سالفتي طويلة وكتبتها كذا مرة شافني في مركز تجاري و خطبني بس انا ما شفته
يوم الملكة عقدنا فالمحكمة نادوا ع اسماءنا فالاستقبال انا و هو و ابوي واقف بينا عشان يتأكدون من شخصياتنا ونوقع ونجهز الاوراق قبل الدخول ع القاضي من الربكة ما عرفت وين اوقع و قعت غلط قام هو حاول يمسك ايدي عشان يدلني ع المكان قام ابوي سحب يد العريس عشان ما يلمسني ههههههه ودخلنا ع القاضي و طلعنا و انا ما عرفت اي واحد هو الرجال كانوا وايد من اهله و الشهود
يوم العرس بعد دخلة الرجال ابوي و اخواني و اخوه وقفوا يتصورون هو قرب مني حسيت بدوخة و اغمي علي طحت وراة بالضبط ههههههه هذا كله و احنا ما شفنا بعض لاني كنت متغطية بسبب اخوه
طلعوا خوه و فوقوني وشفته هههههه ابوي قاله هذي عروستك ماتت وحيت مرة ثانية و الحمدلله عايشين مبسوطين دعواتكم لنا بالذرية الصالحة
احلى شي ان الكلام هذا كله موثق بالفيديو كل ما تفرجنا عليه نضحك ضحك لان شكلي يضحك كنت واقفة وفجأة اختفيت وراه هههههه و هو اخواني و ابوي ما عطوه مجال يقرب وافق بعيد و في ايده البوكيه هههههههه
للي ماشافوا ازواجهم الا ليلة العرس ؟؟؟ شنو كان شعورك
متابعة النقاش، صفحة 26