحد

مدي يدك ولسانك واكثري الدعاء والاستغفار

واللي تقول لك عيب وهذول اهلك تلاقي اهلها طيبين معاها وتحسب الناس زيها