تجـمع للحوامل الرابطات (ربط عنق الرحم) الثلاثون

السلام عليكم ورحمة الله وبركاته ..
صباح الخير رابطات الحلوات صباحكم رحمه ورضا من رب العالمين ..
ادري مقصره ادخل اقرا على اني ارد عليكم لكن نومي ملخبط ماانام ساعتين الا اصحى واقعد كم ساعه افرفص ابي النوم واذا مسكت الجوال غفيت وطاح مني ( تقل عجوز :( )

اولا مرحبا بالحلوات الرابطات المنضمات الينا حديثاً :)
مع اني ياااارب يفرجها علي وافقس قريب لكن باذن الله اكون معكم قد مااقدر
لان هالتجمع من اروع الاشياء الي حصلت لي في حملي واستفدت كثيييير منه ..



ياااارب ياحبيبتي يفرج عنك ويريح بالك و ماتسوى الدنيا اهم شي الصحه والعافيه وماادري والله عن ابرة الرئه ..



يااارب ياحبيبتي يثبت حملك ويقر عينك بسلامتكم ..
مادري حبيبتي احس التحاميل مرتين باليوم والدوفاستون ثلاث مرات كل مره حبتين وراااااحه باذن الله كافيه .. طمنينا عليك ..



ياارب ياحبيبتي ييسرها لك ويتمم لك على خير وتعدي الايام وتفرحين بضمة ضناك بسلامة ..



ياحبيلك الله يخليهم لك صدق ورطه البزران الله يصلحهم ماتقدرين تحكمينهم برا.. ذكرتيني بالهديه قبل اسبوع كان عيد زواجي الثالث وانا واصله حدي احتري الولاده ولا سويت اي شييييييي ولا جبت هديه ولا غيره والعاده اسوي جو بس قلت ان شالله اعوضها اذا قمت بالسلامة



مجبوووووووس ...الله ييسر لك ولي ولكل المسلمات خوفتيني من القيصري بزياده


اخباري ...
الحمدلله الي ربي تمم علي ووصلت للتاسع

لي يومين الالام زادت وصرت احس بثقل غير انه نومي مقلوب وسيء ساعتين و اصحى واجلس كم ساعه احاول انام ..
طبعا قبل امس كملت التاسع ورحت امس سويت تصوير عشان اتطمن على النونو والحمدلله قالي المويه والمشيمة طيبه قلت له طيب كم ممكن اجلس بعد التاسع ويكون مافيه خطر ان شالله قالي انا مااحكم الدكتوره لازم تكشف عليك وتشوف الرحم والراس نزل ولا لا وكم ممكن لك مده لاننا نخاف الوزن يزيد لو تطولين وتحتاجين قيصري..

المهم اني اليوم من الصباح اذا قمت من النوم رحت الحمام وانتو بكرامه احس بثقل شديد وشد على تحت غير الطلق الي من اول التاسع لكن مو منتظم وكل شوي اقول ابروح واصبر نفسي وشربت يانسون وزعتر بالعسل وتبخرت ببخار موية مره وكمون وقشر بصل الين العصر قلت لزوجي مشينا وانا احس نفسي يا سلام ساعتين واولد
رحت الطواريء وحطوني على التخطيط وعلى طول باين الطلق وعالي شوي فرحت قلت بس باقي تكشف الدكتوره وجت وكشفت قالت الراس مرره فوق مع ان حوضك ماشالله كويس والرحم سميك وفاتح بس 2 ابسويلك تحريض اتعورت لكن قلت الحمدلله مو مشكله والطلق متباااعد مو ورا بعض ..

ولمن شافت ملفي قالت انتي مفوته اسبوع وكانو هم حاسبين لي غلط انه موعدي 1 /10 والاستشاري قبل اسبوعين صحح لي وقالي ولادتك ب 7 و قالت عموما انتي وضعك ان لك 3سنوات متزوجه ولك اجهاض قبل وهذا اول حمل ماراح نتعب النونو اذا فضل الراس فوق ومانزل بالحوض وانتي خلصتي التاسع سوي قيصري احسن ..
استخيري واذا حابه تسالين احد ثاني وتستشرينه براحتك لكن لاتطولين وانتبهي لحركة الجنين اهم شي
واذا جاك الم تعالي وحسب وضعك..

