أتزوج ولا أجلس أهتم ب بنتي

سواء تزوجتي ولا ماتزوجتي بنتك راح ياخذها ابوها بعد كم سنه ويروح عمرك وانتي تنتظرين
فاحسن لك اذا جاك رجال صاحب دين واخلاق وافقي عليه واشرطي ان بنتك اذا مابغت ابوها تجي تسكن معاكم وانها تزورك. الله يكتب لك الخير وانصحك في الاستخاره .

اعرف وحدة جلست تربي بنتها 18 سنة ابوها ما كان سال عنها يوم كملت 18 طلبها بالمحكمة
وخيروها بين ابوها وامها واختارت ابوها حتى يكمل لها مصاريف الدراسة
يجي يوم وياخذها ابوها
اذا كان من تقدملك انسان صاحب دين و اخلاق استخيري والله يكتبلك اللي فيه الخير

استخيري والله يكتب لك اللي فيه الخير
مثل ماقالو الاخوات مصير ابوها بياخذها ومصيرها الزواج
اتزوجي وشوفي حياتك وخلفي بنات واولاد
وان شاء الله ربي يرزقك بزوج صالح يخاف الله فيك ويحطك في عيونه ويعوضك عن كل شي عانيتي منه

توكلي على الله وإذا جاك الكفء تزوجي وتحري وسألي عن الخطاب اللي يجونك لايصير فيهم كفء وتضيعينه مادريتي

وبنيتك لها رب يتولاها وبوها ماراح يقصر معا هي قطعة منه وأنت راح تتعودين على بعدها
بنت عمي كانت زي بنتك أبوها طلق أمها وهي صغيرة وعاشت عند أمها لحد مادخلت المدرسة بعدين أخذها أبوها عنده وعاشت مع أخواتها من أبوها أكبر منها بنات الأولى لان أمها كانت الثانية وماشاء الله عليها عاشت معهم كنها شقيقتهم وهالحين هي أحلاهم وأشيكهم وتزوجت ومبسوطة والله أنها أحسن حال من خواتها ماكأنها تربت باقي عمرها عند أبوها ومرة أبوها

اولا تحية لكل العمانيين ثانيا حبيبتي بنتك بتكبر بكرا وراح تتزوج وتلقين العمر فاتك انتي ادعي لها دايما واذا جاك واحد استخيري وتوكلي على الله