كيكة الفانيليا و الشيكولاتة بالصور من مطبخى بتخلص فى ساعتها من كتر حلاوتها

@gomana_12







المكونات



المكونات

 5 بيضات
3 كوب دقيق
2 كوب سكر
أو أكتر شوية أو أقل
حسب رغبتك
2 كيس فانيليا
علبة كاكاو
نص كوب زيت أو لو تحبى حطى سمن أو زبد
حوالى نص كوب لبن و ممكن نزود لو احتجنا
ملعقة قشطة و ممكن تستغنى عنها

2 كيس كيك شيف
هو زى البيكنج بودر بس بيعللى الكيك أكتر
لو مش متوفر استخدمى بيكنج بودر عادى

طريقتى

بحط المكونات السائلة فى الخلاط مع بعض
و بعدين بنقلها لوعاء العجن
علشان أضيف الدقيق و الكيك شيف
الكيك شيف دة زى البيكنج بودر لكن فيه محسن
و بيعللى الكيك كويس
دى صورته من قريب و أنا بحب أستخدم كيسين


البيض مع الفانيليا فى الخلاط


بضيف السكر



و اللبن


ملعقة قشطة


بعد ما اتضربوا كويس نقلتهم فى وعاء العجن


ضفت الزيت


ضفت الكيك شيف للدقيق فى منخل


تابعونى
لسة حكمل



31 تعليق 12,156 مشاهدة

0 0

شاركي في النقاش

سجلي الدخول لإضافة تعليق.

التعليقات

29

  1. @gomana_12

    صاحبة الموضوع

    نكمل

    نخلت الدقيق اللى عليه الكيك شيف فوق
    الخليط شوية بشوية
    و ضربت بالمضرب




    صبيت نص الخليط فى صينية مدهونة زيت و مرشوشة دقيق علشان الكيك ما تلزقش


    حطيت كيس الكاكاو على النص التانى من الخليط و ضربت بالمضرب
    لو الكيكة تقلت معاكى بعد ما تضيفى الكاكاو ممكن تزودى لبن
    و بعدين حطيت النص اللى بكاكاو فوق النص الأولانى


    حطيتها فى الفرن على نارهادئة مدة 45 دقيقة
    و حسب الفرن بتاعك ممكن تاخد وقت أقل أو أكثر
    المهم ما تفتحيش عليها علطول بعد وقت قصير
    و ممكن تختبرى سواها بسكينة
    لو طلعت السكينة نضيفة تبقى استوت

    دة شكلها بعد ما طلعت من الفرن


    دة شكلها ساعة التقديم






    أتمنى تجربوها و تعجبكم

    منتظرة ردودكم الحلوة :icon35:

تابعي تجارب أخرى من هذا القسم.