طبعا رجعت البيت اكذب لو قلت ما ضاق صدري اتمنى من ربي تكون ولادتي طبيعي ويوم فكرت قلت مادامها قالت حوضك ماشالله حجمه كويس فانا ابحاول يومين مشي ودرج والي اقدر عليه وبعدها ربي يكتب لي الخير وين ماكان ...
وماودي استعجل على القيصري مادام وضع النونو طيب وتوي مالي 3 ايام مخلصه التاسع وبنفس الوقت اخاف اتاخر ويتبرز الطفل لا قدر الله..


دعواتكم خواتي حبيباتي والله دايم دعوتي ربي هون علي وعلى خواتي في القروب جميعا بولاده سهله ميسره ولا تطل علينا شده يااااااارب ..

السلام عليكم
انا لي حامل خمس اسابيع بولدي الاول حدثت لي ولاده مبكره بنهاية الثامن
وبالثاني اجهضت في الرابع وبالثالث ولاده مبكره في اول السابع
هل ممكن دكتورتي تسوي لي ربط لعنق الرحم
انا خايفه مابي افقد جنيني وبعد خايفه من الربط يعور ولا
ردوا علي بليز

يا حبيبتي عيون ربي يتمم عليك ويقومك بالسلامة ويطمن قلبك
شوفي حبيبتي انا كانت عندي ولادة مبكره في الخامس ولمن حملت سويت تصوير عند دكتور ياسر نصار في المدينه الطبي الي بسلطانه بنصيحه من استشاريه بالولاده وانصحك دائما سوي تصويرك عنده ماشالله ثقه والجميع حكومي وخاص يثق بتصويره ..
عموما كان الفحص سليم والمقاسات طيبه لكن قالي الدكتوره الي تقرر اذا تحتاجين طبعا انا كنت في الاسبوع ال 12 وماتابعت في الولاده معتمده على اتصالي بالاستشاريه الله يجزاها خير وردها علي وبعد التصوير كنت ادق عليها وماترد اظنها كانت مسافره فتورطت ورحت طواريء الولاده ولا رضوا يستقبلوني يقولون لي روحي جيبي تحويل من المستوصف واقولها كذا اطول وانا بالاسبوع 12 قالت لا قولي اهم مستعجل واقولها طيب بس شوفي التصوير وقولي لي احتاج ربط ولا لا قالت مااقدر ادا اتحولتي عند طبيب معين هو يقولك وانتي ليش ماجيتي من بدري توك تجين !! والاه طلعت وانا اصيح وانا اصلا والده عندهم بنتي الي بالخامس وحسبي الله عليهم عذبوني ربي مايعي ها على احد .. فقررت اني ماارجع لهم واستخرت واتوكلت على ربي ودكتور ياسر حق التصوير مدح لي ماجده في المواساه لانها استشاريه وفاهمه وفعلا رحت لها وقالت الي قدامي طبيعي لكن لو تبين احتياط بعد الي صار معك تربطين بكيفك فكري واستخيري واستشيري وتعالي قبلها بيوم اذا قررتي ونسوي لك الاجراءات ماتطول ..
وسبحان الله قلت اربط واتوكل على الله اريح لقلبي وقبل اروح لماجده بنفس اليوم دقت علي الاستشاريه الي في الولاده الله يجزاها خير وقالت تعالي لي في المكتب وفعلا رحت ثاني يوم وقالت اريح لك تربطين ويالله خلاص الاسبوع الجاي وربي يربط لساني واوافق واسكت وسالتها انتي تسوين العمليه قالت ايه انا واذا جاني اي ظرف او شغل تسويها الاخصائيه الي معاي..
طلعت من عندها وقلت هذي خيرة ربي لي والله ييسرها ..
وفعلا دخلت الاسبوع الي بعدها قبل العمليه بيوم وسويتها واتفاجات في غرفة العمليات انهم كلهم رجال يوم قلت ابي الاستشاريه ولا حرمه قالوالله مافيه الاانا فوكلت امري لله وش اسوي ..
بالنسبه للعمليه كانت الحمدلله كويسه ومافيها شد الالم كان بعد مافقت يوم كامل وبعدين الحمدلله والدم استمر يومين .. لكن انا بالنسبه لي مشكلتي مع الولاده مافيه رحمه الا من رحم ربي والممرضات مايهتمون انا الي اطلب المضاداحيانا واذكرهم اطلب المسكن ليله كامله وتحاميل كاتبها لي الدكتور عشان التقلصات وماتجيني الا ثاني يوم وانا نفسيتي اصلا تعبانه بعد الي صار لي عندهم .. والان لمن جيت افك الربط فكيته عندالوطني لاني اراجع عندهم ..
اذا انتي تستحملي وعادي عندك الولاده اطبائهم فيهم البركة ..
لكن خلاص انا مقتنعه ان الموت والحياة بيد ربي وين ماتكون الاخطاء في الخاص والحكومي انا المهم اختار اهل الثقه واتوكل على الله .. وربي يريح قلبك وتتيسر لك
وترى الربط في المواساة قالوا لي يكلف 3000 اظن ..



