انا بقولكم سالفتي انا واختي المرعبه :44:
مره من المرات سافرت لموعد لها امي واختي الصغيره وبقيت انا واختي اللي بالثانوي بالبيت المهم محد فيه بالبيت وكانت هي غايبه عن المدرسه المهم ذبحنا الجوع دقينا ع البقاله يوصل قال مافيه نفر <<حسبي الله عليه
قالت اختي خلينا نروح للبقاله ع رجولنا قلت يالله لبسنا عبايتنا وننطلق للبقاله بلا نا ماندري وش بيواجهنا
طبعا بيتنا فاضي مافيه احد ولاسياره قدامه المهم رحنا وقشينا من البقاله قش كل وحده بيدها كيستين من مالذا وطاب ،، طبعا الحارات فاضيه ولامخلوق يمشي لان الخلق بالمدراس وهالكلام الساعه 11 واحنا راجعين نشوف سياره تروح وتجي وسوينا انفسنا يقالنا مومنتبهين له لحد ماخشينا بحاره ضيقه شوي الا نحس بصوت سياره تمشي شوي شوي يوم التفتنا الا نفس السياره والمصيبه اللي فيها ياليته شاب لا رجل كبير عمره يمكن بالخمسين ااااااه وقتها قلبي طاح من الخوف واختي صرخت ونمشي بسرررررعه باسرع ماعندنا وهو يدعس ويتعدنا ويصير قدامنا ويوقف ويفتح ابواب السياره طبعا مانقدر نرجع لان الحاره بنطلع منها اختي مرت من عندها وهي تركض انا مريت وانا ادعي واصيح تخيلوا فاتح ابواب سيارته ورافع ثوبه الى صدره وعاري كما خلقه ربه يقول تعالي تعالي هنا راسه شيب وعيونه حمر انا قعدت اصيح واركض وجتني ام الركب والله واالله انني اصيح واقول يارب زي ماسترت نفسي يارب لاتخليه يضيع شرفي وشرف اختي يارب تحفظنا قعدت اركض وبنفس الوقت عظام جسمي ترتجف وتصفق ببعض احس بطيح موقادره امشي الحاره فاضيه الشوارع فاضيه وانا فيه مسافه بيني وبين اختي من خوفي عليها انه يجيها ويخطفها صرت مااسرع بشغله عنها لانها نحيفه مره المهم وهي تمر سياره والله بغيت اوقفه بس راح وتعداني ،،، هالحقير يوم شاف السياره دعس وراح صرت امشي انا واياها بسرعه ع اساس انه راح انا ارتحت يوم صار بيينا وبين بيتنا ست بيوت التفتت اختي ٦وهي تصرخ وتصيح تقول جا جا مره ثانيه قمنا نركض بسرعه يوم قرب لنا مابييننا شي وانا امسك عباءه اختي ع اساس ماتروح عني وقلتها اصعدي عتبات البيت ذا ع اساس ان هذا البيت بيتنا وهو بيت ناس مانعرفهم وقمت اطق الجرس وارفع جوالي وكاني اكلم راح عباله بيتنا يوم راح وانا واختي نرفع عبايتنا ونركض نركض لحد ما قربنا لبيتنا بقى بيننا وبينه بيت تخيلوا يوم التفتت الى هو ورانا جاي من بعيد ااااه اقلبي حسبي الله عليه الله لايوفقه اختي سبقتني ودخلت البيت وانا اصرخ واقولها لاتخليني لاتخليني والله بيني وبين دخله البيت وبين يوصل لي ثواني لاني يوم دخلت وسكرت الباب الا اسمع صوت كفر سيارته ااااه والله دخلنا البيت زي المجنونات نصكر الابواب ونقفل الشبابيك ونركض لسطح ونسكره ودخلنا جناح امي وقفلناه وقفلنا غرفتها واحنا نرجف وعرقنا يصب والله وربي يشهد علي قلبي احسه بيطلع من صدري من شده الخوف انا موقاده اتكلم ولاقادره ولاحتى اختي تصيح بدون صوت وترجف ترجف قعدت اذكر الله واذكر الله بقلبي مقدر اتكلم ريقي ناشف واحس لساني انربط ،،خذينا يمكن عشر دقايق هذي حالتنا ،،لحد مااحس قلبي بدا يهدا خذت مويه وشربتها وخوفي كله يطب علينا بالبيت لانو واضح محد بالبيت واتصلت ع الشرطه وبلغت وكالعاده الشرطه باردين قال طيب قلت وش طيب احنا قدرنا ندخل البيت لكن فيه بنات بيطلعن من مدراسهن بعد شوي غير كذا انا واختي بالبيت لحالنا موبعيد يطب علينا الله يخليك قال خلاص بتنزل دوريه للحي اللي انتم فيه واخذ مني الوصف ،،هذا ارعب موقف مر علي لان كثير مواقف مرت علي مرعبه ،،لكن المضحك المبكي اني انا اختي رغم حالتنا وركضنا مافلتنا الاكياس ولااكلنا شي لين رجع اخوي من الجامعه ،،طبعا هالشخص تعرض لصديقه اختي بعدنا يمكن بشهر وامسك عبايتها وصارت لها سالفه بعدين اقولها لكن. بعدفتره مسكوه عمره بالخمسين راعي بلاوي وخمور ،،، الحمدلله الذي عافني مما ابتلاه وحسبي الله عليه ونعم الوكيل
رعب...رعب...رعب....مواقف مرعبة......./ قديم
متابعة النقاش، صفحة 608