سؤال عن وصفات دجاج مع الأرز

لو سمحتو ابيكم تعلوني طبخات خاصة للدجاج مع الارز لان زوجي يحب الدجاج والارز بس يبي كل يوم شي جديد سواء في الفرن او على الفرن ولاتقولو بتلاقين طلبك في المنتدى او سوي بحث ابيكم على الاقل تحطو لي الرابط والله يخليكم ساعدوني مليت حتى انا من الطبخ العادي

8 تعليق 4,843 مشاهدة

شاركي في النقاش

سجلي الدخول لإضافة تعليق.

التعليقات

8
  1. @zho

    اهلا فيكى يا ام محمد ما ادرى هادا الطبق تعرفيه ولا لا

    الكبسة وهى انك تسلقى الدجاج وتتشيلى الدجاج من الشوربه اللى بتطلع وتحطى على الشوربه معلقه

    من بهار الكبسه اللى لونها اصفر و3 او 4 حبات ليمون ناشف اللى لونه اسود وقرت فلفل حار

    وتخليها تغلى وتحطى بعدين رز كبسه

    ولكل كوب رز كبسه 2 كوب ماء او شوربه الدجاج


    وبس وتحمرى الدجاج فى الفرن وبعدين تجيبى بصلتين وتفرميهم وتحطيهم على النار يتخدروا مع شوى زيت وتجيبى ليمونه ناشفه وتطحنيها وتحطيها على البصل وملح وبهار

    وتحمرى شوى لوز وصنوبر وزبيب وتحطيهم على البصله وتطفى النار عليهم

    بعدين تجيبى شوى زبيب وتحطيه على الرز عشان بتفتح الزبيب مع الحرارة وطبعا الرز بيكون مستوى

    وقت التقديم

    تحطى الرز والدجاج فوقه وتحطى البصل والمكسرات

    وتتاكل مع سلطه دقوس

    حبتين طماطم + حبه فلفل حار اذا تحبى و فى الخلاط حتى يصير سائل وممكن تحطى شوى ماء

    حتى يصير لين فى الخلاط ومع ملح وليمون وممكن ثوم

    وصحتين
  2. :02:
    انا بقووولج طريقتي في تحضير الدجاج بالرز

    الطريـــــــــقه.....
    دجاجه كامله مغسوله ومنظفه من الداخل(لا تنزعين الجلد) حطيها في جدر داخله ماء+ قرفه صحيحه وهيل وملح وفلفل اسود+ قطع ثوم ..... خليه لين ما ينضج ..... بعدين طلعيه وهاتي مله اعصري فيها ليمون + ملح + كمون مطحون+ بهارات دجاج تندوري + بهارات كاري واخلطيهم مع بعض وبهري الدجاجه من الداخل والخارج وخليها ساعه على الاقل.............الحين هاتي بصله صغيره حمريها في جدر بعدين صبي عليها ماء الدجاج (حطي الماي على قد الرز مو زياده ) وغطيها بالمنيوم لين ما ينضج في البدايه خليها على نار عاليه اشوي بعدين هدي النار عشان النضج............ والدجاج احشيه ببصل ودخليه الفرن وحمريه.......واخيــــــــــــــــــرا هاتي صينية التقديم وحطي الرز وفوقه الدجاج وزياده اذا تحبين حمري لوز وكاجو وزبيب وبصل كل واحد بروحه ورشيه فوق الرز ........... وصحه وعافيه..................:26: :26:
  3. @zho

    عندك كمان المقلوبه وهى عبارة عن التالى على الترتيب

    فى اخر الطنجرة تحطى شرايح بطاطس

    فوقها تحطي دجاج مسلوق ويكون مقطع

    فوقها باذنجان مقلى وبيكون شرايح وبصل شرايح مقلى وتوم مقلى طبعا مقدارهم اللى يغطى طبقه الدجاج

    وتحطين لكل دجاجه 2 كوب رز مصرى + البهارات ملح فلفل اسود بهار حلو هيل 000

    وخلاص

    تجيبين شوربه الدجاج اللى حطيتيه بالاول وتحطين لكل كوب رز 2 كوب ماء

    طبعا بتجيبين عطاء طنجرة اصغر من الل عندك عشان تغطين فيها الرز وانتى بتحطى عليهم الشوربه

    عشان ما يطلع الرز ويظهر اللى تحته

    وتولعين عليه النار وما راح ياخد اكر من نص ساعه لان المكونات مستويه الا الرز

    وتاكلين معاها سلطه خضراء

    او سلطه لبن = لبن زبادى + خيار + ضرس توم لو تحبى + ملح + نعناع ناشف

    وصحتيين
  4. @am_mhmd_onoaf

    صاحبة الموضوع
    مشكورين على الطرق الحلوة بس ياليت وحدة تقول لي طريقة البرياني واهم شي اسماء البهارات اللي تنحط عليه خاصه بنات الكويت والامارات لانهم معروفين بالبهارات الحلوةى ويعطيكم العافيه اختي زهوه ومها الامارات:24:
  5. الدجاج بالارز على الطريقه الصينيه
    المقادير
    دجاج خالي من العظم مقطع مكعبات
    بصل مقطع صغير
    فطر
    ملعقة طحين
    بهار وفلفل ( حسب الرغبه )
    مقادير الرز :
    ارز امريكي اذا كنتي مو مقاطعه واذا مقاطعه استبدليه برز عادي
    مكعبات صغيره جزر
    حبات ذرة
    بازيلا
    مكعب ماجي
    الطريقه :
    تقلبي البصل في قليل زيت
    تضيفي عليه الدجاج وتقلبيه
    اضيفي البهار والفلفل وحركيه وطي النار شوي الى نضج الدحاج
    اضيفي الفطر وقلبيه
    بالنسبه للرز تسلقيه في الماء والماجي وتضيفي الذره والبازيلا والجزر يصير شكله حلو وملون
    اذا استوى صفيه واذا عندك قالب الكيك المفتوح من الوسط (يارب فهمتي )
    اظغطي الرز فيه عشان ياخذ شكل القالب
    اقلبيه في صحن التقديم
    نرجع للدجاج قبل ما تحطيه على الرز تخلطين الطحين في شوي ماء وتضيفينه على الدجاج وتحركيه (كمية الطحين حسب كمية الدجاج )بتكون صلصه مثل الشوربه الخفيفه
    الآن ضعيه في وسط الرز وزيني الطبق والهناء والعافيه
    ان شاء الله يعجبك وتدعين لي :cook: :cook:

تابعي تجارب أخرى من هذا القسم.