الحمدلله الي ربي سخر لك فيها الصالحين
والله ياقلبي دايم اقول يمكن انا حظي شين
تخيلي اول مراجعه لي بعد الربط مادخلوني على الاستشاريه بحجه ان عيادتها زحمه وحطوني بعياده اخصائية وكان ضغطي 145/95 وتقولي عاااادي :/ ولمن طلبت يرحعون يحولوني على عيادة الاستشاريه تقولي رئيسة التمريض الهنديه ماله داعي انتي بس واحد طفل موت الاستشاريه اذا فيه 4-5 قيصري تدخلين قلت لها يعني اذا جيت اموت ادخل عليها؟؟!!!!
الحمدلله على كل حال ..
شوفيني الحين انتظر فرج ربي والوطني قالوا عشان خلصتي التاسع وراس النونو فوق احتمال كبير قيصيري مع كذا مافكرت ارجع للولاده لاني اتذكرت كيف بعد العمليه اجلس ساعتين ثلاثه في الافاقه انتظر احد يوديني غرفتي الممرضات مافيهم حيل يجون واهلي يحاتون برا يالله اذا ردوا عليهم وعطوهم وجه وانا ودي يكون احد معي واول مااطلع القى زوجي واهلي عندي مو اموت كم ساعه وانا لحالي مااحد درا عني ...
الحمدلله على كل حال الله لا يحوجنا الا لوجه الكريم ..
وييسرلنا الخير وين ماكان ..

هلا حبيبتي اتوكلي على الله واطلبي ربط خلاص وربي يكتب لك الخير لكن اهتمي وعالجي الالتهابات اول باول لانهاا ممكن تسبب ولاده مبكره حتى مع الربط..

وبالنسبة للالم الربط عمليه تخديرها كلي ماتاخذ ساعه الاربع وتصحين باذن الله ويكون فيه الم ومغص لكن يعطونك مسكنات وهلاص يوم ويروح وبعدين ماتحسي شي ...

ربي يريح قلبك ويتمم لك على خير

نور :
للحين ما ولدتي !!! 
شكلنا بنولد انا وإنتي في نفس اليوم :)
العمليه ياقلبي حل أخير وشي لابد منه ويمكن انتي ما تتعبك مثلي .. انا جسمي غير عنك انا دبّه :( وغير كذا انا صبوره لدرجه كبيره لكن لما افقد الصبر ما اتحمّل نهائياً .. تلقيني حتى شكّة الابره أصيح واصارخ منها :)


دودي :
الله يعطيج توأم يطلعون عينج مثلي خخخخ .. أما أنهم فضيحه صج فضيحه امس يوم فشلوني قلت ماراح أطلعهم معاي اليوم وقلت لأختي تجلس معاهم .. وبالنسبة للريال القطري اعتقد مافيه فرق بينهم إلا شي بسيط .. لاني لما أروح العمره ما اصرف سعودي إلا نادر جميع تعاملاتي بالبطاقة لانها أريح .. وكانوا البائعين يقولون لي أن الفرق شي بسيط يمكن ريال او ريال ونص بينهم ..
آآآه تذكرت مكه .. وعورني قلبي مارحت السنه لاني حامل وزوجي واعدني يوديني بعد الولاده وبإذن الله بتكون في الشتا ... شكثر احبها وأتمنى أعيش فيها .. أولت العام سكنا فندق رافلز - ماحبيته - والسنه زوجي يقول خل نجرب فيرمونت وأنا مصرّه على دار التوحيد احببببببببه


اخباري :
من امس عندي الم خفييييف والدكتور يقول امشي كل يوم ساعه عشان العمليه ماتتعبك .. ومن يومين أصابع يدي منتفخه وألم شدييييد في المفاصل :(